Langyah catang bruk ngak suan dalam dom bruk pambuak tal Công ty cổ phần công nghệ Việt Á

Dang kaok bruk ginum biai urang ngak praong pan akaok taong yaom dom bruk praong di taneh ia, bruk dunya dalam 2 bilan akaok thun 2022 saong bruk hu makna praong dalam tukvak anak, rah tabiak tuk biar harei 10-3 di Jabat Trung ương Đảng, Tổng bí thư Nguyễn Phú Trọng hu panuac iew dom jabat chức năng samar pasang iek,duah thau piah langyah catang bruk ngak suan dalam dom bruk pambuak tal Công ty cổ phần công nghệ Việt Á, Pasak pasang iek ruak kik tỉnh Hải Dương; bruk “mbang jien” piah brei adat ka dom c.ty peih dom mbang par ba bhap bini Viet Nam meng negar langiu mai veik taneh piah mbang jien rah tabiak di Cục Lãnh sự, Mentri Ngoại giao; pasang ngak brei cambaic laic, langyah catang bruk ngak suan ka bruk to yaom taneh, chứng khoán…

Tui pathau khan di rajaei dalam mbang nyaom ka 9 di Ủy ban thường vụ Quốc hội, tapa 4 mbang jit COVID-19 mbiah tal ni, drak pasa urang ngak di taneh ia drei njauk kan kandah trak. Dom doanh nghiệp tabiak truh drak pasa, kayua oh dok pren pacang hu, urang ngak nao palei kayua lahik bruk song nyaih di jit, bruk pabak urang ngak trun. Urak ni, dom doanh nghiệp kurang urang ngak glong di abih lac di bhum Đông Nam bộ, lac 30,6%, dalam nan, rilo di abih lac Bình Dương, Bình Phước song TPHCM. Tui nan ba tal bruk kurang urang ngak naih gheih, ngak klaik klaoh bruk sản xuất, bruk pabak, ba tal kan kandah trak damak ka doanh nghiệp song urang ngak.

Mentri Jien padai hu ngak salah danak dak sarak ramik veik yaom kak je khik caga alam moi truong ngan saong xăng, menyek, mỡ nhờn. Tui nan, trun yaom kak je khik caga alam moi truong ngan saong xăng lac 2.000 đồng/lít; menyek diesel, menyek mazut, menyek nhờn 1.000 đồng/lít; mỡ nhờn 1.000 đồng/kg; meyek truac 700 đồng/lít. Mintri Jien padai caong khin sarak hu ba tabiak ngak tui memg harei 1 bilan 4 tal abih harei 31-12 thun ini. Rilo chuyên gia mboh lac, dalam tuk yaom xăng menyek mboh dahlau lac daok tagok glong, yaom kak je trun ngan saong xăng menyek brei ginup praong piah daong ka bhap bini saong D.N.

Urak ni, urang nong xã Xuân Hải, huyện Ninh Hải, tỉnh Ninh Thuận dok paik nho vụ akaok thun mek hu biak rilo baoh. Urang nong pak ni hu pala 145 ha nho hajao tui tanut chuẩn vietGAP. Meng akaok thun tal ni, meng hu langik tasik siam lagaih, ia pruh tani tanat, mik va iek glang njauk ilamu nan ye nho tamuh siam, hu rilo baoh, tui kuhria meng 2-2,5 tấn/sa sào. Tui yaom pablei 40.000 đồng/sa kg glong jang vụ dahlau 15.000 đồng/sa kg, hadei di tuk kaoh abih phun jien, dom boh sang urang nong dok laba hu labaih 60 triệu đồng/sa sào.

Dom harei jaik ini, Sang iek ruak Nhi đồng Ban raya HCM gam gam taduan dom uranaih njom Covid pandung trak pambuak tal bruk xom hala jru. Bác sĩ chuyên khoa 1 Kiều Quốc Thanh, Sang iek ruak Nhi đồng Ban raya brei thau, langiu bruk mbuan pandung saong bala oh njuak, tui gah y khoa, uranaih sit oh brei xom hala phun atau jru halei. Bruk xom rilo meda ngak thun niêm mạc idung di uranaih saong ngak trun bruk pacang caga virus di rup pabhap.

Ukraine bahrau payua pathau khan tal jabat Năng lượng Nguyên tử dunya (IAEA) brei thau lac lahik abih talei taom gaok, ndom biai nao mai tal Sang mac điện hạt nhân Chernobyl hadei di tuk lahik điện. IAEA dahlau di nan jeng hu ndom lac, bruk lahik điện di sang mac oh ngak kan kandah trak damak hagait tal bruk siam mekre salamat kayua tải nhiệt di danao nhiên liệu song dom ia ngak liar di sang mac ginup piah khik nhiệt siam mekre oh cang hu điện.

Mentri Tư pháp Mỹ duah mboh dom bruk pachot pagat saong tội phạm hình sự pambuak tal labaih 8 tỷ đô la Mỹ meng paok jien daong Covid-19 di rajaei liên bang. Dalam dua thun tapa, QH Mỹ brei buh tabiak 6 ribau tỷ tỷ đô la Mỹ meng jien kak je di bhap bini piah daong dom baoh sang saong D.N Mỹ, abih di nyu lac dalam gah y tế saong paok jien praong nan hu jeng bruk pamaong tame di dom bruk pachot pagat. Mentri Tư pháp Mỹ brei pasang iek duah thau saong kaoh duas yaok ratuh urang ka dom bruk pachot pagat dalam dom danak dak gam danak dak bảo hiểm lahik bruk ngak saong danak dak khik caga jien bilan di bhap bini.

Philippines daok peih tabiak dalam negar sa mbang klauk ka 4 vaccine Covid-19, piah ngak salah bruk klauk mbang vaccine ka 2 ka urang umo prong, klauk mbang camereip ka dom urang meng umo 12 tal 17 thun song klauk mbang patagok ka urang prong. Rajaei Philippines batabiak bruk klauk jru ka 1,8 triệu urang dalam 3 harei. Philippines jhul khang bruk klauk jru, abih di nyu nan lac klauk mbang hadar dalam tuk taneh ia peih pabah mbang gilac veik song bruk bầu cử jiak si tal. Philippines batabiak bruk klauk ka labaih 80% rahra, samu song 90 triệu menuac./.

Urang lang: Hani Pha – Bhumi – 11/03