Danak dak pambuak bruk pasang iek asar pandap di Ban raya HCM saong 5 tỉnh Tay Nguyen hu peih ngak meng akaok thun 2024. Danak dak pamong tal bruk siam hacih, khang kajap tapa darak pasar tui jalan halan hatian, cambaic laic saong njauk bruk. Dalam nan, gah pabak pandap brei pasang iek  asar pandap dalam tuk ngak tabiak, brei tui iek saong brei klak rabha  khaw tin piah pacang caga dom pandap suan kurang tal urang blei. Var nan, Ban raya HCM, dom tỉnh Tay Nguyen  hu mbaok harak pasang iek asar pandap. Dalam nan, Tay Nguyen meda daong  ka urang ngak mbang pablei salih pandap asar siam ka dom gah parabha pandap.

Tui Mentri Lao dong – Thuong binh saong Xa hoi, thun 2024, sarak di urang ngak bruk, jien bilan daok hu ngak pabak pasiam. Jien mek tame kuhria rah tapa di manuac ngak bruk hu patagok, jaik 8 trieu 5 rituh ribau ndong sa urang di sa bilan, tagok 1,9 trieu ndong dut haong thun 2020, rai diuk manuac ngak bruk jang hu salih siam makre. Taphia di nan, gah ngak bruk jang hu dom jalan piah pasiam saong patagok ralo bruk ngak ka urang, daong ka dom labik kong nghiep, labik che xuat hu manuac ngak bruk hu tani tanat.

Dom harei ini, dom gah dom pakat tỉnh Vĩnh Long peih dom bruk nao alin pandap ka urang kathaot, bhap bini bangsa takik dalam tỉnh. Di xã Loan Mỹ, huyen Tam Bình, Kong an tỉnh jak ba dom urang ngak pahala daong jien alin 60 paok pandap yaom 30 trieu dong ka dom urang bangsa Khmer hu radiuk kan kandah. Dahlau di nan, Kong an tinh jeng hu alin brei 50 paok pandap ka dom urang bangsa Khmer piah daong dom baoh sang hu raidiuk kan kandah uan raok Tet bui sambai.

Ralo janih baoh kayau di tinh Ben Tre hu yaom pablei daok patagok, ralo manuac caong blei. Dalam nan, janih kruac bung kalik hijao bangi abih pablei tabiak nagar langiu hu yaom tagok labaih 40.000 ndong/kg. Urakni dalam tinh Ben Tre hu labaih 7.200 ha taneh pala kruac bung kalik hijao, mablah 20% taneh pala baoh kayau di tinh. Ngan haong daong iek di gah ilimo, jaik ini urang pala kruac bung hu ngak tui jalan Viet GAP, Global GAP, hu pambuak haong dom doanh nghiep, hop tac xa piah pablei tabiak nagar langiu. Kayua yau nan, jien mek tame di bruk pala kruac bung hijao hu labaih 500 trieu ndong sa ha sa thun. 

Ban Cần Thơ ngak hu siam pambluak jang bruk ba tabiak padang ngak palei pala birau saong palei pala paglong vaktu 2021-2025. Dalam vaktu meng thun 2021 mbiah tal, Cần Thơ kham merat hu 8 xã taduan hu angan xa palei pala birau kieu mau saong 24 xã taduan hu angan palei pala birau paglong. Kuhria tal ini, Cần Thơ hu 10 xã mek hu angan palei pala kieu mau, ralo jang bruk ba tabiak.

Malaysia lac nagar hu palih ruah taduan ngak Chu tich ASEAN 2025, thun ngak kajap bruk padak padang ASEAN jeng sa bhap bini pambuak pajum, khang kajap jang saong mek manuac sia ngak pusak. Thu tuong Malaysia Anwar Ibrahim mayai lac nagar ni kham marat piah ngak hu gheih siam bruk ngak Akaok ASEAN 2025 haong ralo bruk ngak hu makna praong glaong di jalan padak padang Bhap bini.

Đảng Bhap bini Campuchia pan akaok birau hu dom panuac brei thau meda ngak jaleih dom bruk gah cagar veik pachut pajadrah taong paoh saong ngak srau kadau. Birau ini dom urang ngak praong cagar veik peih bruk jak ba angan haong kadha “Bingu chroh” di mang xa hoi, pambak tame bruk pathau khan dom khaw tin ka bruk tapen negar  piah pachuh rahra Campuchia proh tagok mbleik jaleih  Rajaei.

Urang kamei peih radaih patuh meng kan mai lac sa bruk njauk pakauk di Pakistan. Min, sa kapul urang kamei di ban Lahore gah Pur Pakistan hu pataom gauk pang manuac pato peih sa sruh radaih patuh. Dom urang kamei ni hu mbaok tame danak dak Women on Wheels, sa danak dak pato magru peih radaih patuh kayua canh sat peih ngak oh mek jien, piah pato jalan peih radaih ka urang kamei di nagar ni. Kuhria meng thun 2017 tal ni, danak dak pato magru takik abih 6.600 urang kamei di dom umo karei di gauk saong tui hu rai diuk karei di gauk./.