Nyaom biai hu peih tabiak tuk page ini di Ha Noi

Nyaom biai brei thau cambaih saong peih ngak Sarak 06 di Mentri Chính trị harei 24/1/2022 ka “Bruk quy hoạch padang ngak khik iek saong patagok khang kajap đô thị Việt Nam mbiah tal thun 2030 pamong tal thun 2045” peih tabiak tuk page ini di Ha Noi. Bruk đô thị hóa rah tabiak khang kadang abih di 2 bhum kinh te - xa hoi hu makna praong nan lac bhum Taneran kraong Hồng saong bhum Đông Nam Bộ, biar abih di bhum Trung Du bhum ceik gah Barak negar. Đô thị hóa saong patagok đô thị  ba mbuan lagaih ka bruk patagok kinh te – xa hoi, jhul patagok bruk rami ramik veik bruk ngak kinh tế saong bruk ngak tui jalan CNH, HĐH…Yau nan min, taphia dom bruk ngak hu siam daok hu dom tavak tavaiy dalam bruk patagok đô thị urak ini…Bruk nan daok caik tabiak ka dom gah chức năng njauk hu jalan ngak brei sumu gauk piah patagok đô thị praong  jeng dom labik patagok; roh duah ba tabiak jalan sarak piah patagok đô thị.

Tui Mintri Y tế, kuhria rah tapa dom menuac metai kayua COVID-19 dalam 7 harei tapa lac 2 urang; abih tih dom urang metai kayua COVID-19 di Việt Nam kuhria tal harei ini, lac 43.071 urang, meblah 0,4% duk haong abih tih dom urang njauk ruak.

Page harei 18/5, UB bhap bini tỉnh Lâm Đồng brei thau hu harak tacei pato UB bhap bini ban Đà Lạt saong dom gah pambuak tal samar pasang iek, langyah catang bruk jak tak glai suan hukum rah tabiak di Tiểu khu 144B, di Phường 8. Tui panuac khan camereip di jabat chức năng, angaok taneh praong jaik 2 ha glai phun thông tamuh 3 hala,  318 phun thông njauk kageik jaleih, phun rup praong meng 10 – 45 cm, glong meng 3 tal 17 m.  Kayau lahik 92.582m3. Urang jah tak, palai pajoa glai trak damak nan urak ini oh ka duah mboh.

Urang pan akaok Chi cục Thuế ban Thủ Đức (ban raya HCM) brei thau, hadei di 12 harei tabiak bruk pacap kak je 2 doanh nghiệp njauk to yaom taneh Thủ Thiêm yaom je njauk kak mbang 1, Chi cục Thuế ban Thủ Đức jeng oh ka mek hu jien halei kayua tài khoản di 2 doanh nghiệp ini oh hu jien. Urang pan akaok Chi cục thuế ini jeng brei thau lac, dom doanh nghiệp bahrau padang, oh ka ngak mbang pablei salih nao mai, nan ye oh hu jien hagait.

Sở Ilamu, The thao saong Dulich Thanh Hóa pambuak saong Viện Ilamu - Nghệ thuật negar Việt Nam birau peih Nyaom biai “ Khik ramik sap ndem panuac puac, akhar huroh, khan ao, bruk ngak meng kan di bhap bini bangsa takik tỉnh Thanh Hóa tal thun 2025, pamong tal thun 2030”. Di nyaom biai dom urang ilamu, urang khik iek, urang roh duah ilamu, nghe nhan… kham merat ginum biai, rik tame dom hatai sahaneng biak gheih ngak brei cambaih jang dom asar kadha yau: Bruk rah tabiak, bruk pambak tal saong jalan khik ramik sap ndem panuac puac, akhar huroh, khan ao, bruk ngak meng kan di bhap bini bangsa takik Mường, Dao, Thái, Mông, Khơ Mú, Thổ tỉnh Thanh Hóa.

Tui baoh “hộp đen: meng sruh kapal haoh Boeing 737-800 di hãng China Eastern laik di Trung Quốc di bilan 3 ngak ka taong abih 132 tuai saong kapul urang peih, duh ka kapal haoh nan metai, brei mboh lac hu menuac ngak brei kapal haoh par trun tui jalan yau dang tapak. Lambaok meng hãng kapal haoh Mỹ hu mbaok tame bruk duah thau daok pataom tame bruk lac, ini bruk ngak di urang peih kapal haoh, min meda kayua urang karei angaok kapal haoh tame hu bilik peih kapal haoh blaoh ngak bruk nan.

Harei 17/5, hadei mbang nyaom oh caga dahlau, Rajaei Séc brei tapa bruk  brei dui atah jang 30 harei bruk samar chip hu ba tabiak kayua menuac nduac mai biak rilo meng Ukraine. Hạ viện Séc meda pasang iek piah brei tapa sarak tui panuac caong di Rajaei. Meyah oh hu dui atah jang, jalan ngak nan meda tamat di harei 31/5.

Rajaei Ấn Độ ngak brei tatuak drei tuk tabiak adat pakauk oh brei pablei lúa mỳ tabiak negar langiu meng di harei 14/5 piah pacang cakak bruk tagok yaom janih pandap ini dalam taneh ia, kayua pandiak mbang trak ngak patrun sản lượng, pandap daok khik piah dalam gilang jeng daok takik nao. Bruk ini ngak brei yaom lúa mỳ  tagok glaong di abih, tal 453 USD sa tấn. Meng bruk pakauk nan, dalam mbang peih pabah mbang darak pasar châu Âu harei 16/5, yaom lúa mỳ nyu tagok. Hu thau, yaom janih pandap ini daok tagok kayua bruk mesruh gauk di Ukraine – lac labik pablei lúa mỳ tabiak negar langiu praong abih di dunya./.

Urang lang: M. Phương & Bhumi – 18/05