Mentri Y te daok pasang duah, pasiam salih, pabak thong tu ba tabiak ngak harak jru hoa duoc hu kadung jien BHYT bayar, kuhria pabak veik dom jru taong ruak ung thu rai bahrau. Khau tin ini hu Mentri Y te javal calei panuac ndom di cu tri Ban raya HCM hadei mbang nyaom biai ka sa, Quoc hoi mbang ka XVI. Tui cu tri, urak ini hu dom janih jru taong ruak hu yaom biak glaong njauk blei di langiu harak BHYT atau urang ruak brei ta-eng bayar. Kayua nan, Mentri Y te brei panuac ka bruk roh duah salah blaoh sarak BHYT tui jalan tagok tanut daong ka urang hu jien mek tame biar njauk ruak trak, ruak kan taong padam min oh daok dalam sarak baoh sang kathaot, jaik kathaot.

Tui Mentri Ngak nong saong Alam moi truong, mbiah tal ini, hu 24 tinh, ban brei thau bruk peih ngak duah thau halau gha kaya nong di He thong duah thau ka halau gha ngak nong, ngak glai, kaya ikan. Piah duh ka bruk ngak He thong duah thau halau gha, Mentri Ngak nong saong Moi truong brei hu 40 mac amaik peih ngak iek. Dalam nan hu nen  tang brei ka bhap bini saong jabat khik iek hu khan brei thau saong taong yaom bruk khik kandauk khaw tin di urang.

Hadei pandar bruk ngak karja palei dua pakat, rilo phuong rilo rahra di labik gah Barak Ban raya HCM (tinh Binh Duong klak) ba tabiak bruk khik tani tanat bruk ngak karja, oh pagam. Dahlau nan, Bi thu Ban uy Ban raya HCM Trần Lưu Quang ndom lac Mentri Chinh tri oh petui veik brei pagam labik karja yau rilo labik karei. Bruk ba tabiak dak ramik khik tamo lac kayua Ndang uy dom xa, phuong, kaoh pulao srap gap nyaom biai, patui bruk lagaih di yaok bhum palei piah khan tagok Ban uy.

Bruk salih pandar taka so dalam bruk khik iek, langyah harak gak hanh chinh ka taneh riya di ban Dong Nai mek hu rilo jak jeng. Mbiah tal ini, Dong Nai hu 1,8 trieu mblang taneh hu ba tame ngak salah co so du lieu. Langiu di nan, peih ngak taong abih harak hanh chinh taneh riya angaok he thong harak gal karja di tỉnh saong Blah web jit vu karja pakat negar. Bruk pandar kong nghe so daok rik tame paglong bruk khan brei thau cambaic laic ka gah taneh riya. 

Ban raya HCM peih rilo danak dak pahadar Harei Negar 2/9, hu rilo danak dak seni nghe thuat, labik parang saong cuh phao bangu. Sa dalam dom danak dak hu rahra sangka lac danak dak cuh phao bangu 15 minit (meng 21 tuk – 21 tuk 15 minit) di malam 2.9 di 7 labik. Dalam nan hu 3 labik cuh glaong pagam haong 4 labik cuh biar. Dom danak dak ilamo, adaoh tamia jeng hu peih ngak di malam 2/9 rah tabiak di 3 labik: jalan nao tabak takai Nguyễn Huệ; mblang parang langiu langik di Bein bangu Pasak Ban bahrau Binh Duong saong Mblang bein Bà Rịa.

Dom urang ilamo Trung Quoc duah mboh sa bruk ngak tri tue nhan tao AI iek ruak ung thu gan, daong duah 15 urang ruak baoh gan pambak trak kurang dalam tuk pasang iek ruak dahlau di nan. Tui dom urang roh duah, bruk dut iek ruak ung thu gan samar dahlau gaok rilo kan kandah kayua dom laka sit di thaik binguk CT. 

Takik abih 50 uranaih metai dalam mbang tamuh jit ruak bac hau bahrau abih di Nigeria. Urang jakar Kano padrak karja lien bang samar drah peih ngak dom kapul pacang caga samar chip nao tal labik piah pasang iek jit ruak. Bach hau lac ruak njom mbak meda mbuan njom mbak glaong saong meda ngak ba tal metai, njauk ndom lac uranaih oh ka klauk jru caga.

Dom urang ilimo vũ trụ kakei dahlau dak harei dak rilo kan kandah kayua hareik nerak ralo, huac ka bruk “ pambuk hareik kandong” kan ramik. Tui Jabat Kapal ahaok saong vu tru Mỹ (NASA), urak ini hu labaih 25.000 kaya angaok langik hu tui iek, gam labaih 100 trieu candiah sit kan duah – hadei di bruk cuh yaok ribau ve tinh tagok truh Baoh taneh./.