Adat palao gom bingu hu peih tabiak di angaok ribaong Nhiêu Lộc - Thị Nghè saong ribaong Tàu Hủ - Bến Nghé 

mBan peih bruk pahadar dom harei roya praong di Ban raya HCM brei thau Harei pahadar bhap bini metai saong urang jakar, urang lin lahik dalam tuk jit praong Covid-19 meda hu peih tabiak di 2 gah lac Mblang bein Thống Nhất (Hà Nội) saong Hội trường Thống Nhất (Ban raya HCM) di maong 8 melam 19/11 salih ka maong 7 melam tui bruk kuhria ngak dahlau di nan. Jeng dalam tukvak nan, di Ban Thủ Đức saong dom quận, huyện meda hu peih bruk truac dil pahadar. Dom labik agama(yau ye baha, nhà thờ…) di dalam ban hu jak ba gam taong chuông pahadar di maong 8 meteh. Dom ghe, gilai, sà lan… daok pataok di dom labik pabah lamnge jeng hu panuac ieu dui còi pahadar di tukvak ni. Adat palao gom bingu hu peih tabiak di maaong 8 meteh di angaok ribaong Nhiêu Lộc - Thị Nghè saong ribaong Tàu Hủ - Bến Nghé.  

Sở pato megru ban raya HCM bahrau hu harak samar drah payua Công an ban raya ka bruk pabak mã định danh piah caga klauk vaccine mbang 2 ka anek saih hu hộ khẩu dok di ban raya.HCM song anek saih hu hộ khẩu di dom tỉnh, ban karei lac urang hu klauk vaccine di ban raya .HCM. Tui Sở Y tế TP.HCM, mbang 2 klauk vaccine pacang COVID-19 ka uranaih meng 12-17 thun di ban raya hu peih tabiak meng harei 22/11 tal harei 28/11, hu klaiuk blaoh mbang 1 ginup tuk vak. Gam haong nan, ban raya daok klauk mbang 1 ka dom uranaih oh ka hu klauk mbang 1 kayua brei padeih klauk, kayua bahrau ginup 12 thun, bahrau taduan brei klauk, bahrau meng labik karei mai veik ban raya.HCM.

Jeng dalam harei ini, UBND tỉnh Bình Phước hu harak brei klaak bruk brei hu harak dut iek âm tính SARS-CoV-2 ngan haong bhap bini mai meng bhum jit pakat 2, pakat 3 tuk tame tỉnh Bình Phước. Tui nan, meng harei ini, bhap bini meng bhum jit pakat 2, pakat 3 di Ban raya HCM, Bình Dương, Đồng Nai, Long An mai Bình Phước tuk tapa dom jalan tame tinh, oh cang hu harak dut iek âm tính saong SARS-CoV-2 daok hu pandar dalam 72 maong. Bình Phước lac tỉnh puac di abih dalam bhum Đông Nam Bộ brei klaak bruk ini.

Kayua kan kandah di jit ruak, rilo janih pandap panda di tỉnh Tiền Giang tuk vak ni tagok yaom meng 10-20% duh song bilan dahlau, abih dui nyu nan lac ia tasau, menyek mbang, bột ngọt, ia tương klaoh. Makna lac kayua rilo doanh nghiệp dalam bhum oh ka peih ngak veik. Dom pandap panda blei meng negar langiu tame pabak ka bruk ngak pandap gaok kan kandah; xăng menyek, jien buh tame tagok yau nan ye yaom pandap tagok. Min, kayua ngak siam bruk khik piah pandap panda di dom doanh nghiệp, hợp tác xã pablei salih dịch vụ nan ye pandap pablei tabiak rilo,oh rah tabiak bruk kurang pandap.

Jabat cảnh sát điều tra - Công an tỉnh Bình Dương brei cap kreik 3 bilan ngan haong Nguyễn Thái Hiệp (umo 31 thun, daok di xã Lạc An, huyện Bắc Tân Uyên, tỉnh Bình Dương) piah pasang iek ngak brei cambaih bruk “pambak tame bruk ngak, piah duah kein laba mai ka drei”. Bruk ini rahtabiak di bilan 8/2021 dalam mbang klauk vaccine caga COVID-19 di Pasak y tế ban sit Tân Uyên. Tuk nan, Nguyễn Thái Hiệp lac bác sĩ di Pasak y tế ban sit Tân Uyên hu pambuak haong Lê Văn Thắng (umo 24 thun, daok di Đồng Tháp), lac urang khik radaih di Pasak piah klauk vaccine ka bhap bini oh daok dalam angan brei klauk dahlau. Di Jabat công an, Hiệp saong Thắng taduan abih dom bruk ngak suan di drei.

Hãng tin Reuters harei ni ba khaw tin meng mintri ngak cong Hàn Quốc brei thau, negar ni bahrau taduan hu panuac ieu giải phóng dom menyek meng rajaei Mỹ, piah patrun yaom menyek dunya song pachreih bruk patagok veik kinh tế hadei di jit covid. Jeng dalam harei ni, hãng tin Reuters hu khan brei thau dalam dom adit jiak di ni, Tổng thống Mỹ Joe Biden hu payua panuac cong peih gilang khik piah menyek, piah tani tanat drak pasa xăng menyek tal dom taneh ia karei yau: Japon, Ấn Độ hay Trung Quốc. Min, dom mbang gibnum biai oh ka nao tal labik puac di abih.

Harei ini 18/11 Hàn Quốc hu 3.292 urang njom bahrau COVID-19, lac tanut glaong di abih meng di tuk jit praong tamuh tabiak di negar ni, tagok abih tih manuac njom tal 406.065 urang, dalam nan hu tal 3.272 urang njom dalam rahra. Dom urang njom bahrau tagok khang dalam tuk rajaei di taneh ia ini daok brei pacadu dom bruk paatah di gauk saong daok tui jalan “diukrai siam makre haong COVID-19."

Dom urang ilamu di sang bac Đại học Imperial College London di Anh harei ini bahrau brei thau bruk roh duah dom biến thể phụ di biến chủng Delta lac AY.4.2 (dok ieu lac Delta Plus) takik hu prein ba tal dom urang ruak hu triệu chứng jang dom biến thể urak ni. Langiu di nan, gah ilamu Anh jeng mboh lac biến thể AY.4.2 meda mbuan njom mbak jang, min tal urak ni jeng oh ka mboh hagait piah ndom lac biến chủng ni ba tal dom urang ruak trak jang atau nyu pacang vaccine rilo jang duh song biến thể asal Delta./.

Urang lang: Thu Thảo – 18/11 7:00:07 PM