Paglong dom danak dak karei khik brei mblang kapal haok ngak bruk luic harei melam

Di var ngak bruk saong UB bhap bini tỉnh BR-VT harei 17/2, Cục hàng không ba tabiak bruk padang ngak, patagok mblang kapal haok Côn Đảo di quý 1/2023, salah dalam  6 tal 8 bilan, ngan saong phun jien labaih 3.200 tỷ đồng. Dalam bruk patagok Mblang kapal haok  Côn Đảo, jalan par tagok par trun mblang haok ini khik tamo atah 1.830 m, min peih praong  meng 30 tagok 45 m; padang birau sa jalan nduac samu gauk saong klau jalan nduac pambuak pagam praong 15m. Mblang kapal haok hu peih praong labik pataok  meng 4 tagok jeng 8 labik; paglong dom jalan nao mai dalam mblang, gilang xăng menyek, labik cang ndih saong trun saong dom danak dak karei khik brei mblang kapal haok ngak bruk lauc harei melam.

Khan brei thau di mbang ginum biai online, ginum biai pasram ngak online dalam negar ka bruk pato tacei, iek glang saong taong ruak ka ranaih njom ruak COVID-19, Phó giáo sư Nguyễn Lân Hiếu - Giám đốc Sang iek ruak Đại học Y Hà Nội brei thau bruk njom ruak COVID-19 di ranaih dak harei dak tagok. Makna brei thau lac kayua ranaih hu nao bac, hu rilo anek saih ka oh hu klauk vaccine gam haong nan kayua bruk njom mbak biak samar di virus.

Tỉnh Bình Thuận daok pataom tame peih ngak dom jalan jhul pasamar bruk klauk vaccine pacang Covid-19, kham merat brei ngak salah bruk klauk dua mbang jru ka uranaih umo meng 12 thun tal 17 thun. Yau nan, mbiah tal ini hu labaih 900.000 bhap bini umo meng 18 thun tagok hu klauk sa mbang ginup abih; 99% dalam dom urang nan hu klau jru mbang 2 saong 35% hu klauk jru pabak mbang 3. Meng tuk peih brei klauk jru pacang Covid-19 ka uranaih umo meng 12 tal 17 thun meng bilan 11 thun 2021 mbiah tal ini, Bình Thuận hu ngak salah taong abih klauk jru mbang 1 ka jaik 129.000 uranaih saong 94% uranaih dalam umo hu klauk jru mbang 2.

Công ty Cổ phần kaya nong Lộc Trời – daok dalam Tập đoàn Lộc Trời brei thau lac bahrau ngak salah bruk jao mbang camriep di akaok thun labaih 4.500 tấn brak hu yaom labaih 3 triệu USD (samu labaih 80 tỷ đồng), dalam nan hu brak pahe, brah patih, brah ba saong ndiuk. Mbang pablei tabiak negar langiu labaih 4.500 tấn brah ini hu jao meng akaok thun tal krieh bilan 2/2022 ka dom urang hu pambuak bruk ngak mbang suai lavik haong Tập đoàn Lộc Trời yau ye Italy, Pháp, Canada, Hongkong (Trung Quốc), Singapore, Philippines… dalam nan hu dom công ty pablei salih kaya nong dang akaok di châu Âu hu labaih 10 thun blei brah di Lộc Trời.

Nao baha, kalan, dinh…akaok thun lac sa dalam dom adat siam gheih ilamu tâm linh di urang Việt. Dom harei akok thun, dom labik rivang ma-in tâm linh saong labik gheih mekre dalm tỉnh Bình Thuận pachreih hu rilo tuai damuai di oh lac umo thun halei hu tame kakuh, pok binguk, pandap panda likau brei siam mekre, patuah jamo saong gam rivangh ma-in akaok thun. Labik inem krung sajarah dakrai ilamu Dinh Thầy Thím di xã Tân Tiến, ban sit La Gi meng lavik mai hu jeng labik main dulich tâm linh danei angan hu rilo urang dalam tỉnh  jeng yau tuai damuai atah jaik duah mai kakuh gam rivangh main akok thun birau. 

Nyaom biai An ninh Munich mbang ka 58 hu peih tabiak di harei 18/2 di ban Munich, pasak mbang Bayern, gah maraong negar Đức. Bruk Ucraina saong talei pambuak bruk haong Nga hu brei thau lac sa asal kadha hu makna praong di nyaom biai thun ini. Asal kadha di nyaom biai An ninh Munich 2022 meda lac bruk mesuh pacang jit praong Covid-19, khik caga langik tasik, dân chủ, adat di công nghệ, pamadieh viek bruk pambuak gauk tapa Đại Tây Dương,... abih di nyu nan lac bruk daok catang tagok di Đông Âu saong bruk di dom labik daok meriak gauk khang di dunya.

Di dunya, bruk cak rok patagok dom radaih điện ngak brei salih birau gah jalan mbak pajeng ba. Châu Á jeng oh langiu bruk salih birau ini. Piah jhul khang bruk bhap bini salih tapa ndik radaih điện, meng harei 22/2, ban ine Seoul di Hàn Quốc brei taduan harak gal patui gauk likau brei daong jien blei radaih tải điện online, hadei di nan tal ô tô peih meng điện saong radaih buyt điện. Karja brei daong yaom ka dom urang blei radaih điện, ngan saong labaih 14.200 sruh  dalam 6 bilan akok thun 2022 saong tui bruk ba tabiak lac 27.000 sruh radaih dalam thun.

Yaom lac daok hu dom urang njom ruak Covid-19 di tanut glaong di abih, min New Zealand meda jhul samar bruk pambuak veik haong dunya. Meng adit anak tal, taneh ia ini meda brei tame negar saong oh pandar bruk brei daok karei y tế ngan haong dom tuai mai meng Australia saong dom akaoh pulao Thái Bình Dương. Saong mayah oh hu hagait salih karei ye meng akaok bilan 10 tal, New Zealand meda peih pambang di jalan tapen negar haong abih tih dom taneh ia daok veik di dunya./.

Urang lang: Thu Thao – Bhumi – 19/02