Page ini 3/9 di Ha Noi, Mentri Chinh tri, Ban Bi thu peih Nyaom biai pakat negar roh duah, bac megru, pato saong ngak tui dom Sarak, Chi thi di Mentri Chinh tri. Bruk peih Nyaom biai piah daong ka urang jakar, dan vien thau cambaic dom asar kadha praong, kadha birau, makna di dom sarak; tui nan peih ngak jeng danak dak, bruk ngak lagaih haong raidiuk manuac sia, ngak hu, lagaih; rik tame paglong bruk ngak di pakat uy, kapol urang đảng, urang dang akaok dalm bruk ngak tui; ngak njauk hasa jalan, njauk hatai, pakajap hatai jia, pamedeih tagok bruk ngak chinh tri saong salih birau, hadah krah dalam dom pakat Đảng, taong abih bhap bini, abih bollin.

Sarak 326 di Rajaei ka dinh danh taneh hu ba tame pandar ngak tui. Tui nan, mblang taneh, danak dak padang di taneh saong dom labik karei brei hu taka so dinh danh taka so karei. Yaok labik hu sa taka so karei, oh yau guak saong tantu cambaic laic. Ma taka hu 12 angka so, kayua Co so dữ lieu dinh danh taneh. Njauk brei peih bruk, urang pandar du lieu k dinh danh taneh di ung dung VneID. 

Melam harei 2/9, langik Ban raya Ho Chi Minh hadah hadai hu cuh phao bingu biak mekre, pahadar 81 thun Harei padang Negar Cộng hòa xã hội chủ nghĩa Việt Nam. Phao bingu uan raok Tet Doc lap tamat biak mekre, brei mboh bruk caong khin yam tagok di ban Raya ngan Wa Ho, payua dom caong khin ka harei anak tal salamat, patagok saong kaya meda. Gam haong nan yaok ribau bhap bini saong tuai damuai ba drei tame dom danak dak senni biak gheih di jalan nao tabak Nguyễn Huệ saong bein bingu Ban birau Bình Dương, TPHCM.

Tui Cục Canh sat jalan mbak ( C08) dalam 5 harei padei padei Harei negar 2/9, dalam negar rah tabiak 192 mbang bala di jalan mbak, metai 93 urang saong njauk rambuac 134 urang.Ta-eng jalan pasei saong jalan ia hu salamat. Gah bollin Jalan mbak langyah labaih 11.600 peih radaih angaok jalan hu meyum alak. Dalam harei puac padeih, ralo radaih tame ban raya , urang jakar Canh sat brei tacei parabha jalan lagaih, njauk ndem tal jalan peih drah samar, jalan pabah tame saong dom labik mbuan rah tabiak gar jalan.  

Tui Vien Quy hoach kraong ribaong Gah Meraong negar, tame kreh bilan hajan ye ia tame binek Dầu Tiếng - binek praong abih di gah Meraong negar labaih 186 trieu met khoi, takik jang 102 trieu met khoi thun 2025. Ia urak ini saong suai lavik biar jang dut saong kuhria dahlau bilan ia sua. Dom urang jakar kakeim don vi khik iek binek ia samar ba jalan meng binek Phước Hòa tapa piah khik caga hu ginup ia ka gah ala saong ia padang di ribaong.

Dom sang bac karja di Ban New York, Mỹ jaik pakauk anek saih pakat mam non tal anek saih bac tal 8 pandar dom tri tue nhan toa AI ngak tabiak dalam sang bac. Ini lac sa dalam dom sarak takik pandar AI di anek saih praong abih di Mỹ. Sarak birau hu ba tabiak dalam tuk dak harei rilo bang di Mỹ  duah jalan pacang urang takik pandar iek man hinh.

Labaih 500 anek saih di gah Pur Java, Indonesia, tame sang iek ruak kayua njauk jru mek kaya mbang, lac kaya mbang pabak prein yawa oh mek jien. Jru mek rah tabiak tuk urang dang akaok birau di Jabat Dinh duong negar Indonesia sanya ngak brei salih birau danak dak. Gah langiu rajaei Kapol nyaom Tui iek gah Pato megru khan lac, kuhria tal akaok bilan 8, hu labaih 37.600 mbang urang njom jru mek pambuak tal danak dak ini.

Mentri Y te Cộng hòa Dân chủ Congo khan brei thau urang metai kayua jit ruak Ebola tamuh di taneh ia ini yam tapa 3.000 urang, sumu urang metai tagok tal 50%. Jit ruak Ebola birau ini hu khan brei tahu di Congo kreh bilan 5/2026. Vien Roh duah Y sinh Negar brei mboh jit samar njom mbak samar gam urang metai ralo bih di taneh ia ini./.