Thu tuong Phạm Minh Chính mbaoh tangin padang Mban Pato tacei padang sang bac ka dom xa tapen negar. Mban pato tacei brei daong Rajaei, Thu tuong Rajaei langyah dom bruk hu makna, pambuak gah ngak bruk pambuak tal bruk peih padang dom sang bac pho thong gam daok gam bac pambuak pakat xa tapen negar piah salah blaoh jalan buh jien tame padang 100 sang bac pho thong gam daok gam bac pambuak pakat bac di dom tinh, ban tapen negar dahlau harei 30/8.

Mban Thuong truc UBMTTQ Viet Nam phuong Thuan An, TPHCM, tinh Binh Duong klak birau peih Nyaom pataom mbaok cu tri haong dom urang hu angan palih ruah tame Quoc hoi. Di nyaom biai, cu tri hu pang khan ka danak dak bruk ngak di dom urang hu angan palih ruah. Ong Võ Văn Minh, Akok  HĐND TP.HCM khan lac tacei ba pasang iek bruk ngak, langyah tathak bruk di dom danak dak, daok tavak dui atah ngak kan kandah tal raidiuk bhap bini.

Mban Thuong truc Uy mban MT Negar Viet Nam tinh An Giang bahrau peih nyaom biai taom gaok urang buh phieu piah urang ba drei tame palih ruah urang ka Quoc hoi mbang XVI, labik palih ruah ka 4. Lambaok ka dom uảng ba drei tame palih ruah, amuk Võ Thị Ánh Xuân, Bi thu Trung uong Ndang, Phaok Akaok negar, Phaok Akaok Hoi dong Palih ruah pakat negar, pandar karja brei sangka samu gauk bruk patagok kinh te, xa hoi, sangka paglaong raidiuk di rahra, khik kajap bruk daok dang mbang ngui saong patagok karo kajap.

Tui kuhria mboh dahlau, dalam bilan thu thun ini, njom ia mbak di Ban Can Tho glong jang dut haong dom thun dahlau. Piah takik ngak gaok kan kandah kayua pandiak bhang, So ngak nong  saong Moi truong Ban Can Tho iew dom bhum palei  brei tui iek bruk peih kareik brong ba ia, padang ia piah, ramik pasiam dom danak dak khut tayak, pacang mbak,  khik ia taba piah pruh ka phun pala, ia menyum ka athur raong saong ia pandar ka bhap bini.

Meng ini tal puac thun, tinh Gia Lai brei ba kong caing “trun medin” dalam malam harei sanecar yaok adit di dom blang bein pasak saong payeng di dom xa, phuong, hu mbaok dom urang nghe nhan di dom bangsa Ba Na, Jrai, Cam Hroi, Hre. Piah me-in kong caing, ragu ragam, adaoh bhap bini, tamia bhap bini bangsa; parang iek raya adat ilamo pataom mbaok bhap bini…Abih di nyu nan lac, ini lac bingun piah bhap bini dom bangsa taom gaok, pambuak me-in haong gauk saong paglaong hatai gul pataom.

Thu ký Hoi dong An ninh Taneh ia pakat glong Iran, ong Ali Larijani khan lac taneh ia ini “oh ndem meyai hagait haong Mỹ”. Dalam harei 2/3, Iran taong tame veik dom mbang di tathik Vùng Vịnh piah bayar ka bol lin Mỹ - Israel.

Campuchia daok jhul tagok gam gam dom kham merat pambuak ndom meyai haong negar langiu piah langyah bruk meraik taneh tapen negar haong Thai Lan, ngan haong pasak lac peih ngak dom kapul roh duah piah pambuak veik bruk klauk paga taneh tapen negar, pambuak nyaom biai ka sron mbon salamat saong ngak tui dom bruk mbaoh tangin padeih mesuh metak.

Birau ini, dom urang ilamo kuhria mboh thun 2026 meda hu sa thun langik biak pandiak dalam tuk nan Jabat Khik iek Langik saong Tathik pakat negar Mỹ khan lac hu meng 50 -60% rah tabiak El Nino. Dahlau di nan, Jabat Kuhria ka langik Copernicus di Lien minh chau Au jeng mboh lac thun ini meda lac sa thun biak pandiak veik./.