Kapol urang kumei dalam negar sa hatung hatai rik prein yawa tame kham merat tame bruk mesruh pacang jit ruak

Page ini, di Pasak Nyaom biai Pakat negar di Ha Noi, Nyaom roya urang kumei pakat negar mbang XIII, vaktu 2022 - 2027 peih pakak dalm praong prang hu mbaok di 1.000 urang lambaok ka dom urang, pakat Hoi urang kumei dalam negar. Hu mbaok saong brei panuac di Nyaom roya, Thủ tướng Rajaei Phạm Minh Chính ndom lac, dom bruk rik daong khang kajap, suai lavik di dom rairah urang kumei negar drei dak harei dak pabak mbak carak jang ilamu siam gheih di urang kumei Việt Nam. Gam haong nan Thủ tướng taong yaom glong bruk Kapol urang kumei Viet Nam thau roh duah dahlau, ba tabiak asar kadha jhul pakhang bruk likei kumei sumu gauk dalam 3 Danak dak pakat negar vaktu 2021- 2025 saong tacei ba ngak tui asal kadha Pabak ilamu siam gheih baoh sang Viet Nam di Danak dak pakat negar padang ngak palei pala birau. Abih di nyu, dalam 2 thun rah tabiak jit ruak praong Covid -19, dom pakat Kapol urang kumei gam haong urang jakar, urang kumei dalam negar sa hatung hatai rik prein yawa tame  kham merat tame bruk mesruh pacang jit ruak. 

MBan bangsa tỉnh Bà Rịa – Vũng Tàu bahrau peih nyaom biai pathau khan, pato pakai hukum ka labaih  90 urang hu angan je dalam mik va bangsa takik dok dalam tỉnh. Di nyaom biai dom urang hu ndom biai nao mai mai saong khan brei thau ka dom hukum Việt Nam; bruk padang ngak jalan chính trị labik bhum mik va bangsa takik khang kajap; patagok siam sarak bangsa dalam tuk vak ba drei tame song patagok. Tapa nan, dong ka urang hu angan je dalam bhum mik va bangsa takik paglong ilamu piah patagok siam jalan ngak, bruk ngak dalam pathau khan jak ba  bhap bini ngak siam sarak, jalan ngak, sarak di Đảng, hukum di karja song dom bruk batabiak di puk palei.

Piah trun takik harak gal dalam bruk brei harak xác nhận salah bruk daok karei ngan saong urang F0 dalam tukvak anak tal, Sở Y tế Ban raya HCM peih brei ngak harak gal salah bruk daok karei di Hệ thống khik iek Urang ruak Covid-19. Yau ye, bhap bini tuk dut mboh njom Covid-19 khan brei thau tapa blah web:https://tracuuf0.medinet.org.vn/khaibao. Tuk nan, Balai Y tế taong yaom iek ruak F0 tapak atau tapa dom jalan karei meng atah saong taom gaok F0 tui Nền tảng khik iek Covid-19. Dalam tukvak daok karei taong ruak di sang, Balai Y tế khik iek saong iek glang prein yawa, tui iek F0 di hệ thống tui bruk ba tabiak. Tuk salah bruk daok karei, Balai Y tế brei harak taduan atau payua email bo bhap bini hu khan brei thau blaoh.

Kayua  thanh long laik yaom khang dalam tuk vak atah, nan ye rilo po bein  tỉnh Tiền Giang brei tak klaak piah ramik veik bein atau salih tapa pala dom janih phun karei. Di xã Đăng Hưng Phước, huyện Chợ Gạo urak ni hu labaih 40 labik, doanh nghiệp blei boh thanh long jeng daok kreik pabah mbang. Bruk rilo po bein tak klaak bein phun thanh long takik kein laba  piah salih tapa rong pala  phun, anek pajaih karei, cong khin hu kein lagaih kinh tế jang lac njauk. Min, dom gah  chuyên môn brei pathau khan, dong ka po bein njauk rong pala dom phun anek hagait piah hu drak pasa pablei mbuan lagaih.

Meng rilo bilan ini mai, yaok rituh kapal gilai taong chap ikan labik tasik atah di tỉnh Kiên Giang brei ndih angaok ar kayua kurang urang ngak, yaom xăng menyek tagok glong, kaya ikan tasik trun khang…Tui ong Ngô Quốc Trường, Phaok AKaok Chi cục Thủy sản Kiên Giang, mbiah tal ini tỉnh hu jaik 4.000 kapal gilai taong chap ikan labik tasik atah meng 15 m tagok. Urak ini labaih 900 kapal gilai ikan “ndih angaok ar”, dalam nan hu 300 kapal ndih angaok ar” suai lavik, 600 kapal gilai mbiah tal ini oh ka tabiak ngak mbang di tasik.

Hãng thông tấn trung ương Triều Tiên (KCNA) ba panuac di ong Kim Jong Un brei thau, taneh ia ni brei cuh vệ tinh do thám dalam dom thun tal.  Jalan ngak di bruk patagok song pandar  vệ tinh do thám quân sự lac piah pabak ka gah tapol nyaom bol pang phao krong taneh ia ni thau ka tuk vak  ka bruk ngak di bol bala di Mỹ song dom  đồng minh. Rilo chuyên gia ndom lac Triều Tiên dok kuhria caga cuh  vệ tinh do thám. Bruk ni meda ba tal kamlah gauk kayua pandar  công nghệ tên lửa đạn đạo njauk pakauk.

Akok Mentri Thương mại Mỹ Ginaa Raimondo birau brei thau “oh hu tukvak puac abih” ka dom jalan pasang iek bruk pablei xăng menyek tabiak negar langiu bo Mỹ saong dom đồng minh daok taong tagok Nga. Rajaei Tổng thống Joe Biden tuk halei jeng brei ngak dom jalan ngak hu caga dahlau piah ngak khat lahik jien ndo di Nga dalam rukvak suai lavik tal tuk halei bruk nan daok njuak ngak. Dahlau di nan, Urang brei panuac di Điện Kremlin ndem puac Mỹ peih bruk mesruh kinh tế maong tame Nga, gam haong panuac kakei lac Nga medangak dom bruk hagit siam di abih piah pacang khik kein laba ka taneh ia.

Yaom menyek dunya  dalam mbang giao dịch harei  9-3 gilac veik trun khang hadei di tuk  Dom Tiểu vương quốc Ả Rập Thống nhất pachreih tui bruk pabak menyek tame  drak pasa. Urak ni, menyek  Brent  di tanut 111,14 USD/sa thùng. Dalam dom harei tapa, yaom menyek gam gam tagok khang  tagok tal tanut glong di abih dalam jiak  14 thun tapa kayua bruk mesruh gauk dok rah tabiak di Nga song Ukraine ngak brei tagok dom huac kanda ka bruk mbuan si klaik klaoh pabak menyek meng  Nga – taneh ia pablei menyek tabiak dhang dhi 2 angaok dunya./. 

Urang lang: Hani Pha – Bhumi – 10/03