Ngak bruk haong rajakar ngak praong di dom tinh, ban: Cần Thơ, Vĩnh Long, Đồng Tháp ngak bruk peih ngak rilo tanut patagok thun 2026, Pho Thu tuong Rajaei Hồ Quốc Dũng caong khin dom bhum palei tui iek Sarak di Rajaei, jalan tacei ba, panuac tamat di Trung uong saong Thu tuong Rajaei: padang ngak kich ban patagok chi tiet, cambaic laic ka yaok bruk, yaok gah. Tui nan, iek praong bruk kham  merat patagok dua laik taka so lac bruk chinh tri piah taong yaom, dak angan jabat Đảng saong urang jakar; tui nan jao dom kadha kuhria tal yaok bhum palei, ngak brei cambaic laic bruk ngak, taduan bruk…

Pamong tal Harei Ilimo Viet Nam harei 24/11, Dhar ilimo senni bangsa Cam TPHCM peih ngak danak dak adaoh tamia ngan kadha “ Sap daoh Cam tapen kraong Bai Gon” melam kabroi 2/11. Danak dak kayua dom radaoh, urang tamia, urang ma-in alat raram, urang ngak bruk, sinh vien, anek saih Cam daok bac, ngak bruk di TPHCM parang iek. Melam adaoh tamia hu parang iek biak mekre, panuac adaoh, sap ginang, sao baraneng saong ragam tamia yau dak dalikan ka ilimo Cam, pambuak bhap bini saong hadah mbaok meta bangsa. Ini oh lac piah yaih khan dom ilimo siam gheih meng kan mai di bangsa Cam, bo daok lac lagaih piah pambak praong ilimo saong jum pataom dom bangsa.

Tinh Ca Mau birau peih Nyaom pakacah Sap daoh gru pato pakat tinh mbang I thun 2026 ngan haong kadha “ Yawa daoh bruk pato”. Pakacah mbang ini pataom hu 86 kapol gam haong 1.590 urang jakar, gru pato, urang ngak bruk saong anek saih, sinh vien. Mbang pakacah lac piah ka dom nai gru, cei gru pok sap adaoh, meyaom bhum palei, taneh ia, meyaom bruk pato naih gheih; tui nan patagok raidiuk ilimo naih gheih, rik tame dak padang  bruk pato pakai naih gheih, haniem phol.

Jabat Cảnh sát dieu tra ( Mentri Kong an) pambuak haong dom jabat pambuak saong ban Cần Thơ padang ngak 6 tatua duh ka bhap bini saong 19 baoh sang ka dom baoh sang hu raidiuk biak kan kandah di phuong Khánh Hòa. Tui nan, taong abih danak dak ngak salah blaoh di bilan 12 thun ini. Danak dak piah daong bhap bini tani tanat raidiuk saong sahanang hatai ngak bruk, ngak tabiak kaya kan jaik tame thun birau. Tui nan, dak harei dak paglong raidiuk saong bruk pablei salih  di bhap bini labik atah bayah, bhum ceik car.

Tui Đài Khí tượng Thủy văn Nam Bộ, meng ini tal harei 12/11, TPHCM hu hajan hangin khang, gam jakala klak, ngak jaleih phun kayau, khut tayak sang danaok, danak dak jalan mbak saong sang danaok. Bhap bini TPHCM njauk brei tui iek dom  khaw tin dut iek kuhria langik tathik, kuhria iek hajan hangin, takik pandauk hajan  ala phun kayau atau jaik dom danak dak mbuan gaok bala .

Dahlau mbang pakacah bac đại học dalam negar harei 19/11 anak, Mentri  Pato megru Han Quoc iew brei langyah  saong pakauk pakacah dai hoc atal 3 thun ngan haong dom urang hu pandar camin meta pagam tri tue nhan tao AI dalam tuk pakacah. Bruk ini hu ba tabiak  hadei hu dom anek saih pandar camin meta AI dalam dom pakacah dai hoc. Janih camin ini piah tavak thaik bingu kadha pakacah saong pandar tri tue nhan tao piah langyah kadha pakacah.

Ti le njauk hatai haong Tong thong Mỹ Donald Trump patui bruk biar abih, tok 32%, dalam tuk bruk njauk hatai di dua đảng Dân chủ saong Cộng hòa daok jiak gauk dahlau tuk palih ruah Quoc hoi Mỹ harei 3/11. Dom urang ilimo duah thau hatai sahaneng  dom mbang palih ruah di yaok bang saong yaok labik buh phieu meng thau lac bruk pasang iek Thượng viện saong Hạ viện Mỹ, lac đảng Cộng hòa daok hu lagiah jang.

Urang brei panuac ka Mentri Ngoai giao Iran lac taneh ia  ini brei peih pabah tathik Hormuz dalam 48mon, meyah Mỹ ngak tui dom panuac Iran ba tabiak. Jeng dalam panuac ndem meyai nan, urang brei panuac Mentri Ngoai giao Iran lac Tehran saong Washington daok biai gauk rilo bruk. Yau nan min, bruk pambuak veik piah ginum biai  di dau gah oh hu ndem tal./.