Sở Y tế njauk brei pakhang bruk pasang iek, tacei pato bruk caga jit di ban raya

Pasang iek bruk pacang caga ruak đậu mùa khỉ di Ban raya HCM, Tiến sĩ Nguyễn Lương Tâm - Phaok akaok Cục Y tế caga ruak (Mentri Y tế) taong yaom glong bruk taong ruak đậu mùa khỉ ka urang akok meti hu siam di ban raya. Gam haong nan, hu panuac ieu Sở Y tế njauk brei pakhang bruk pasang iek, tui iek, tacei pato bruk caga jit di ban raya; pakhang bruk tui iek, duah thau dom mbang kapal haok pajeng tuai mai meng dom taneh ia hu jit ruak đậu mùa khỉ. Hu samar thau urang akaok meti njauk ruak đậu mùa khỉ, mbiah tal ini ban raya oh ka hu thei njom ruak tapa urang ruak akaok meti nan.

Hadei di 5 thun padeih bruk, meng mon 7 mesup ni, BOT Cai Lậy (Tiền Giang) hu mek jien veik. Yaom vé, bilai di jalan roya ka sa bier di abih lac 14.000 đồng song glong di abih lac 118.000 đồng/radaih sa mbang ; bilac di mangaok jalan prong Cai Lậy hu yaom beir di abih lac 24.000 đồng, glong di abih lac 137.000 đồng/radaih sa mbang. Tui lambaok po đầu tư BOT Cai Lậy, dalam 5 thun, oh hu mek jien, jien laba gilang pariak tagok labaih 560 tỉ đồng, nan ye, jien laba ini, kayua rahra bayar.

Urak ini, di dom sang iek ruak di tỉnh Cà Mau urang mai iek ruak pambuak tal hadei ruak COVID-19 mboh biak ralo. Tui yaok pataom oh ka ginup, dalam 6 bilan akaok thun, di khoa Tâm thần, Sang iek ruak Đa khoa tỉnh, urang mai iek ruak tagok 39% dut saong tukvak ini thun dahlau. Dom mbang urang ruak sraw kadau jalan sahaneng njauk tame taong ruak mbang akok meti jeng tagok 48% dut saong tukvak ini thun dahlau. Bruk ba tal nan lac kayua njom dom janih ruak hadei COVID-19. Sở Y tế Cà Mau kakei, hadei tuk dhit ruak mboh karei dalam rup mikva njauk tal bala y tế piah tacei pato, daong taong ruak sumu gauk, plaik njiak dom bruk ba tal trak damah tal prein yawa.

Mban tacei jalan pacang caga taong cap IUU (peih bruk tong chap ikan suan hukum , oh pathau khan, song oh tui hukum ) tỉnh Bình Thuận bahrau padang tabiak dom kapul pasang iek, tong yaom peih ngak dom bruk ngak prong, pacang caga tong chap kaya ikan suan hukum, oh pathau khan, song oh tui hukum di tỉnh. Meng akaok thun, UBND tỉnh Bình Thuận gam gam tacei jalan ka bruk tong chap kaya ikan suan hukum, oh pathau khan, song oh tui hukum, ramik veik cuang kandah, tavak tavaiy dalam bruk pacang caga peih ngak IUU dok rah tabiak. Dom mbang ngak suan, lac pandar kapan oh tut angan, tong chap kaya ikan oh hu harak adat tong chap kaya ikan suan labik…

Kayua ia ndik gah angaok kraong gam haong tuk ia ndik di ala , meng harei 10- tal 13/10, ia gah ngaok kraong Cuu Long daok tagok glong. Ia ndik di kraong Tiền di Tân Châu meda tagok 3,7m, tapa tanut tabung glong pakat 1 lac 0,2m, di dom balai gah ala kraong Cuu Long tagok pakat 2 tal pakat 3, hu labik tapa pakat 3. Piah caga ia duak Jabat thường trực Mban tacei jalan pakat negar ka bruk pacang caga bala meng langik tasik iew dom tỉnh, ban dalam bhum taneran kraong Cuu Long tui iek catang ia ribuk, ia ndik, thau lac dom labik njauk ia dauk.

Bol lin Hàn Quốc song Mỹ harei ni, peih bruk pasram mesruh haong gauk di bhum tasik gah pai negar di Hàn Quốc, hadei di tuk Triều Tiên gam gam cuh tên lửa đạn đạo tdalam adit ni. Dom mbang pasram hu patagok bruk taong cagar veik bruk khiêu khích di Triều Tiên. Dahlau di nan, Hàn Quốc – Mỹ - Nhật Bản hu peih sa mbang pasram msruh lin tasik haong gauk di bhum tasik gah pai palao kaoh Triều Tiên harei 6/10.

Urang jakar Mexico brei thau, hu takik abih 18 urang metai saong 3 urang njauk rambuac dalam mbang patuh phao di harei 5/10 di Tòa thị chính San Miguel Totolapan, bang Guerrero, Tây Nam taneh ia ini. Hadei mbang patuh phao, dom urang patuh phao cuh rilo radaih buyt saong radaih di dom labik jiak nan. Ini lac mbang taong tame ka 3 ngak megei negar Mexico dalam dom adit tapa. Dahlau di nan, hu blaoh dua mbang patuh phao di gah barak saong gah kreh negar ini ngak brei 16 urang metai.

Dom boh sang di Anh meda njauk cakak điện 3 mon yaok harei dalam bilan brak thun ni , meyah khí đốt di taneh ia ni oh hu patagok. Dahlau di nan, Thủ tướng Anh Liz Truss hu panuac ieu rajaei negar ni kham merat jang piah khik ginup năng lượng dalam harei hadaei . Anh pambak rilo tame khí đốt piah ngak tabiak điện, song dom sang mac điện peih meng khí đốt ngak tabiak labaih 40% tong abih tih điện di taneh ia ni. Negar ni hu blei sa binah điện pandar meng dom taneh ia châu Âu./.

Urang lang: Hani Pha & Bhumi – 07/10