Melam ini (26/6), di tinh Khanh Hoa peih pakak Harei roya ilamo Cam mbang ka VI, ngan haong kadha “ Khik ramik, patagok ilamo siam gheih di bangsa Cam dalam janam birau”. Harei roya  pachreih hu yaok rituh urang nghe nhan, urang daoh tamia bhap bini di 7 tinh, ban: Khánh Hòa, Gia Lai, Đắk Lắk, Lâm Đồng, An Giang, Tây Ninh saong Ban raya HCM. Kadha njauk caik hatai di harei roya lac Danak dak nghe thuat ngan haong kadha “Hadah tanjak ban sambo ilamo bangsa Cam”- padang veik dom damnei dalikan, adat cambat gam haong ilamo di bhap bini Cam. Harei roya rik tame khik ramik ilamo meng kan di urang Cam yaih khan thaik binguk ilamo, anek manuac saong  bruk cakrok patagok gah yulit di dom bhum palei urang Cam.