Di var nyaom biai Rajaei bhian bilan 8 rah tabiak di biar harei 3/9, ndom khang ka labik mang, mang xa hoi taphia dom kein lagaih ye ini jeng lac labik hu rilo khau tin oh hu biak, Thieu tuong Nguyễn Quốc Toản, Chanh jabat, Urang ndom meyai di Mentri Kong an pachreih kakei: yaok urang tuk hu mbaok tame mang xa hoi brei srap gap ka drei sa bruk pacang caga; brei tuk halei jeng caik hatai caga anak dom khau tin di angaok mang xa hoi. Saong taong abih dom bruk ngak suan hukum di labik mang atau pambak tame labik mang piah ngak bruk suan hukum jeng hu mboh saong taong bhat tui njauk adat hukum.

Tinh Tay Ninh urak ini hu 19 xã bhum taphia negar ngan haong 177 sang bac. Dom sang bac, tal bac pabak ka ginup ka bruk bac da-a, jalan mbak lagaih, ralo anek saih hu nao bac saong mai sang dalam sa harei. Yau nan min, urak ini daok 8 xã oh ka hu sang bac tieu hoc tahaneh mbang jala pandiak saong njauk ndem tal 18 xã hu sang bac pakat tieu hoc saong THCS hu tahaneh mbang jala pandiak. Yau nan ye, dalam thun bac ini gah pato megru brei kuhria iek, dak ramik sang bac, tal bac, pasiam dom bruk, paglong asar siam di dom sang bac hu mbang huak jala pandiak.

UB Bhap bini tinh Vinh Long bahrau brei adat ka bruk pato saong bac langiu tukvak ngan haong pato megru dalam tinh. Tui nan So Pato Megru Vinh Long padang saong pathau khan jalan talei pambuak chip piah taduan, taong bhat dom pathau khan pambuak tal bruk pato saong bac megru langiu tukvak; maong iek bruk pasiam tukvak bac megru langiu tukvak dalam dom bruk anek saih hu hatai caong khin. Dom bhum palei brei pathau khan jalan talei pambuak chip piah taduan bruk pathau khan saong dil samu taong bhat atau khan ka jabat hu tham quyen taong bhat dom bruk ngak suan.

Balai Bien phong Pabah mbang Dunya Tinh Bien pambuak hoang Kapol urang Kumei phuong Tinh Bien, tinh An Giang padang “Kapol  urang kumei khik iek jalan tapen negar, got gang saong khik brei salamat labik tapen negar” saong danak dak “Bruk tani tanat raidiuk”. Tui nan, 50 urang tame kapol khik iek jalan tapen negar, got gang, jak ba baoh sang saong gauk gar juai tapa negar karei suan hukum, oh pablei salih, pajeng ba kaya pakauk, matuy saong dom bruk jhak xa hoi…Ini lac bruk hu makna rik tame khik kajap salamat siam mekre, manuac sia dalam tinh.

Kapul roh duah di Bo Tu lenh Ban raya HCM duah mboh, pataom veik 11 atau talang bol lin saong sa paok kaya kan di Labik Khu B, Bein bangu Lê Thị Riêng. Tui Kapul Pataom, bruk roh duah dalam harei patui veik hu peih ngak di laik ka dua daok dalam Labik Khu B. Kuhria tal urak ini, dom kapul hu duah mboh, pataom 564 atau talang bol lin, dalam nan hu 263 atau talang hu kaya kan.

Labaih 1,4 trieu anek saih 6 tinh dalam negar Indonesia brei bac online kayua athak dhur mun apui khuah glai njom nerak ralo. Tỉnh Tây Kalimantan lac bhum palei gaok khat lahik biak abih, hu labaih 1,1 trieu anek saih bac online. Dalam 7 bilan akok thun ini, labaih 200.000 hecta taneh di Indonesia apui mbang jeng bau. Anak bruk mbuan apui khuah dalam bilan pandiak thu karja brei takik ngak bruk nao sirah rivang ma-in yulit, ndik ceik, gam khik iek catang kaya urang ba tui piah pacang apui khuah glai veik.

Jabat chuc nang Campuchia hu kareik labaih 300 USD kaoh duas jaik 4.000 urang saong taong bhat catang rilo urang jakar bleik saleik dalam bruk duah mek kol duas chot pagat meng ilamo kong nghe glaong dui atah labaih 1 thun tapa. Mban thu ky di Uy mban pacang caga chot pagat ilamo kong nghe khau tin Campuchia brei mboh: “Tal ini, di bhum taneh Campuchia oh daok kandaong dom pasak chot pagat online hu ngak biak praong”.

Hang Uber - pabak jitvu radaih tapa ung dung mang saong kong ty kong  nghe Anh Wayve birau  ba tabiak radaih taxi peih ta-eng, brei mboh bruk mbang akok meti tuai di ban ine Anh hu ndik radaih peih ta-eng. Dom radaih hu padam cam bien di tabung, min radaih taxi ini jeng yau taxi bhian. Yaok mbang ndik yaom jien dreih yau radaih taxi Uber bhian ndik.