Bộ Tư lệnh Quân khu 7 birau taduan Huân chương Khik caga taneh ia hạng Nhất saong Pahadar 75 thun Harei padang Quân khu 7 

Thủ tướng Rajaei birau tabiak Chỉ thị ka 42/CT-TTg ka bruk patagok khik iek, pasang iek janih anek thur gah langiu tame palai pajua. Tui nan, tukvak jaik di ini, dom janih anek thur gah langiu hu mboh di dom bhum palei, mbuan ngak jhak tal bruk đa dạng sinh học, alam moi truong, kinh tế -xã hội, abih di nyu lac gah ngak nong, ngak glai, raong pala kaya ikan dalam ia; mbuan blei tame suan hukum, raong pala, pambak praong janih athur gah langiu palai pajua di Việt Nam biak glaong. Thủ tướng Rajaei caong khin dom mentri, dom gah saong karja dom palei pala tacei pato ngak njauk tui adat hukum ka bruk raong pala, cak rok patagok, pablei salih athur gah langiu tame palai pajua; pakhang bruk khik iek, pasang iek janih athur gah langiu tame palai pajua tui quyền saong tui bruk hu hu jao brei.

Mesup ni di Hà Nội, rah tabiak Diễn đàn Kinh tế pambuak song, hợp tác xã hu angan “pambuak gauk patagok – tui jalan mbeik drei tame dunya song saman cách mạng công nghiệp 4.0”, kayua Mintri Kế hoạch song Đầu tư pambuak song Liên minh Hợp tác xã Việt Nam peih ngak. Phó Thủ tướng Rajaei Trịnh Đình Dũng, Akaok ban, Mban tacei jalan salih bahrau, Patagok kinh tế kapul nyaom, hợp tác xã dang akaok diễn đàn. Diễn đàn hu mbaok di 500 urang dok dalam saong langiu negar, piah patagok talei rohim Rajaei - Hợp tác xã, taom gaok ndom biai nao mai, klah rabha ilamu, song jhul pakhang bruk pablei salih, pambuak pagam drak pasa ka dom hợp tác xã, kapul pambuak bruk. Tapa nan, dom urang brei thau, tuk vak tapa, yaom lac bruk kinh tế dunya song Việt Nam hu rilo cuang kandah, min hợp tác xã jeng dok ngak hu tani tanat. Dalam tuk vak salih bahrau, Hợp tác xã dak harei dak hu labik dang prong.

Đảng ủy, Bộ Tư lệnh Quân khu 7 birau peih bruk taduan Huân chương Khik caga taneh ia hạng Nhất saong Pahadar 75 thun Harei padang Quân khu 7 (10/12/1945-10/12/2020). Lambaok Quân ủy Trung ương, Mentri Quốc phòng, Thượng tướng Trần Đơn- Thứ trưởng Mentri Quốc phòng hu pok menyom dom chiến công saong bruk ngak hu di tapon nyom bol pan phao karaong Quân khu 7 tapa 75 thun dak padang, mesruh metak, paraong tagok, ala tacei ba di Đảng saong Karja. Dalam nan, tapon nyaom bol pan phao karaong Quân khu tuk halei jeng jum pataom, nao dahlau, hadah krah, yam tapa dom kan kandah, anh dũng mesruh metak, mek hu rilo jak janeng praong, gam saong taong abih urang Đảng, abih bhap bini , abaih bol lin mek hu rilo jayak praong dalm bruk mesruh metak peih poaha bangsa, dak padang, khik caga palei negar saong ngak siam bruk daong ka dunya ya.

Peih ngak danak dak di Thủ tướng rajaei ka bruk patagok sap Việt ka uranaih mầm non, anek saih tiểu học bhum bangsa takik tuk vak 2016 – 2020, pamong tal thun 2025, dalam thun bac 2020 – 2021, Gah pato pakai tỉnh Kon Tum hu pataogk bruk phổ cập pato pakai mầm non uranaih umo 5 thun, phổ cập pato pakai tiểu học; padang ngak sang bac tanut pakat negar; paglong bruk pato pakai dom pakat bac abih di nyu nan lac dom uranaih , anek saih bangsa takik Kayua yau nan ye, anek saih lac urang bangsa takik meda ndom nyai nao mai meng sap Việt hu patagok tapa yaok thun.

Tổng công ty Đầu tư patagok saong khik iek jalan mbak Cửu Long hu pok tagok Mentri jalan mbak pajeng ba (GTVT) bruk buh jien tame peih praong jalan cao tốc Ban raya HCM - Long Thành - Dầu Giây (TP.HCM - Đồng Nai) ngan saong 8 jalan radaih, tagok 2 mbang dut saong jlan yau urak ini. Bruk palih ruah brei peih praong jalan cao tốc nan atah 24km. Akok jalan lac di labik tatua Bà Dạt, phường An Phú, Quận 2, TP.HCM. Puac jalan lac labik jalan pambuak cao tốc Biên Hòa - Vũng Tàu, thị trấn Long Thành, huyện Long Thành, Đồng Nai praong 8 jalan radiah peih. Bruk peih praong jalan cao tốc nan lac bruk hu makna biak praong dalam saong njauk samar ngak, pabak ka bruk pajeng ba, hu mbuan lagaih ka bruk cak rok patagok kinh tế, xã hội ka abih bhum Đông Nam bộ saong ka negar.

Gah pablei salih dunya (WTO) brei thau hu taduan sa harak caong hu 900.000 chữ ký ieu klaak bản quyền vắc xin song jru iek ruak COVID-19. Harak caong nan kayua nyaom Avaaz jak ba mbaoh tangin tame hu payua dahlau di tuk peih mbang nyaom harei 10-12 di Hội đồng Quyền sở hữu trí tuệ pagam tal bruk pablei salih (TRIPS). Harak caong nan ieu dom rajaei, dom negar di WTO song dom công ty jru samar khik kajap ka tong abih menuac sia di dunya hu klauk vắc xin, jru song pandap taong ruak COVID-19.

Rajaei Nhật Bản brei buh tabiak 3,7 tỷ đô-la meng kadung jien khik caga ngak bruk samar chip paih daong bruk dulich dalam negar. Lambaok Mentri Jien padai Nhật Bản harei ini (11/12) brei thau, paok jien nan bhian hu pandar piah pabak bruk kurang jien di kadung jien karja ka chiến dịch Go To Travel” (Nao du lịch). Bilan 7 meng blaoh, Rajaei Nhật Bản peih ngak chiến dịch "Go to Travel" piah jhul pakhang gah dulich jeng yau pacheih urang nao rivang main anak bruk kan kandah kayua jit Covid-19. Nhật Bản caga brei dui atah chiến dịch nan tal puac bilan 6 thun hadei.

Dom urang pal akaok Liên minh châu Âu (EU) harei kabroi (10/12) brei dui atah 6 bilan tra dom jalan tong phạt kinh tế ngan saong Nga pagam tal bruk mesruh gauk di Ukraine. Tui urang brei panuac di EU Barend Leyts, dom bruk tong phạt ni hu dui atah tal kreih thun 2021 song pamong tame tong abih dom bruk kinh tế di Nga yau xăng menyek, quốc phòng song gilang pariak .Dom bruk tong phạt di EU ngan saong Nga hu ba tabiak ngak meng bilan 7/2014 song hu pasang iek bruk dui atah tuk vak tong phạt 6 bilan sa mbang. EU ndom lac tok brei yah klaak dom bruk tong phạt mbiah tal tuk halei Thỏa thuận Minsk hu peih ngak ginup./.

Urang lang: Hani Pha – Ái Nghiêm – 11/12 16:23:48