Biar harei 24/8, Quoc hoi mbang XVI tamat mbang Nyaom oh bhian mbang ka sa. Dahlau di nan, dalam page ini, Quoc hoi brei trapa 6 sarak hukum, 8 Sarak, dalam nan hu rilo sarak pambuak tal radiuk bhap bini: Sarak di Quoc hoi  ka bruk dac thu  piah langyah dom kan kandah, tavak tavaiy  tame danak dak ndien hangin, ndien ia harei; Sarak di Quoc hoi  mbaoh tangin ka hiep dinh pambuak tal Danak dak Snag mac ndien hat nhan Ninh Thuan…

Mbiah tal ini, tatua Phước Khánh  di jalan peih drah samar Bến Lức - Long Thành salah  labaih 90% bruk padang ngak. Dom bruk padang ngak yau lan can, gom truac hadah, bilik padam khuah, betong nhựa saong dom danak dak karei hu peih ngak samu. Jalan peih drah samar  brei ngak katut panak veik tukvak nao mai, pambuak kajap dom pasak kinh te, ban do thi saong dom jalan mbak praong di gah Meraong negar.

Jaik 500 bhap bini xã Vĩnh Hảo, tỉnh Lâm Đồng birau  iek ruak, brei jru oh mek jien; yaok rituh paok pandap, jien bac saong phun jien  daong labaih 500 trieu dong hu Sang mac Nhiet dien Vĩnh Tân 4 alin brei ka bhap bini pak ini. Sang mac jak ba saong alin brei 1 tấn brah anit ranam, yaok kadung 5  kilo ka bhap bini hu mai ruak; pambuak dom urang ngak pahala hu alin brei 50 paok jien bac saong kaya kan ka dom anek saih hu raidiuk kan kandah pak ini. 

Dalam dom bruk peih ngak Roya Durian Dak Lak hu peih ngak Melam Roya daoh tamia  “Dak Lak  - Patagok, salih birau”. Di mblang bein harei 10 bilan 3, ralo rahra, tuai damuai pataom mai mblang bein, ba drei tame dom ragam chreih chrai di kreh ban Buon Ma Thuot. Mbang akaok meti  hu peih ngak pakat tinh, roya oh lac yaih khan kaya durian bo daok lac peih praong tapa dom bruk ngak ilimo, nghe thuat, yulit, pablei salih saong pachreih urang buh jien tame ngak  mbang.

Hadei mbang janeh di kapol dat blong, nyaom likei dam jak gauk tabiak jalan “rubuk” ngak sraw kadau. Salih ka bruk taong phat atau pato padar, Kong an phuong Thu Dau Mot, Ban raya HCM ba tabiak  sa bruk pato padar biak lagaih, tacei ba dom adei puk ramik ngak hacih jalan mbak. Bruk nan yaom lac sit min jeng kadha bac megru biak gheih, pato dom adei thau ka bruk ngak suan di drei.

Trung Quoc birau ini khan brei thau ngak iek hu jak jeng he thong dien hangin par S4000 meng tuk cuh tagok langik tal tuk gilac akaok mai veik hu salamat. Mac he thong ini meda peih hu tal 4.000 met, lagaih peih di dom labik dalam negar Trung Quoc saong mbuan pambuak tame ndien. Umo thun pandar mac jamraih tal 20 thun.

Jabat khi tuong pakat negar Philippines khan brei thau, 3 mbang ribuk rah tabiak di tathik negar ini. Dahlau di nan, hajan praong kayua hangin ngak ia dauk ralo labik di kaoh pulao negar Philippines dom harei tapa, dom sang bac saong dom jabat rajaei kareih pabah mbang. Jabat khi tuong pakat negar Philippines kakei ka hajan praong di dom tinh gah pei saong ban ine Manina.

Akok Mentri Y te Congo, ong Roger Kamba khan lac, bruk jit Ebola di taneh ia ini gaok rilo kan kandah kayua bruk mesruh metak di bhum jit, kurang kaya kan saong rilo urang metai gah langiu y te. Jabat y te kakei bruk njom ruak Ebola dalam bhap bini oh ka pacang caga hu meda daok njom mbak samar…