Adit tabung glaong di bruk langyah urang peih radaih hu dalam rup alak mbia, ma túy

Patui danak dak mbang nyaom ka 11, dah page ni (7/4), dom urang QH hu mbaok pang UBTVQH pathau khan bruk ginumn biai di kapul saong langyah, taduan panuac rik tame di dom urang QH ka bruk ba tabiak manuac piah pilih ruah, pok ngak urang par akaok dom Ủy ban di Quốc hội, Tổng TK QH, Tổng kiểm toán Karja. Puac mbang nyaom bier harei ni, Thủ tướng rajaei meda ba tabiak angan piah ka Quốc hội brei panuac ka bruk pok ngak dom Phó Thủ tướng rajaei, Akaok Mintri saong dom urang karei di rajaei. Dahlau di nan, bier harei 6/4, QH hu pok muk Võ Thị Ánh Xuân, Ủy viên Trung ương Đảng, Bí thư Tỉnh ủy An Giang ngak Phó akaok negar.

Kuhia tal mon 6 mesup 7/4, Việt Nam oh hu urang halei njom bahrau COVID-19, dalam negar brei dok karei 36.700 urang piah pacang jit. Dalam 24tuk tapa hu 11 urang njom bahra, jeng lac urang tame Vn hu brei dok karei chip di Long An, Cà Mau, Đà Nẵng song Tây Ninh. Dalam negar hu 6 urang ruak hu iek ruak abih, patagok urang thit ruak hu 2.422 urang. Bruk klauk jru vaccine Covid-19 hu klauk vaccine ka 52.868 urang.

Dalam klau adit tabung glaong di Mintri Công an peih bruk langyah urang peih radaih hu dalam rup alak mbia, ma túy, Gah cảnh sát jalan mbak công an dalam negar hu mboh 13. 642 bruk ngak suan, 165 urang peih radaih dương tính haong ma túy; taong phat abih tih labaih 44 tỉ đồng, cap khik 13.642 dom sruh radaih. Meng urak ni tal puac thun, gah cảnh sát jalan mbak dalam negar daok patagok bruk pasang iek, langyah catang dom bruk urang peih radaih hu dalam rup độ cồn, ma túy, abih di nyu nan lac pajeng biak trak tapa tanut brei adat saong pacacah radaih suan hukum. 

Kapul ngak bruk di Ban Thường trực UBTWMT negar Việt Nam bahrau tadhau ayuh Tết Chôl Chnăm Thmây di mik va Khmer di An Giang. Phaok akaok UBMT negar Việt Nam Trương Thị Ngọc Ánh tadhau auyh dom ong bhik, chức sắc, chức việc song mik va Phật tử Nam tông Khmer uan raok thun bahrau siam mekre haniem phol. Hòa thượng Chau Sơn Hy, Phó trưởng Ban trị sự Giáo hội Phật giáo tỉnh An Giang brei thau hatai bui sambai anak bruk sangka di Đảng, karja ngan song mik va Khmer. Saong brei thau lac daok jak ba phật tử peih ngak siam dom sarak, dom bruk ngak kayua MT negar ba tabiak.

UBND tỉnh Bình Thuận bahrau pato tacei Sở Tài nguyên saong Môi trường dang tabiak, pambuak haong dom sở, gah saong bhum palei samar drak pasang iek dom jalan langyah pacang caga bala sre manyek pakat tỉnh, abih di nyu nan lac jalan langyah sre mayek di mangaok tasik. Ni brei hu maong lac bruk gam gam, oh njauk iek lap. Jaik di ni, langik tasik rahtabiak sarau kadhau, ngak kan kandah tal dom sruh gilai di mangaok tasik saong mbuan rahtabiak bala. Yaok thun di mangaok bhum tasik Bình Thuận jeng hu gilai karam, jaik di abih lac bala karam gilai pajeng 1.500 tấn thun dhan di bhum tasik Mũi Né, TP.Phan Thiết.

Harei 6/4, hu rilo menuac xếp hàng gah langui mblang bein pakat negar Stade de France di Prang piah klauk vắc-xin pacang Covid-19. Labik ni tui kuhria hu klauk labaih 10.000 mbang văc-xin yaok adit, jhul samar bruk klauk jru di gah brak ban ine Paris – labik hu urang njom Covid-19 glong abih dalam negar. Urak ni, Prang hu jiak 5 triệu urang ruak Covid-19, urang ruak njauk iek glang catang dok di tanut glong di abih, ngak ka dom sang iek ruak mbuan si quá tải. Prang batabiak bruk kluak jru ka30 triệu urang dalam bilan 6 anak tal.

Liên minh châu Âu meda ba tabiak rilo jang dom jalan taong phat bol lin Myanmar saong dom labik ngak kinh tế di negar ni. 27 negar EU meda ba gauk taong phat dom labik ngak kinh tế hu pambuak tal bol bala Myanmar saong meda ba tabiak ngak samar drak di abih. Min, gah Nga brei thau, dom jalan taong phat di tukvak ni oh hu kein lagaih hagait saong biak jhak jang. Kayua nyu meda ngak brei bruk kandah gauk di dom gah di Myanmar catang jang saong meda jhul tagok jeng mesuh metak gauk abih gah.

Urang ngak praong Êtiôpia brei thau, dom mbang mesruh gauk bahrau di abih di labik Afar song bhum Somali di negar ni dalam dom harei tapa ngak ka labaih 100 urang metai. Bruk mesruh gauk patagok tuk rajaei di Thủ tướng Êtiôpia Abiy Ahmed kham merat pasang iek bhum Tigray.Tui kuhria, bruk palih ruah dalam bilan 6 anak tal jeng lac bruk piah brei thau urang takre halei oh bruk pal akaok negar di Thủ tướng Abiy Ahmed./.

Urang lang: Hani Pha – Thu Thảo – 07/04 10:44:32