Dalam harei ngak bruk harei ini Quoc hoi nyaom biai ka danak dak Sarak di Quoc hoi ka bruk pacang caga kol duas saong urang ngak shuan hukum, bruk di Jabat kiem sat rahra, di Toa an rahra saong bruk ngak hukum. Dalam var page, nyaom biai ka danak dak Hukum Patagok ban medin, lambaok vakil Trịnh Xuân An, kapul Dong Nai brei thau, danak dak Hukum Patagok ban medin hu bruk, asar kadha saong caong khin patagok hu angan je; yau nan min, piah danak dak Hukum hu peih jalan ka Ban raya HCM saong dom ban raya uak drei tagok brei pamaong tal ka sa bruk karja ka patagok saong pasang iek ban medin hu neh pakat lagaih biak praong, labik, bruk ngak saong prein pasang iek di yaok ban medin.

Birau hu 5 harei kuhria meng tuk peih bruk tut angan ngak pakat the ndik radaih ka dom urang dalam sarak karja, Pasak khik iek jalan mbak TPHCM taduan hu labaih 9.300 harak ho so bre ngak thẻ. The jalan brei ka urang taha umo, urang jaoh jo, urang ngak bruk cach mang saong uranaih ala 6 thun oh abih jien ndik radaih ndien metro so 1 saong 134 radaih buyt. Langiu tut angan brei ngak thẻ ye tuai damuai brei pandar dom jalan karei tui tacei pato lagaih haong sarak daong.

Dak Lak bahrau hu bruk metai akaok meti kayua ruak pandiak tabiak darah Dengue dalam thun ini. Urang ruak lac urang likei, umo 77 thun, daok di phuong Tân An, meng dahlau hu njauk ruak me-ik saradang pakat 2. Kuhria tal harei 6/8, di phuong Tân An hu labaih 50 bruk njauk ruak pandiak tabiak darah. Piah srap gap pacang caga jit ruak, gah y te Dak Lak hu peih ngak dom jalan ngak pasang iek tame sa tabik, pruh jru pametai dom labik jit ruak. Gam haong nan pruh jru pametai jamaok praong di sang urang ruak saong dom baoh sang vil taom dan.

Sang iek ruak Nhi dong Ban raya HCM birau taong ruak ka 3 adei sa-ai, umo meng 7 tal 10 thun, njom jru tikuk mek hadei baoh sang ngak rilo tikuk hamu ka dom adei mbang dalam rilo harei. Dom bac si brei mboh dom uranaih njom jru tikuk mek kayua jru warfarin, jru mek dui atah saong ngak khan darah. Sang iek ruak Nhi dong Ban raya kakei amaik ame juai mbang kaya oh thau meng halei mai, oh thau cambaic laic bruk tahaneh mbang ka uranaih.    

Dalam bilan 8 ini, di palei Ilamo-Jirah rivang dom bangsa Viet Nam, Ha Noi brei peih Adat paling Li-U bangsa Khmer. Adat Paling Li-U lac bingun piah rahra pahadar saong thau dhar phol yang mebang, mukkei hu sraong daong brei ka pala drak jak jeng, angin siam hajan lagaih, raidiuk salamat. Bingun ini di labik ilamo Khmer di Palei Ilamo-Jirah rivang dom bangsa Viet Nam jeng brei duh ka tuai damuai rivang me-in haong rilo danak dak ilamo, adaoh tamia, bruk ngak meng tangin saong kaya mbang hu angan di Meraong Negar saong brei mboh ka raidiuk saong ilamo di 16 bangsa daok parang iek di Palei Ilamo-Jirah rivang.

Cảnh sát Trung Quốc chap mek labaih 1.000 mbang kapol nyaom, labaih 8.200 urang saong chap mek 5.400 mbang  ngak suan hukum dalam mbang chap mek pataom akaok meti piah chap mek kol dius tui kapol nyaom. Dom urang ilimo sahaneng, mbang chap mek ini brei mboh kol duis di Trung Quốc daok salih tapa mang online saong jitvu mbuan parabha samar.

10 urang mentai saong 3 urang karei hu daong hadei tuk sa mbang glut jaleih taneh lam dan rilo baoh sang di Baguio, gah barak Manila, Philippin. Mbang glut jaleih taneh rah tabiak tuk hajan praong dui atah rilo harei di gah barak Luzon. Kapul daong hu duah mboh labik taneh oh kajap mbuan jaleih ngak ka karja brei pathau khan ini lac bhum kan kandah saong patakik tabiak tame piah pacang khik urang daong, urang halan tian jeng yau rahra tabiak truh dom labik mbuan bala.

Taong abih 96 tỉnh ban di Pháp brei kuhria iek ia catang. Njauk caik hatai, 67 tinh hu takik abih sa labik kurang ia - nan kakei caga dahlau pandiak bhang catang. Njauk ndem tal, labaih 2/3 ia gah ala di dunya trun biak biar. Mbang pandiak bhang ini brei mboh dak harei dak kan kandah bo Pháp daok gaok bruk langik salih karei./.