Thủ tướng Phạm Minh Chính, Akok UB pakat negar

Di Nyaom biai online pakat negar pataom iek veik 06 bilan peih ngak Danak dak pandar ừng dụng dữ liệu ka bruk bhap bini, định danh saong xác thực điện tử duh ka bruk salih tapa pandar số pakat negar tukvak 2022 -2025, pamong tal 2030 iew katut lac Danak dak 06 peih ngak page ini 9.8, Thủ tướng Phạm Minh Chính, Akok UB pakat negar ka bruk salih tapa panda số brei thau, dalm 6 bilan tapa, meng tuk peih ngak, Danak dak 06 rik tame ngak brei salih jalan khik iek bhap bini; pasiam bruk kurang njauk gauk saong paglong asar bruk ngak, siam lagaih dalam bruk khik khaw tin bhap bini; ba mbuan lagaih saong hu makna ka bruk peih ngak dịch vụ công online duh ka bhap bini, D.N rik tame patagok Rajaei số, kinh tế số, XH số. Yau nan min, piah ngak salah dom bruk ba tabiak dalam thun ini saong dom thun anak tal di Danak dak 06, khol drei hu biak rilo bruk njauk ngak saong brei samar peih ngak sumu gauk meng urak ini.

Tỉnh Bình Thuận ba tabiak ngak Danak dak bruk ngak negar cakrok KTXH bhum bhap bini bangsa takik saong bhum ceik tukvak 2021-2025. Tui nan, kham merat tal thun 2025, taong abih dom xã hu jalan radaih ô tô tal pasak xã hu tuh nhựa atau bê tông, 70% puk palei hu jalan radaih ô tô tal pasak hu ngak khang kajap. Langiu di nan, kham merat ngak brei taong abih dom bilik bac hu khang kajap, 50% dom sang bac mầm non, tiểu học, trung học cơ sở mek hu tanut pakat negar; 98% dom baoh sang hu pandar ia hacih, jien mek tame kuhria tui akaok menuac hu 30 triệu đồng sa urang sa thun…. Abih tih jien piah ngak danak dak tukvak ini, lac labaih 850 tỷ đồng.

Di tỉnh Tiền Giang dom janih pandap pandang ngak, abih di nyu nan lac cuah tuh sumu taneh, cuah padang ngak daok mbuan kurang saong tagok yaom. Rilo D.N pablei salih pandap padang ngak brei peih kapan tal dom tỉnh Trà Vinh, Đồng Tháp, An Giang atau taphia negar Campuchia piah blei cuah, ba tal jien tagok. Dalam tuk nan, di Tiền Giang daok hu rilo danak dak padang ngak hu makna praong yau: Danak dak ribaong  Chợ Gạo (tukvak ka 2), tatua Rạch Miễu 2, peih praong, paglong dom jalan dalam tỉnh, huyện…nan ye biak khin hu rilo pandap padang ngak. Kayua yau nan, yaom pandap pandang ngak kurang ba tal bruk pandang ngak suai damuai saong meda khat lahik jien.

Tỉnh Bình Dương bahrau hu gilac 1 urang ruak Covid-19 njom biến thể phụ BA.4 di Omicron. Nan lac 1 uranaih kumei umo 9 thun daok di ban sit Dĩ An. Yau nan, Bình Dương hu 3 urang njaom biến thể phụ BA.4 saong BA.5. Anak bruk njaom mbak samar di biến thể bahrau, mBan tacei jalan pacang caga jit ruak Covid-19 Bình Dương hu panuac ieu karja palei jak ba bhap bini nao klauk vaccine caga Covid-19 piah pacang veik biến chủng di Omicron.

Pambak tal bruk duis trak di Việt Á, tỉnh ủy Trà Vinh birau ba tabiak kaoh tui hukum ngan haong Yam ndoc saong Phaok yam ndoc  Sở Y tế tỉnh ini tui jaln cảnh cáo. Dua urang ngak praong di Sở Y tế ngak suan rilo bruk, kurang dalam bruk ba ngak, tacei pato, peih ngak bruk, kurang pasang iek, luai urang pakat ala ngak suan bruk đấu thầu blei kit dut iek ruak COVID-19 di Công ty Việt Á. Dahlau di nan, Trà Vinh ba tabiak kaoh tuyi hukum 4 urang ngak suan di Sở Y tế saong Pasak pasang iek ruak kik Trà Vinh kayua ngak suan hukum ka bruk đấu thầu ngak khat lahik trak.

Tổng thống dahlau daih di Mỹ lac ong Donald Trump brei thau lac dom đặc vụ di Gah Điều tra liên bang Mỹ (FBI) hu khám xét tư dinh Mar-a-Lago di ong daok di bang Florida. Tui hãng tin Roi-tơ (Reuters), bruk nan, lac sa binah di bruk duah thau ka bruk ong Trump, Tổng thống Mỹ dahlau daih, palai lahik  tài liệu mật di labik ini. Gam haong nan, taong yaom lac, bruk khám xét sang daok di 1 urang dahlau daih ngak tổng thống, lac bruk oh ka bhian hu, meda brei mboh 1 takai yam nao dalam dom bruk pasang iek, duah thau ngan saong Tổng thống Mỹ dahlau daih, ong Donald Trump.

Gah y tế  Ecuador khan brei thau taneh ia ini hu veik 3 urang ruak  đậu mùa khỉ, dalam nan hu 1 urang metai akaok meti. Dom urang njom ruak  đầu mùa khỉ di Ecuador umo thun meng 20 tal 49 thun saong taong ruak di sang, prein yawa hu karo. Gah ye tế Ecuador iew bhap bini brei ngak tui njauk dom jalan hacih sa-at, yau rao tangin meng jabon saong ia sát khuẩn. Ngan haong dom urang mboh jaik ruak, gah y tế negar ini kakei dom urang ruak brei cuk pataik pacang mbaok saong nao tal pasak y tế dut iek ruak.

Tui Cục Khí tượng Hàn Quốc, hajan praong tagok tal 141 mm ba tal dauk ia saong lahik điện rilo labik praong di gah meraong Seoul di harei kabroi (8/8),  ngak brei 7 urang metai saong 6 urang lahik. Di quận Gangnam, dom tal sang saong labik pablei salih dauk dalam ia, rilo ô tô, radaih buýt saong “ga tàu điện ngầm” jeng dauk dalam ia. Ini hu maong lac mbang dauk khang abih di Seoul kuhria dalam yaok pluh thun tapa. Karja pak nan brei paglaong  cảnh báo khủng hoảng tagok tanut glaong di abih, gam haong nan, hu panuac ieu dom gah brei ramik veik mon ngak bruk./.

Urang lang: M. Phuong & Bhumi – 09/08