Pahadar 81 thun harei Padang Rayo Sap ndom Viet Nam (7/9/1945 - 7/9/2026), kapul rajakar ngak bruk di Thong tan xa Viet Nam kayua nan Phaok Taong Yam ndok Nguyễn Tuấn Hùng ngak Akaok kapul mai rivang, tadhau ayuh Rayo Sap ndom Viet Nam. Phaok Taong Yam ndok Nguyễn Tuấn Hùng taong yaom glaong dom rik daong di Rayo Sap ndom Viet Nam ngan haong gah bao chi katmang Viet Nam, gam haong nan caong khin dua jabat patui veik patagok bruk pambuak pagam, paglaong bruk ndom meyai, pambuak gauk, gam haong gauk ngak siam bruk di dom jabat bao chi hu makna di negar dalam jaman bahrau.

Kapol urang di Mentri Bangsa saong Agama kayua Thu truong Y Vinh Tơr ngak Akaok kapol mai rivang, alin kaya ka Urang hu ngan je saong dom baoh sang urang bangsa takik di xã tapen negar Ia Púch, tỉnh Gia Lai. Bingun ini, Thu truong Y Vinh Tơr alin kaya di Mentri Bangsa saong Agama ka 4 urang hu angan je dalam bhap bini bangsa takik, yaok paok 500 ribau dong; alin kaya 68 baoh sang bangsa takik, yaok baoh sang sa trieu dong; alin kaya kapol xã Ia Púch 20 trieu dong.

Dalam mbang padeih Harei Negar 2/9 thun ini, biak hu rilo tuai damuai duah mai rivang iek drap ar ilamo Cam. Inem mek pakat negar Bimong Po Klaong Girai, phuong Đô Vinh, tinh Khanh Hoa chreih chrai jang bhian harei. Ong Đổng Văn Nhường, Phaok Akaok Mbang Pasang iek Bimong Po Klaong Giải brei thau, mbang padeih harei raya, tuai damuai hu labaih 1.000 – 1.500 mbang/harei, glaong tagok 4-5 mbang dut haong harei bhian. Tuai damuai dunya hu rilo, rilo meng lac mai meng Han Quoc saong Nga. Tui kuhria dalam mbang padeih harei raya, inem mek raok labaih 8.000 mbang tuai damuai.

Harei inin 6/9, yaok rituh urang agama Cao Đài di TP.HCM hu mbaok ngak adat likau da-a binguk yawa di Bein bingu Lê Thị Riêng, pahadar dom anh hung liet si hu atau talang birau duah mboh saong pataom di labik ini. Danak dak kayua Họ đạo Chợ Lớn, di Đại Đạo Tam Kỳ Phổ Độ Tòa Thánh Tây Ninh, pambuak haong karja peih ngak “ Bruk ngak 500 harei melam duah pataom saong duah thau angan talang liet si”. Bruk ngak oh lac ndung ba makna agama, yang mebang bo daok brei mboh ilamo “meyum ia hadar tal hahlau ia” di bhap bini Cao Đài saong bhap bini TPHCM.

UB Bhap bini ban raya Can Tho bahrau peih ngak bahrau, pasiam 125 baoh sang ka anek pajeng di urang hu daong dalam jaman mesuh metak njom janih hoa hoc piah daong dom baoh sang tani tanat raidiuk raidiuk. Tui nan, dom so, dom gah di ban raya saong bhum palei, labik pambuak khang haong Bo Pato tacei Bol lin ban raya Can Tho saong Quan khu 9, samar chip salah blaoh harak gal, jao mbaok taneh, khik kajap kaya, urang ngak bruk saong asar siam danak dak, kham merat salah blaoh taong abih 125 baoh sang dalam 10 harei.

Dua urang jakar di Tong thong Mỹ Donald Trump lac Steve Witkoff saong Jared Kushner hu taom gaok dui atah labaih 3 mon haong Tong thong Nga Vladimir Putin di Medil Kremlin, kham merat di Washington piah padeih bruk mesruh metak  Nga - Ucraina. Bruk taom gaok mbang ini pataom tame dom bruk di Mỹ piah duah dom jalan langyah saong pambuak veik bruk ginum biai di Moscow saong Kyiv hadei 6 bilan padeih.

Indonesia bahrau ba tabiak adat bahrau ka bruk pasang iek njauk lagaih Halal ngan haong kaya ndap nda blei tame. Adat piah patagok pacang khik urang blei pandar, tantu cambaih laih bruk Halal di kaya negar langiu saong srap gap ka tukvak njauk ngak meng bilan 10 anak tal. Dahlau tuk khan ka hai quan, dom kaya blei tame daok brei rah tapa harak gal brei mboh njauk lagaih di kaya Halal.

Ba Lan saong Cong hoa Sec mbaoh harak padang ngak dom sang mac ngak dom kaya kan tri tue nhan tao kayua Lien minh chau Au (EU) daong. Meyah pasak padang ngak hu di Ba Lan saong Séc, dom taneh ia daok veik meda taduan hu bruk pandar hu dom lagaih meng bhum palei. Ini lac cơ sở trí tuệ nhan tao prang di chau Au./.