Dom sang bac dai hoc hoc hu pathau khan tanut njauk palih ruah, peih akaok ka mbang pathau khan tanut chuan di dalam negar. Njauk ndom tal lac, tanut chuan di dom sang bac hu brei mboh bruk salih tantu cambaih laih. Di Dai hoc Bac khoa – Dai hoc Negar Ban raya HCM, gah Ky thuatban dan hu tanut chuan glaong abih, 85,8 tanut di tanut 100. Gah Tri tue nhan tao di Dai hoc Kong nghe Khau tin – Dai hoc Negar Ban raya HCM mek tanut chuan 100/100. Tui kuhria palih ruah, urang njauk palih ruah brei tame bac di angaok Majam dahlau tuk 17 harei 21/8.

Thun bac 2026 -2027, TPHCM hu labaih 2.62 trieu anek saih, tagok 96.000 anek saih dut haong thun bac dahau. Dalam nan, bruk kuhria caga ginup tal bac ka thun bac birau lac bruk ngak bo TPHCM brei kuhria dahlau. Ban raya buh tabiak labaih 274 ti dong piha ramik pasiam dom duk bilik bac, blei tame kaya kan pato saong bac, ramik pasiam saong pabak  piah hu lagaih ka dom sang bac birau padang. Gah pato megru pok tagok UBND TPHCM samar peih ngak salah dahlau harei 15/8, hadei di nan brei tani tanat tame ngak bruk, gruk pato, ndap nda sang bac ka thun bac birau.

UB Bhap bini tinh Dong Thap ba tabiak jalan ngak padang Dong Thap jeng tinh ngak dahlau, kieu mau di bhum Taneran kraong Cuu Long ka bruk patagok gah ngak nong sinh thai, palei pala bahrau saong urang ngak nong hadah krah. Njauk ndom tal lac, Danak dak jalan ngak peih dom bruk “Binh dan hoc vu so”, “Urang ngak nong so”, kham merat 100% urang dalam kapul ngak nong hu tapak pato pakai ka ilamo kong nghe so, ky thuat pala drak bahrau saong pablei di angaok dom nen tang pablei salih ndien tu. Tapa nan jeng sa gah ngak nong sinh thai, palei pala hadah bahrau saong bhap bini urang ngak nong siam mekre.

Tinh Cà Mau daok peih ngak tabung glong pacang caga taong chap kaya suan hukum, oh khan brei thau saong oh tui hukum IUU. Tỉnh urak hu laih 5.150 kapal gilai hu tut angan, prein khang 800.000 kW. Mbiah tal ini, taong abih kapal gilai  brei pagam mac jam raih  tui iek bruk tabiak tathik ngak mbang, pambuak haong mac jamraih pakat negar. Tỉnh ngak salah blaoh du lieu so hoa khik iek kapal gilai; pasang iek taong abih kapal gilai ikan praong atah 15m. Dalam tuk tabung glong, Cà Mau caong khin dom gah, bhum palei tapen tathik pataom tame langyah catang dom bruk daok kandong dui atah, pambuak haong bruk ngak di urang dang kaok.

Kong an tinh Tay Ninh pachreih rahra caga haong dom panuac da-a tapa Campuchia ngak bruk njuel, jien bilan glaong. Rilo urang njauk palue tabiak negar suan hukum. Blaoh laik tame dom labik me-in mbie, kongti ngak mangak, pasak chot pagat online atau njauk kateik geik urang ngak bruk. Bruk ngak urak ini rilo meng lac rah tabiak di angaok mang. Dom urang bhian pamaong tal dom urang oh hu bruk ngak, urang ngak bruk tui hatai, dam dara atau urang baoh sang kan kandah, ba tabiak panuac sanya hu brei mbang, labik ndih daok, hu menuac raok pajeng, oh khin hu passport kayua “hu urang sangka”.

Malaysia kakei dom urang ngak amaik ame brei caik hatai tuk anek bik pandar tri tue nhan tao AI yau ayut sahabat ndem meyai nao  mai, kakei lac AI oh njuak anek manuac saong oh njauk “ ayut likei” atau “ kumei”. Tui nan kakei amaik ame  juai apkauk abih bo brei tui iek  gam pambuak haong sang bac ngak bruk piah hu lagaih. Malaysia pakauk uranaih umo 16 thun peih tai khoan di mang xa hoi, taong phat tagok tal 10 trieu ringgit (2,5 triệu USD) ngan haong dom doanh nghiep ngak suan hukum.

Labaih 20.000 urang metai pambuak tal pandiak bhang hu taduan di chau Au meng akaok bilan he, rilo meng lac di urang praong thun umo. Mbang pandiak bhang bahrau abih daok jhul ndiet ndo tagok tal 40°C di dom negar yau Áo, Prang saong Tay Ban Nha. Di bhum Barak negar Prang gam gam taduan dom urang njauk daong chip kayua shock nhiet, dot quy, srau kadau arak glo akaok saong kurang prein yava kayua ruak dahlau. Rilo meng lac dom urang daong chip lac urang praong thun.

Cảnh sát Tay Ban Nha taong mek sa kapol nyaom ba urang tapa negar karei suan hukum praong abih di Địa Trung Hải. Tapa nan chap khik hu 78 urang, 18 kapal gilai peih drah samar yaom labaih 5 trieu Euro. Urang jakar khan brei thau dom kapal nan pajeng matuy tong hop yau jru lac meng Tay Ban Nha tapa Algeria. Kapol nyaom peih ngak takik abih 64 tapa negar, ba labaih 2.000 urang di Tây Ban Nha saong labaih 24 trieu Euro./.