Dom urang pal akaok hu var ginum biai bat thuong 

Mbang tangin sua saong javap calei di Mbang nyaom ka 3, Q  uốc hội mbang XV meda rah tabiak dalam 2 harei meteh, meng biar harei ini 7/6 mbiah tal abih harei 9/6. Dom kadha tangi sua ka 4 gah bruk ngak, lac: Ngak nong saong Patagok palei pala; jien padai; gilang pariak; jalan mbak pajeng ba. Dalam nan, nyaom dom bruk ngak nong saong patagok palei pala meda pataom tame bruk tangin sua dom asar kadha: bruk ngak tabiak pandap pambuak saong darak pasar pablei kaya nong; pambuak bruk padang jalan ngak, sarak pachreih bruk pablei salih, ginum biai peih pabah mbang, patagok darak pasa kaya nong; jalan tani tanat darak pasar, pasang iek bruk yaom kaom trun tagok di dom pandap kaya nong, kaya ikan, pandap mbang ka athur, pandap ngak nong.

Harei 06/6/2022, mBan Chấp hành Trung ương Đảng mbang XIII hu var ginum biai  piah pasang iek, kỷ luật ong Chu Ngọc Anh, Uỷ viên Trung ương Đảng, Phó Bí thư Thành uỷ, Bí thư Ban cán sự đảng, Akaok  Uỷ ban bhap bini ban  Hà Nội, urang dahlau deih ngak Bí thư Ban cán sự đảng, dahlau deih ngak Akaok mintri  Ilamu song  Công nghệ song ong Nguyễn Thanh Long, Uỷ viên Trung ương Đảng, Bí thư Ban cán sự đảng, Akaok mintri  Y tế. Hadei di tuk pasang iek panuac cong  di mintri Chính trị, tui bruk ngak suan saong tui makna ba tal ngak suan;  mBan Chấp hành Trung ương Đảng tabiak bruk brei tabiak truh Đảng ong Chu Ngọc Anh song ong Nguyễn Thanh Long. Gam song nan, hu panuac  cong dom jabat chức năng samar pasang iek, langyah kỷ luật gah hành chính tui njauk adat hukum ngan song menuac urang njauk kỷ luật đảng. jeng dalam harei nan, Phó Thủ tướng Thường trực rajaei  Phạm Bình Minh bahrau mbaoh tangin tame sarak ka 682/QĐ-TTg ka bruk  kỷ luật ong  Phạm Công Tạc, Thứ trưởng mintri ilamu  song Công nghệ, brei padeih bruk kayua ngak suan biak trak dalam bruk ngak.

Di ban  Long Xuyên, tỉnh An Giang, dom harei tapa, urang njom ruak pandiak tabiak darak tagok gam gam. Kuhria meng akok thun mbiah tal ini, dalam ban hu labaih 300 mbang urang njauk ruak pandiak tabiak darah, tagok jaik 300% dut saong tukvak ini thun blaoh. Tui Sở Y tế An Giang, meng kaok thun mbiah tal ini, dalam tỉnh hu taong ruak ka jaik 4.000 urang njauk ruak pandiak tabiak darah; tagok labaih 300% dut saong tukvak ini thun blaoh. Urak ini, gah y tế puk palei pambuak saong karja samar pacang labik, brei langyah piah palaih njiak jit pambak praong. Tui nan pathau khan  ka dom baoh sang bhap bini ka jalan pacang caga ruak pandiak tabiak darah.

Bahrau ni, jiak  50 cei gru anai gru  song dom urang ngak pahla meng ban raya  Hồ Chí Minh hu ba dom pok pandap “daong pren ” brei ka jiak  300 urang di  xã Bình Minh song anek saih sang bac Tiểu học Xuân Hồng, huyện Bù Đăng, tỉnh Bình Phước. Bình Minh lac  xã bhum atah bayah, labaih 40% menuac urang di  xã lac mik va bangsa takik. Tapa danak dak, 30 pok jien bac ngan song yaom jien 10,5 triệu đồng hu alin hadaih ka dom adei anek saih yam tapa kan kandah bac da-a naih joi; 200 pok pandap (labaih 400 ribau sa pok) hu jao ka dom adei anek saih hu rai duik kan kandah. Langiu di nan, 80 pok pandap (300 ribau đồng/sa pok) dalam nan hu dom janih pandap karei hu jao ka dom boh sang hu rai duik kan kandah di xã Bình Minh.

Rilo harei tapa, yaok rituh baoh sang bhap bini daok di khu phố Quảng Phú, phường Phú Mỹ, ban sit Phú Mỹ, tỉnh Bà Rịa - Vũng Tàu biak pandiak hatai kayua sauk meng sang mac di Khu công nghiệp Phú Mỹ 1 (KCN) tathuak tabiak alam moi truong yau ia kakuan me-om khu phố, mbau jru hóa chất trak. Biar harei 6/6, UB bhap bini  ban sit Phú Mỹ, tỉnh Bà Rịa - Vũng Tàu brei thau, hadei di tuk taduan hu panuac khan di mikva, tapa pasang iek tuk camereip mboh lac brong sauk par meng dom sang mac: Đạm Phú Mỹ, Công ty Cổ phần Tôn Hoa Sen, Công ty cổ phần thép tấm lá Phú Mỹ tathuak sauk par tabiak mbau jru hóa chất. Bruk tathauk sauk di dom D.N ini rah tabiak rilo mbang, bhian rah tabiak tuk  langik hajan, melam saong hadah page.

Harei kabroi (tui mon pak nan), Thống đốc bang New York, Mỹ, hu mbaoh tangin tame   10 dự luật  piah ngak pacatang bruk pasang iek phao ndao, dalam nan hu  sa dự luật patagok umo takik di abih  piah blei phao bán tự động meng  18 tagok 21. Dom nghị sỹ bang Niu Yoóc hu brei tapa  dom  dự luật hadei di 2 mbang cuh phao dalam bilan, nan lac dalam siêu thị di  Buffalo, New York , dalam nan hu  10 urang metai  song di sa sang bac  di  bang Texas, labik hu  19 anek saih  song 2 gru pato metai. Dalam  abih 2 bruk nan, urang cuh phao jeng hu umo 18 thun.

Hiệp hội dom D.N châu Âu brei thau, radaih ôtô pablei di Nga trun 83,5% dalam bilan 5, lac trun biar di abih kuhria meng dahlau mai. Tui Hiệp hội ini, dalam bilan 5, tok hu labaih 24 ribau radaih ô tô di  Nga hu pablei tabiak. Tui nan nyu biar jang 6 mbang dut saong tukvak ini thun dahlau. Dom bruk taong phạt di gah phương Tây nyu ngak khut tayah gah công nghiệp ôtô di Nga kayua kurang pandap piah ngak radaih saong yaom tagok glong, yaom radaih ô tô di taneh ia ini tagok jaik 50% kuhria meng akaok thun ba tal trun bruk blei radaih dalam tuk jien mek tame trun saong lạm phát tagok.

Melam blaoh 6/6 (tui mon pak nan), Israel hu peih sa bruk taong meng tên lửa bahrau tame ban ine Damascus di Syria. Bruk taong tame nan hu peih tabiak meng gah Cao nguyên Golan, pamaong tame dom labik  di bhum palei pala gah merong  ban ine Damascus,  min, gah phòng không negar ni  hu cuh laik jaik abih dom tên lửa./.

Urang lang: Ái Nghiêm- Hanipha- 7/6