Pambuak tal dom bruk ngak suan di sang bac THPT chuyen Tuyen Quang dalam mbang pakacah tamat THPT thun 2026, Mentri Pato megru  khan lac, taong abih 328 anek siah di labik  pakacah ini brei pakacah veik abih dom mon nan. Harei pakacah veik lac harei 14 saong harei 15.8. Tanut pakacah hu brei thau di harei 19.8. Urak ini, bruk nan daok duah thau ka tantu cambaic laic, Mentri Pato megru  brei pambuak haong dom jabat chuc nang di Mentri Pato megru brei pambuak catang haong dom jabat chuc nang di Mentri Kong an saong dom jabat pambuak tal piah langyah dom urang, kapol nyaom ngak suan.

Di pasak Ngak bruk xa hoi - Kadung jien daong uranaih Binh Duong, phuong Thuan An, TPHCM - dahlau diah lac Ban Thuan An, tinh Binh Duong, 71 urang oh hu sang daok, urang jaoh jo, ruak gila birau brei ngak hu ba-ar brei angan tuk ndih tapui saong the can cuoc. Ini lac piah hu taduan mbang tui kein laba hukum di yaok urang, ba mbuan lagaih dalam tuk taduan mbang tui sarak Karja. Bruk brei can cuoc ka dom urang kan kandah daok brei mboh bruk hu makna praong dalam bruk khik iek bhap bini tui jalan “ oh caik thei daok veik gah likuh”.

Dhar Raong glang saong Kaya ia Dong Nai brei pasang iek, duha thau  dom labik pataom, var ro raong pabui palameh. Tapa nan duah mboh 1 labik saong 6 var raong di phuong Trị An, Dầu Giây saong xã Hưng Thịnh pabui Salbutamol lac jru pakauk dalam raong glang. Urak ini, jabat chuc nang daok khik labaih 4.100 drei pabui di dom var raong. Dong Nai brei padang  dom kapol nyaom pasang iek taong abih labik ngak tabiak, palei tabiak negar langiu, pablei jru ka athur raong  dalam ban.

UBND ban Can Tho brei thau ka bala meng langik tathik,  glut jaleih  ara kraong Hậu, di palei Nguyễn Tăng, xã Cù Lao Dung, tui nan caong khin karja palei kuhria caga dom jalan piah daong bhap bini tuk rah tabiak bala. Ar kraong Hậu  atah labaih 2.000 met, jaik pabah tathik Trần Đề di palei Nguyễn Tăng glut jaleih abih taneh glai pacang ar, riyak paoh ngak ra-ai talah ar. Dom mbang ia ndik gam hajan ribuk khang, riyak khang, mbuan talah ar tuk halei jeng oh thau.

 Kayua hajan praong ar pacang kraong di puk Lân Nam, xã Vĩnh Thành, tỉnh Vĩnh Long glut jaleih trak. Tok dalam sa adit tapa, glut jaleih atah 35 met, ngak kan kandah tal bruk nao mai di labaih 200 baoh sang bhap bini dalam labik ar pacang. Urak ini rilo labik tapen kraong, ar pacang dak harei dak trak. Urak ini, karja saong bhap bini bhum palei daok kham ngak brei pakhang dom labik mbuan glut jaleih, piah khik piah drap ar saong anek manuac.

Cục Khi tuong Trung Quoc kakei, dom mbang pandiak catang, hajan praong saong ribuk di grauk labik dalam negar ini di bilan 8. Dalam tuk langik rah biak El Nino khang tal biak khang, dalam bilan 8, mbuan rah tabiak hajan praong, pandiak saong ribuk di Trung Quoc glong jang; di gah ia harei tagok meda gaok ia dauk ralo jang pandiak tua riya, ia sua biak trak. Tui nan, hu meng 2 -3 mbang ribuk atau ngak kan kandah ralo tal negar ini.

Mỹ saong Iran daok hu dom khaw tin karei ka bruk ginum biai pambuak tal eo tathik Hormuz. Dalam tuk Mỹ brei thau bruk ginum biai hu lagaih siam saong hu njauk gauk peih veik jalan eo tathik Hormuz, yau nan min Iran  atah klak, tok biai haong Oman ka jalan ngak bruk birau ka eo tathik. Tui urang brei panuac di Mentri Ngoại giao Iran, Iran urak ini oh ginum biai hagait haong Mỹ.

Rajaei Yemen khan brei thau sa gilai pajeng kaya di An Do karam di labik Tathik Bien Đỏ hadei tuk tavak pasram kalin phao karaong. Metuah, taong abih urang peih gilai hu daong diuk. Tukvak tapa, bollin Houthi di Yemen brei pasram bollin di tathik Biển Đỏ saong eo tathik Bab el-Mandab. Kapol ini brei pacang jalan tathik  haong Saudi Arabia meng harei 20 bilan 7, tui nan taong tame dom labik njuk mek menyek saong gilai pajeng meyek di Saudi Arabia di Bien Do.