Ginum biai ka danak dak Hukum Parang  blei, pandar drap ar(pasiam veik) hu rilo urang Quoc hoi sangka tuk ngak bruk parabha  ka urang akaok UBND pakat xã  brei parang tabiak ka urang blei, pandar drap ar tame ka bruk pacang caga  bala meng langik, jit ruak, daong urang gaok bala di labik drei tuk hu pakat trung uong, pakat tinh oh ka taduan, ngan haong dom bruk kan kandah, kurang ka drap ar. Tui ong Hoàng Quốc Khánh, urang kapol Quoc hoi Lai Châu, brei adat ka xã  tui yaok bruk cambaic laic, tui njauk hukum ba tabiak yau dự thảo hukum kurang lagaih ka raidiuk saong kan ngak bruk ka karja palei.

Tui So Y te TPHCM, kuhria tal ini, TPHCM dut iek prein yawa ka 6,91 trieu urang, sumu 54%, yau nan min, bhap bini hu iek ruak ralo di bhum palei. 4 xã, phuong hu ralo bhap bini iek ruak kuhria taong abih sumu 100% atau tapa bhap bini di phường Sài Gòn, phường Phước Thắng, xã Thạnh An, xã Vĩnh Lộc. Rilo xã, phuong hu iek ruak gam melam, harei puac adit, brei urang jakar mai iek ruak di labik daok bhap bini, ba mbuan lagaih  piah bhap bini mai iek ruak.

Anak bruk El Nino ngak pandiak bhang tua riya, kurang ia ralo labik dalam bilan pandiak, tinh Dak Lak padang 3 bruk piah pacang dom bruk ngak kurang ia saong peih ngak dom jalan pacang samar chip tuk langik pandiak. Piah hu ginup dom jalan pacang caga pandiak bhang, tỉnh ba tabiak jalan daong ngak jalan ribaong kraong saong bruk peih kareik ia, dalam nan khik ia pandar  lagaih tuk rah tabiak pandiak bhang tua riya, brei caga ia pandar dalam bilan pandiak bhang.

Lâm Đồng peih ngak 5 kapol nyaom, kuhria mek tame jaik 1.100 mau sinh poham AND gauk gar lietsi, rik tame  duah atau takang liet si tui hatai caong khin di baoh sang urang. Bruk nan hu ngak di dom labik pataom saong tui jalan peih ngak di ralo labik, pamong tal bruk pabak, ngak salah co so dữ lieu piah duah angan ka atau talang liet si, tui caong khin di yaok ribau baoh di urang lin liet si.

Kong an xã Tri Tôn, tỉnh An Giang birau peih bruk pathau khan, pambak praong  hukum ka trat tu, an toan jalan mbak; bac megru hukum khaw tin angaok mang, pacang caga matuy, te nen xa hoi saong bruk taong gauk di anek saih Sang bac Trung cấp nghề Bangsa gam bac gam daok  An Giang. Tapa  var pathau khan, piah paglong ilimo bruk ngak saong ngak tui hukum di anek saih; pabak ilimo ka dom adei  khik rup pabhap anak dom bala dalam raidiuk.

245 urang saong 20 kapol nyaom dalam saong langiu negar daok ngak pabak harak gal ho so tame sarak urang hu dius dalam dom mbang pasang iek  kapui khuah glai di 10 tinh negar Indonesia, meda rah tabiak athak dhur mun ralo negar di adit blaoh. Mentri  Lâm nghiệp Indonesia khan lac, hukum Indonesia pandar brei sumu haong doanh nghiep ngak bruk di taneh ia ini, oh lac pandar phun jien dalam atau langiu negar.

Australia kakei dahlau ka apui khuah patuh pin lithium-ion tuk mek tame veik kaya ini tagok tal jaik 300% dalam 4 thun tapa. Njauk ndem tal, dalam thun 2025, yaok 10 kaya pin lithium-ion mek tame veik ye hu 8 mbang ngak khat lahik atau urang pandar njauk rambuac. Dom urang ilimo kakei dahlau pin lithium-ion khuah mbang, apui khuah mbang kan pacang saong ngak khat lahik.   

Labaih 1.400 urang di tỉnh Albay, Philippines, brei panduan ba hadei tuk ceik apui  Mayon pruh saong meda tagok pakat 3. Dom urang di atah 6km jaik ceik apuii  hu panduan ba nao labik karei siam mekre. Canh sat pakat negar  Philippines pakauk  bhap bini nao tame labik mbuan gaok bala kayua ceik apui pruh dru tagok.