Bruk rivang Chủ tịch Hồ Chí Minh hu peih tabiak veik meng harei 16/8/2022

Mban Khik ramik Lăng Chủ tịch Hồ Chí Minh bahrau hu pathau khan tal dom jabat, kapul nyaom chính trị, xã hội, bhap bini saong urang negar langiu ka bruk peih rivang Chủ tịch Hồ Chí Minh hadei di tukvak brei padeih piah ngak pasiam yaok thun di thun 2022. Tui nan, Lăng Chủ tịch Hồ Chí Minh hu ngak salah bruk pasiam veik yaok thun di thun 2022. Bruk rivang Chủ tịch Hồ Chí Minh hu peih tabiak veik meng harei 16/8/2022.

Tui Thông tư 46/2022/TT-BTC di Mintgri Jien padai bahrau patabiak, kadung jien karja hu daong pato bruk ngak, pato sap negar langiu... ka urang ngak lac sang kathaot, dom labik kan kandah caong hu nao ngak bruk di taneh ia langiu. Harak nan tacei lac: urang ngak lac menuac di sang kan kathaot, sang urang bangsa takik daok dalam huyện kan kathaot, xã biak kan kandah bhum tapen tasik, kaoh pulao saong hu hatai caong nao ngak bruk di negar langiu, peih ngak tui bruk ba tabiak di điểm a khoản 1 Paka 25 Thông tư ka 15/2022/TT-BTC. Dalam nan hu dom menuac yau ndom mangaok nan hu hatai caong khin nao ngak bruk di negar langiu hu daong jien pato bruk ngak, pabak ilamu ngak bruk, daong pato sap negar langiu tui yaom jien di bruk pato pakai, rilo di abih samu 70% saong daong dom janih jien karei tui yaom daong hu ba tabiak ka dom menuac yau ndom bloh di mangaok nan.

Di TP.HCM, dom quận, huyện, ban Thủ Đức ngak bruk gam harei sanecar saong harei adit piah peih bruk daong jien pah sang ka urang ngak njauk tukvak ba tabiak. Harei ini (15/8) lac tukvak dom doanh nghiệp nộp harak gar piah likau daong jien pah sang ka urang ngak tui Sarak 08/2022 di Thủ tướng Rajaei. Min, bruk peih jien brei ka paok daong ini daok suai damuai. Makna lac kayua jaik abih dom doanh nghiệp di TP HCM tal bilan 7-2022 bahrau ngak harak gar likau brei daong ka urang ngak. Dom harak hu pataom payua tame dom harei puac abih. 

Di tukvak ini, kayua abih bilan nan ye dom bein durian di tỉnh Tiền Giang rilo meng abih baoh. Dom bein durian rilo meng daok dalam tuk tabiak bingu, atau daok tabiak baoh meda. Kayua kurang baoh, nan ye rilo doanh nghiệp, nhà vựa njauk nao tal dom tỉnh Miền Đông Nam bộ, Tây Nguyên blei baoh durian mai piah pablei ka tuai langiu negar. Tiền Giang hu taneh pala bein phun durian praong abih dalam bhum ĐBSCL, lac labaih 16.000 ha, brei baoh labaih 298.900 tấn yaok thun.

 Kuhria dalam 6 bilan akaok thun 2022, Jabat cảnh sát pasang iek - Công an tỉnh Bình Dương hu taduan 66 blah thư tố giác di bhap bini ka dom danak dak sang danaok, taneh riya, dalam nan hu rilo đơn tdi rilo manuac. Pagap yau Công ty Cổ phần Naviland hu 1.082 bhap bini payua harak đơn tố giác pambuak tal bruk meblah mek drap ar; Công ty cổ phần Buh jien tame padang ngak địa ốc Đất Việt hu 302 urang payua harak đơn…Pambuak tal danak dak sang danaok, taneh riya di Bình Dương, UBND tỉnh hu ba tabiak bruk pataom mek veik rilo danak dak suai peih ngak, danak dak  daok “tual”.

Dalam tuk ruak đậu mùa khỉ yam tapa tanut 18.000 urang njauk ruak di 89 taneh ia saong daok mbak praong di Mỹ Latinh, rilo taneh ia dalam bhum daok kham merat duah vaccine pacang caga ruak ini, abih di nyu lac tuk labik pabak jru daok kurang. Tapa Gah Y tế liên Mỹ (PAHO), Mintri Y tế Brazil blei hu jaik 50.000 mbang vaccine meng Cty Bavarian Nordic (Đan Mạch), lac vaccine duy nhất hu brei adat pandar piah caga ruak đậu mùa khỉ mbiah tal tukvak ini. Dom vaccine ini hu nao tal Brazil dalam bilan 9 atau bilan 10 anak tal.

Rayo papar sap Quân đội negar Somali brei thau, bol bala taneh ia ini saong Mỹ hu pametai labaih 13 urang cuh phao di kapul khủng bố al-Shabab, dalam sa mbang không kích di gah kreih negar. Dalam dom urang cuh phao njauk pametai dalam bruk pacang khủng bố nan, hu gam dom urang par akaok pakat glaong di al-Shabab.

Mintri Tài nguyên ia saong langik tasik Campuchia kuhria mboh dahlau lac, meng harei 15-19/08/2022 rilo labik di taneh ia ini meda hu hajan mbiah, hajan praong tal biak praong saong mbuan hu ia sua di 8 tỉnh. Dalam 05 bilan akaok thun 2022, bala meng langik tasik ngak brei 527 baoh sang di taneh ia ini jaleih saong khut trak. Jakala klaak ngak brei 22 urang metai, 17 urang njauk rambus./.

Urang lang: Thu Thảo & M. Phương – 15/08