Akaok negar ieu ban Cần Thơ ngak siam bruk khik, iek song patagok labik padang ngak ini

Page 6/4, lac harei 6 bingun bilan 3 tui saka ia bulan, di Kalan kakuh Po Lạc Long Quân saong Kalan amaik Âu Cơ di Labik Inem krung sajarah dakrai Kalan Po Hùng, ban Việt Trì, Đảng bộ, karja saong bhap bini tỉnh Phú Thọ lambaok bhap bini, urang lin dalam negar, urang Việt daok di negar langiu peih ngak Pachit da-a Po Lạc Long Quân saong cuh gilau hadar Amaik Âu Cơ. Pachit da-a Po Lạc Long Quân saong cuh gilau hadar Amaik Âu Cơ hu peih ngak ngan haong hatai iek praong tui njauk adat meng kan, gam pacang caga jit Covid-19. Tapa nan, rik tame patao pakai jaln diuk rai menyu, ia hadar tal halau ia, piah anek taco miat miat hadar dhar phol dom urang hu buh prein yawa daong dak padang taneh ia palei negar.

Melam 6/4, akaok negar Nguyễn Xuân Phúc ba akaok kapuk urang pan akaok, urang dahlau daih pal akaok Đảng, karja, cuh gilau pahadar, thau dar phol dom Po Hùng peih mbaok ka bruk peih pakak Đền thờ Vua Hùng di ban Cần Thơ. Akaok negar ieu ban Cần Thơ ngak siam bruk khik, iek song patagok labik padang ngak ini hu siam lagaih, piah ka Đền thờ Vua Hùng jeng labik pasak di bhum, pambak tabiak, pambuak song dom labik inem krung dakrai, ilamu, labik mekre meta, duh ka tuai damuai mai rivang, iek, song pahadar.

Brei panuac tamat mbang nyaom online Mban tacei jalan pakat negar Danak dak Mblang kapol haok dunya Long Thành di jabat Rajaei harei kabroi, Pho Thủ tướng Lê Văn Thành taong yaom glong tỉnh Đồng Nai kham merat ngak bruk brei peih tanehpiah jao ka po đầu tư padang ngak danak dak. Pho Thủ tướng ndom lac: njauk ngak ka bahu, peih paka saong ba tame pandar di thun 2025; asar siam brei dang akaok. Tuk halei jeng iek praong bruk pacang caga palai pajua, pambak tame piah duah mbang tui danak dak hu phun labaih 5 tỷ dola Mỹ.

Sang doh Nghệ thuật Hát bội ban raya . HCM bahrau tabiak mbaok danak dak nghệ thuật “Sắc - Ấn Ngọc Nam phương” piah yaih khan hát bội prong dalam jang tal rahra song tuai damuai. Bruk njauk biai di danak dak lac langiu di Hát bội, dok hu rilo janih nghệ thuật karei yau: ragu ragam bangsa, tamia bhap bini, xiếc, mỹ thuật sân khấu… piah patagok pren khang dui pachreih, bahrau karei jang, jiak song rai duik harei ni, tapa nan dong ka urang ranaih umo mbuan si thau nghệ thuật meng kan di bangsa.

Gah chức năng huyện Ea Súp, tỉnh Đắk Lắk bahrau mboh sa bruk jak tak glai praong di xã Ya Tờ Mốt. Taneh glai njauk kol nan kageik labaih 100 ha di labik tieu khu 205, di kreh dua xã Ia Rvê saong xã Ya Tờ Mốt. Di labik jak tak glai, yaok ribau phun dầu haong dom janih phun glai karei kagaik jaleih trun ban glai ban glo. Rilo phun hala daok hijao, rup daok sre katak. Tui urang dang akaok Huyện ủy Ea Súp, kol jak tak glai di taneh praong piah meblah mek taneh.

Dom taneh ia di bhum châu Á, abih di nyu nan lac Đông Á - Thái Bình Dương meda dang anak 3 cuang kandah di gah kinh tế dalam thun ni, nan lac bruk mesruh gauk Nga - Ucraina, bruk trun khang di kinh tế Trung Quốc, Cục khik ramik Liên bang Mỹ (Fed) tagok yaom jien laba... – Nan lac panuac ndom di gilang pariak dunya (WB) bahrau batabiak di harei kabroi.

Mỹ saong dom taneh ia châu Âu birau njauk gauk brei pakhang bruk kateik greik tagok Nga tapa dom jalan taong phạt gam haong dom jalan catang karei. Dom Ngoại trưởng di dom taneh ia NATO saong Nyaom taneh ia G7 daok pataom gauk di Brussels, Bỉ ginum biai ka dom jalan tagok khang bruk kateik Nga pambak tal bruk mesruh gauk di Ucraina. Dom mbang ginum meyai sahaneng lac ndem tal bruk daong gah quân sự pabak ka Ucraina jeng yau daong jien ndo saong ngak pahala.

Dalam panuac khan ba tabiak di harei 06/04, Sở Cảnh sát Sacramento, bang California-Mỹ brei thau, hu sa bruk cuh gauk di puac adit dahlau, di takik di abih lac 2 nyaom urang likei ngak ka 6 urang metai, 12 urang njauk rambuac, song 2 urang dok tong ruak di sang iek ruak. Dalam dom urang njauk rambuac hu 2 adei saai njauk chap krek kayua pagam tal bruk pametai menuac. Min, urak ni, oh ka thau urang halei njauk duas pametai menuac song nan lac bruk tong gauk hu pagam tal băng đảng./.

Urang lang: Hani Pha – Bhumi – 07/04