Ngak bruk haong dom menri, dom gah ka dom bruk pasak di Mban Pato tacei pakat negar ka bruk roh duah, pataom, ngak tantu angan je atau talang bol lin, Phaok thu tuong Phạm Thị Thanh Trà caong khin brei patui veik roh duah, pasang iek, pataom di Bein bangu Lê Thị Riêng, Ban raya HCM tui jalan ngak tani tanat, tathak bruk, tantu cambaih laih saong siam lagaih. Bruk ngak hu di Bein bangu Lê Thị Riêng brei hu maong yau lac bruk ngak, jalan ngak piah peih ngak ngan haong dom labik kubo dan rilo urang daok kurang khau tin. Ban raya HCM gam haong nan brei pasang duah 12 paok harak gal medil lac kubo dan rilo bol lin; ngan haong dom harak gal hu ginup khau tin, peih ntaom biai di akaok bilan 9 peih njauk gauk ba tabiak bruk pasang duah, roh duah.

TPHCM jao brei bien che vaktu meng thun 2027 -2031 tui jalan “ oh ngak sumu yau gauk”, ba urang jakar meng labik labaih tapa labik kurang. Yau nan ye, urang jakar hu jao brei thun 2027 hu salih karei rilo dut saong thun 2026 saong brei panduan ba urang jakar labik labaih tapa labik kurang. Yau nan ye, dom jabat don vi khin khik veik tai tanat urang jakar di tuk khan brei thau tal tuk hu jao brei hu hadom urang jakar thun 2026. 

Mek panuac ka saka padeih Tet Nguyen dan 2027, Tong Lien ndoan Ngak bruk Viet Nam njauk gauk ba tabiak jalan padeih padei taong abih 7 harei, meng 4-2 tal abih harei 10-2-2027. Tong Lien ndoan Ngak bruk Viet Nam jeng njauk gauk ba tabiak ruah harei padeih padei Harei Ilamo Viet Nam 2026. Tui nan, urang jakar, kong chuc, vien chuc padeih ngak bruk di Harei Ilamo Viet Nam – harei angar, harei 24-11-2026. Harei ngak bruk ka dua, 23-11-2026 hu salih tapa harei padeih yaok adit harei sanecar, 28-11-2026. Tui Tong Lien ndoan Ngak bruk Viet Nam, jalan ngak ini brei kein lagaih ka urang jakar, kong chuc, vien chuc hu mbaok tame dom danak dak ilamo, maong iek dom yaom kaom ilamo siam gheih.

Tong kong ty Dau tu ngak jalan peih drah samar Viet Nam daok samar peih ngak dom danak dak daok veik Danak dak jalan paeih drah samar Bến Lức - Long Thành brei peih jalan ka radaih tapa di bilan 9 anak tal. Danak jalan mbak peih drah samar kuhria atah abih tih  jaik 58 km tapa klau tinh, ban: Tây Ninh, Ban raya Ho Chi Minh saong ban Dong Nai. Jalan peih praong 4 radaih, 2 jalan padeih samar, peih drah 100km sa mon.

Hadei jaik sa bilan peih sarak oh mek jien di 134 gah radaih buyt di Ban raya HCM, tuai damuai hu pandar rilo. Kuhria tal harei 12/8, duh hu jaik 12 trieu mbang tuai damuai, tagok labaih 44% dut saong tukvak ini thun dahlau. Tui sarak oh mek jien harak ve, bruk parilo radaih, peih praong majam saong paglaong jitvu brei daong ka radaih buyt jeng bruk salamat, siam mekre, ilamo, hu rahra dalam ban je tame saong pandar bhian.

Hadei tuk ngak tabiak Radaih mac ndien pakat negar saong he sinh thai daong, Tong thong Indonesia ba tabiak bruk ngak ralo radaih ndien dalam negar di thun 2028. Bruk peih ngak Danak dak radaih mac ndien pakat negar lac bruk ngak piah pabak radaih siam yaom mbiah lap jang, tui nan pakajap gah ngak kong nghiep, kong nghe, an ninh nang luong saong ngak kaya ka taneh ia palei negar.

Tong thong My Donald Trump brei thau tanut jien je tagok tal 100% ngan haong kaya peih par oh urang pandar (drone) saong linh kien blei tame, piah patrun bruk pambak tame di My ngan haong halau pabak di gah langiu negar. Nha Trang brei thau dom tanut bahrau brei hu “pachreih patagok bruk ngak tabiak dalam negar” ngan haong drone saong linh kien, gam haong nan patakik bruk pambak tame majam pabak di gah langiu negar.

Quoc hoi Thụy Điển brei buh phieu trun umo thun taduan bruk taong phat meng 15 thun trun 14 thun, dalam tuk nan rajaei daok kuhria bruk buh phieu pajat negar, sanya kaoh tui hukum catang jang ngan haong dom dam dara. Quoc hoi Thụy Điển jeng brei buh phieu  patruh thun guk ka urang umo sit. Dam dara umo ala 18 thun meda daok guk tal 18 thun. Hukum ini hu pandar ngak tui meng harei  10 bilan 9 anak tal.