Tỉnh Kiên Giang peih nyom darak pasar “yaok xã, phường hu sa pandap” 

Meng blaoh, di Hà Nội, ala tacei ba di Akok Hội đồng Bangsa Hà Ngọc Chiến, Hội đồng Bangsa pambuak saong Uỷ ban Bangsa peih nyom biai pasram bruk jak ba meriak gauk ka urang tabiak mbaok palih ruah ka QH saong ka HĐ bhap bini pakat tỉnh lac urang bangsa takik di gah Barak negar. Di nyaom biai, dom urang lambaok hu pasram ilamu jak ba palih ruah, taom gaok cử tri, dak padang thaot binguk anak bhap bini di urang tabiak mbaok piah palih ruah ka QH saong ka HĐ bhap bini bhum urang bangsa takik saong bhum ceik; dom bruk njauk caik hatai sangka dalam bruk dak padang danak dak bruk ngak, jalan brei thau danak dak bruk ngak di urang tabiak mbaok piah palih ruah ka QH saongka HĐ bhap bini bhum urang bangsa takik sang bhum ceik. Asar kadha di danak dak brei ndem tagok hu dom caong khin di cử tri labik drei tabiak brei palih ruah. Gam haong nan, pambuak saong dom bruk pandiak, haduh hatai di bhap bini dalam negar njauk brei langyah.

Di var ginum biai chip di mban tacei jalan pacang caga jit Covid-19 TPHCM rah tabiak di jala pandiak ni (26/4), Akaok UBND ban raya HCM Nguyễn Thành Phong brei thau ban raya oh cuh phao bingu tuk harei 30/4 song harei 1/5 anak tal, dom bruk ilamu, daoh tamia brei khik hu siam mekre, pacang caga jit Covid-19. Jeng di var ginum biai ni, ong Nguyễn Thành Phong tong yaom: ban raya HCM yaom lac hu labaih 70 harei pasang iek siam jit Covid-19, oh hu urang halei njom mbak dalam bhap bini min di dom negar dok jiak tapen yau Campuchia, Thái Lan song Lào dok rah tabiak khang, kayua yau nan ye, ban raya njauk patagok dom jalan pacang caga jit siam mrekre salamat. Ong Phong hu ndom rilo tal bruk pacang caga jit tui 5 paka di Mintri Y tế ba tabiak. Dom jabat, đơn vị bhain tong yaom song duah thau bruk daok rah tabiak, peih ngak dom jalan pacang caga jit tui bruk pacang jit.

Page ini 26/4 di Ban Phú Quốc, tỉnh Kiên Giang, Mentri Ngak Nong saong patagok palei pala pambuak saong UB bhap bini tỉnh Kiên Giang peih nyom darak pasar “ yaok xã , phường hu sa pandap” vak katut tui sap Engric lac OCOP ngan saong kadha “ Sambo pahe bhum Pei negar”. Nyaom darak peih ngak di mblang bein Bạch Đằng di Ban Phú Quốc, pachreih 32 labik parang pandap mai meng jaik 30 tỉnh, ban dalam negar, abih di nyu lac 12 tỉnh, ban di bhum Taneran kraong Cuu Long hu mbaok tame parang iek dom kaya bingi karei di bhum palei di drei. Pak ini, dom urang lambaok vakil, tuai dulich hu duah thau, blei dom pandap siam karei, siam abih di yaok bhum palei dalam negar. Mbiah tal urak ini, dalm negar padang hu labaih 4.730 pandap OCOP di 2.590 po di nyu lac dom doanh nghiep, HTX saong dom labik ngak tabiak.

Harei 25/4, Hội Liên hiệp dam dara Việt Nam ban raya.HCM peih harei pataom ilamu dom bangsa song pok meyaom 50 dam dara bangsa takik naih gheih di dom gah, kham merat hu mbaok dalam bruk kapul, nyaom song bruk dam dara dalam palei, dalam jabat. Pak di harei pataom hu rah tabiak dom bruk iek ruak, tacei jalan iek glang pren yava song brei jru saoh, jao brei 30 pok pandap ka dam dara hu rai duik kan kandah, brei 20 pok jien bac (abih tih yaom 40 triệu đồng) ka sinh viên bangsa hu rai duik biak kan kandah; peih labik main sambai ilamu bhap bini…

Harei 26/4, Bo đoi Biên phòng tỉnh Kiên Giang brei thau, gah biên phòng birau duah mboh, chap khik 4 urang lac bhap bini VN tame negar suan hukum meng Campuchia tame bhum tasik Ban Phú Quốc. Dom urang nan brei thau, pah kapal tapa Campuchia mek cuah, kayua jit Covid-19 daok tamuh khang yau nan ye duah mai VN. Jeng dalam tuk nan, Kapol ngak bruk di Ban chỉ huy Biên phòng pabah mbang negar Dương Đông chap mek ba nao brei daok karei 3 urang di Ban Phú Quốc tapa bhum tasik Campuchia vak jantak, hu taom gaok dom urang negar ini.

Đảng Dân chủ tự do pan akaok rajaei di Japon lah dalam bruk palih ruah pabak di puac adit tapa, kayua bruk oh njauk hatai di cử tri anak dom bruk ngak oh siam song khik ramik di rajaei ngan song bruk srau kadau kayua Covid-19. Bruk ni yau tong khang tame rajaei di Thủ tướng Yoshihide Suga. Thủ tướng Sư-ga harei ni brei thau, ong taduan bruk palih ruah di cử tri song hu dom bruk rami ramik pasiam veik hadei di tuk peih bruk lanyah dalam jang. Ong ndom lac, bruk mesruh pacang jit prong jeng daok lac bruk praong dang akaok

Hadei di 4 harei duah, lin tasik Indonesia brei thau gilai KRI Nanggala 402 karam trun ala tasik dalam 838 met, talah jeng klauk saong taong abih 53 urang dalam gilai metai abih. Brei panuac di labik ngak bruk di karja harei ini, Tổng thống Indonesia, Joko Widodo brei thau dom urang peih gilai di kapol urang nao gilai KRI Nanggala 402 lac dom urang jak gheih di taneh ia. Bruk var jklak rup drei di dom urang nan meda njom tame baoh hatai di yaok bhap bini Indonesia saong karja brei patagok pakat ka taong abih 53 urang peih gilai nan.

Meng harei 24 tal harei 25/4, Ấn Độ hu labaih 349 ribau 690 urang njom bahrau, patagok urang njom Covid-19 di negar ni jaik 17 triệu urang. Dom urang njom bahrau tui harei di Ấn Độ tagok tal tanut glaong di abih ngak brei dom sang iek ruak di negar ni laik tame bruk kurang ô-xi song gaghe ndik biak trak. Dalam harei 25.4, rilo tỉnh ban di Ấn Độ batabiak bruk pacang caga. Di ban ine Niu Đê-li, kanja ban ni batabiak bruk pacang caga tal harei 3/5 anak tal./.

Urang lang: Hani Pha – Ái Nghiêm – 26/04 16:35:25