Kham merat ngak salah blaoh bruk pataom atau talang bol lin di bein bangu Lê Thị Riêng dahlau bilan 11/2026 piah salah blaoh Danak dak 500 harei melam bo Rajaei hu peih ngak. Ini lac pato tacei di Thieu tuong Nguyễn Thành Trung, Chinh uy Bo Tu lenh Ban raya HCM, Phaok Akaok Mbang Thuong truc Mbang Pato tacei roh duah, paataom saong ngak tantu angan je bol lin di Ban raya HCM. Bruk jhul samar tukvak roh duah, pataom atau talang bol lin lac biak nhauk ngak, kayua Ban raya HCM daok 12 labik medil lac hu labang dan rilo bol lin. Meyah oh ngak samar ship, oh jhul samar tukvak ngak ye kan si salah blaoh bruk ngak.

Di tinh Dong Thap, bol lin chuc nang peih bruk kuac duah, mek mau atau talang liet si di 11 dalam 30 kubo liet si. Bruk kuac mek 3.696 kubo, mek  hu 2.820 mau atau talang liet si saong jao ka Pasak Pasang iek AND labaih 900 mau sinh pham. Dom mau atua talang liet si hu khik iek, ngak salah harak ho so, ba tame taka so tui njauk hukum, khik brei siam abih.   

Ban raya HCM hu 474 labik sang daok rahra brei pakajap, padang gilac. Ngan haong 16 sang daok rahra pakat D daok dalam kapul kan kandah, khut tayah trak, ban raya brei panduan taong abih 534 baoh sang rahra di 9 sang daok rahra, dom labik jeng daok panduan oh ka blaoh atau oh ka hu panduan. Ong Lê Hoàng Châu - Akaok Kapul Taneh riya Sang danaok Ban raya HCM ndom lac, sa dalam dom bruk gal tavak ngan haong bruk pakajap sang daok rahra klak lac jien bayar, peih paha mbaok taneh, padang danak dak biak praong, min harak gal dui suai atah ngak ka gah buh jien tame daok brei maong iek tani tanat tuk buh jien tame ngak.

Sở Bangsa saong Agama ban Can Tho birau peih Nyaom biai ngak harak hukum ka adat cambat, agama ka urang halau janeng, urang ngak bruk duh ka dom agama. Nyaom biai piah daong dom urang halau janeng thau cambaic hukum Adat cambat, agama  gam haong dom jalan sahaneng, tacei ba di Đảng, Karja. Tapa nan brei mboh, kapol urang halau janeng, urang ngak bruk saong urang hu angan je tuk halei jeng lac urang yau canu kareih camin, ngtak dahlau dalam dom bruk pakacah gauk anit ranam taneh ia, palei negar.   

Harei negar 2.9, tinh Ca Mau brei peih adat salam hala dok ngan haong Harak Dok Negar praong labaih 2.000 m² di Gang hala dok Hà Nội, xa Đất Mũi saong rah tabiak Harei Ilamo drap ar saong Raya Khinh khi cau tinh Ca Mau mbang ka I thun 2026. Di Raya Khinh khi cau tuai damuai hu maong iek khinh khi cau saong hu rivang iek dalam khinh khi cau. Dalam harei raya daok hu labik ilamo drap ar, yaih khan dom drap ar ilamo oh mboh di meta naih gheih di Viet Nam hu UNESCO brei angan. Njauk caik hatai lac, sa labik karei hu brei ka drap ar ilamo oh mboh di meta ka bruk ngak sara Bac Lieu.

Negar Prang yam tame vaktu tabung glong di mbang pandiak ka 5 dalam bilan hè thun ini. Di Pari, hu tuk pandiak tagok tal 43 do C. Yau nan min, dom tuai damuai mai ini saong urang hu kuhria caga tani tanat, piah hu lagaih padeih padei. Urang brei ramik tukvak, plaik njiak tuk langik pandiak dalam harei piah rivang ma-in. Bilan padeih he thun ini, Pháp  gaok langik pandiak glong catang abih dalam sajarah dakrai. Puac bilan 6, ralo labik rivang ma-in danei angan yau tháp Eiffel brei kareik pambang dom tal kayua pandiak.

Di Duc, dom urang metai pambuak tal pandiak bhang meng akaok bilan Pandiak He tal ini tagok labaih 12.500 urang, tanut glaong abih ini hu taduan. Bruk ini ba tabiak prein kateik geik praog ngan haong majam y te, sangka urang praong thun umo saong sarak lagaih haong langik di Duc. Tuk dom mbang pandiak bhang rah tabiak bhian jang, pacang khik dom urang mbuan gaok kan kandah, njauk ndom tal lac urang praong thun umo, urang hu ruak hakik saong urang daok sa drei jan, jeng bruk ngak dak harei dak samar chip dalam bruk pasang iek y te bhap bini.

Gah Y te Dunya ( WHO) khan lac haduh hatai ka dom bruk salih karei jaik ini dalam sarak klauk jru ka uranaih di Mỹ, tui sahaneng bruk salih nan oh ka lagaih hoang dom bruk roh duah siam abih di urak ini. Dahlau di nan, Tong thong My  Donald Trump mbaoh harak  brei takik jru vaccine ka uranaih. Tui sarak birau, 11 janih vaccine  brei klauk ka ralo uranaih, salih ka 18 janih yau dahlau diah./.