TPHCM hu 3,12 trieu bhap bini  hu dut iek prein yawa oh abih jien, hu samar.  Ban raya pataom tame dut iek prein yawa ka anek saih, urang ngak saong ngak salah  du lieu dien tu. Sa bruk siam lagaih lac oh daoh bhum palei halei hu rahra iek ruak takik jang ala 10%. Yau nan min, bruk ngak di dom labik oh ka sumu gauk, njauk ndem tal dom labik hu ralo bhap bini min iek ruak daok takik.

Bo Chi huy quqn su ban Dong Nai khan lac, Kapol K76 birau duah mboh saong pataom hu 2 atau talang liet si di palei Lộc Tâm, xã Lộc Tấn (huyện Lộc Ninh, tỉnh Bình Phước klak). Dom atau talang liet si hu duah mboh di labik paga sang di urang, khaw tin kayua mikva urang dalam palei khan brei thau. Dom urang hu mbaok di sajarah dakrai khan lac, palei Lộc Tâm daok ralo atau talang liet si oh ka pataom.

Peih bruk dak ramik dom sang bac, tinh Lam Dong trun 628 labik pato megru, trun 1.007 urang jakar khik iek dalam nan hu akaok sang bac, phaok akaok saong trun 680 urang jakar di sang bac lac văn thư, ke toan, khik iek jien padai. Karja dom bhum palei dalam tỉnh brei padang ngak dom ndon vi hadei ramik di harei 27/8; ngak salah bruk jao bayar harak ho so, jien padai saong drap ar dahlau harei 30/8.

Harei ini 25/8, urang jakar Cảng vụ Hàng hải Kiên Giang , tinh An Giang khan brei thau, kayua langik oh lagaih, di bhum tathik An Giang  hangin pakat 5, riyak glong 2m yau nan ye taong abih kapal gilai meng bhum taneh nao Phu Quoc saong mai  brei padehi ngak bruk , tuai damuai hu bayar jien veik taong abih.

Bol lin Bien phong tinh Tay Ninh khan lac, don vi pambuak haong dom bol lin chap khik urang pajeng ba jaik 15.000 paok pakao meng radaih oto di bhum taphia negar.  Urang peih radaih lac L.H.Q.A, ndih tapui thun 2004, di xã Đông Thành. Tuk pasang iek, urang nduac klak min chap hu. Bol lin tinh Tay Ninh daok pasang iek, langyah tui hukum.

Karja Tong thong Mỹ Donald Trump daok kuhria chap mek harak thi thuc ngak bruk saong yulit B1, B2 di 200.000 urang negar langiu hu payua harak atau daok cang langyah harak don likau ti nan di Mỹ. Ini lac mbang chap mek visa praong abih di Mỹ. Gam haong bruk khik iek catang visa sirah yulit, gam takik visa daok veik saong buh ralo jien ka urang ngak bruk naih joi, sarak daong urang birau mai daok negar My meda ngak kan kandah tal bruk  pacheih urang nah joi di dunya mai ngak bruk.

Athak dhur mur kayua apui khuah glai di Indonesia dak harei dak jhak saong rilo sang bac di Malaysia brei kareik pabah mbang piah khik prein yawa ka anek siah. Rilo anek saih  ruak saong pandik meta, dom sang bac njom anek ruak jalan suan yawa daok ralo, hu yaok ribau mbang sa adit. Jalan internet bhian khut ba tal uranaih bac online gaok kan kandah.

Peru am cuh klak labaih 9,3 tấn matuy yaok janih  mek hu dalam dom mbang pagui mek kol duis. Ini lac mbang am cuh ma tuy ka 5 di negar ini kuhria meng akaok thun 2026. Bruk am cuh klak ralo mbang ini  brei mboh kham merat di karja Peru  khik iek catang soang pacang caga dom kol pablei salih matuy tapa negar./.