Di nyaom biai ka bruk ngak pala, pablei saong pablei baoh durian tabiak negar langiu, Pho Thu tuong Hồ Quốc Dũng caong khin karja di dom bhum palei brei pasang iek, khik iek taneh pala durian urak ini, oh peih praong taneh pala, salih pataom tame ngak brei paglong brei baoh, asar siam saong baoh pahe bingi. Bruk ngak tabiak pambuak haong dom gah pablei saong darak pasar. Akok UBND tinh, ban brei taduan bruk ngak meyah luai gar tavak ma taka so labik pala, dut iek, ngak kan kandah tal bruk pablei tabiak negar langiu.  

Tui bruk ba tabiak thun bac birau di Mentri Pato megru,  Bruk ngak adat sang gam bac gam daok birau di dom xa taphia negar hu peih ngak sumu gauk dalam negar di page harei 5/9. Yau nan ye tuk ini, dom bhum palei daok pasamar ngak, salah taduan raok  anek saih tame bac njauk harei tame thun bac birau. Tinh An Giang ba tame bac 3 sang bac gam bac gam daok dom pakat Tiểu học - Trung học cơ sở di xã Vĩnh Gia, Giang Thành saong Khánh Bình, pabak sumu bruk bac megru ka labaih 4.000 anek saih. Caong khin oh lac ngak salah blaoh njauk tukvak bo daok brei siam kajap saong hu ginup gru pato.

UBND TPHCM mbaoh harak Danak dak ramik dom sang bac pato mam non, pho thong saong pato megru  di ban raya. Tui Danak dak pagam ramik, TPHCM  hu sang bac di karja ralo abih dalam negar tal 2.188 sang bac. Ban raya brei pagam tame oh njauk piah patakik urang ngak khik iek bo salih tapa padang dom sang bac kuhria tui bhap binin, labik daok di bhap bini, ba mbuan lagaih ka urang bac saong paglong bruk pato bac.  

Hai doi Bien phong 1, Mban Chi huy Bol lin Bien phong Tinh Vĩnh Long pambuak hoang pakat uy, karja xã Bảo Thạnh peih bruk alin brei 100 paok pandap ka dom  baoh sang dalam sarak karja, baoh sang kathaot. Dahlau di nan, don vi hu alin brei 50 paok pandap  ka dom baoh sang dalam sarak karja, baoh sang kathaot di xã Tân Thủy. Bruk ini rik tame pato megru, pamedeih hadah mbaoh meta, bruk ngak di urang jakar, urang lin; tui nan pambak thaik binguk siam gheih “Bol lin Wa Ho”, gam haong karja palei  dak padang bhum taphia negar khang kajap, bruk ngak po, salamat taneh ia.

Tỉnh Vĩnh Long urak ini hu 401 darak pasar, dalam 335 darak hu brei angan, parabha tui janih. Tinh daok jhul pakhang bruk salih jalan khik iek, buh jien tame pasiam jalan mbak, kaya kan saong pandar ung dung bayar jien, dak harei  dak salih birau dom darak meng kan. Ong Phạm Phước Trãi, Pho Yam ndoc  Sở Công Thương Vĩnh Long, khan brei thau: gah kong thuong tinh brei jhul pakhang bruk salih taka so, dalam nan hu pandar ung dung kong nghe tame ngak bruk yau ye bayar jien, dang dom po pablei salih gam haong bruk pablei salih birau.  

Hu takik abih 7 urang metai saong 10 urang njauk rambuac  dalam mbang jauh gauk di kalan AAshok Dham di bang Bihar, Ấn Độ page ini (17/8), yaok ribau urang agama Hindu tuk tame kakuh pok ia tagok po Shiva. Camereip brei mboh, rilo urang nduac jauh gauk hadei sa gang got ndien jaleih jiak labik jalan tame kalan. Panuac hu urang ndien handok atau jakala klak samar tui cabuai gauk, ba tal urang huac klak nduac rilo saong jauh gauk.  

Bruk tame phone tangin urang Thai Lan dalam quy 1 thun ini tagok 127% dut saong tukvak ini thun dahlau, dalam dom taneh ia ralo abih chau A - Thái Binh Duong. Njauk caik hatai lac, Thái Lan lac taneh ia thau sahaneng ka bruk ngak suan glong abih di bhum taneh, hu 39%. Bruk co blak rah tabiak ralo taneh ia samar, dalam nan hu Thai Lan, brei mboh bruk nan pambak praong  samar tui bruk bhain randap pandar kong  nghe so.

Mentri Tư pháp Mỹ duah hu 11 urang khan lac bruk padang kapol  nyaom labaih 1.000 mbang lakhah ja piah urang negar langiu likau hu the hijao. Tui dom kong to vien, dom urang ini palih ruah bhap bini Mỹ ngak lakhah ja haong urang negar langiu, jien tagok tal 30.000 USD ka yaok urang.  Dom urang nan daok ngak ja thaik binguk baoh sang, tacei pato urang ngak harak gak saong pacang caga dom mbang duah thau di jabat di tru./.