Daong ka bhap bini gaok kan kandah kayua jit COVID-19

Ngak bruk saong Mentri Y tế dalam harei kabroi 5/12 ka bruk pasang iek saong jhul pasamar bruk blei meng negar langiu tame, roh duah, jao brei cong nghe ngak tabiak vaccine saong jru taong ruak Covid-19, Thủ tướng Phạm Minh Chính iew Mentri Y te padang jalan ngak bruk cambaic laic ngak brei bruk klauk vaccine pacang jit Covid-19 hu samar, salamat, siam mekre; Kham merat tal harei 15/12, ngak salah bruk klauk vaccine mbang 2 ka urang umo meng 18 thun tagok; hu jalan brei klauk mbang ka 3 ka dom urang njauk brei klauk tui sarak, brei klauk dahlau ka dom urang umo 50 thun tagok saong ka dom urang ngak bruk pacang jit; Kham merat peih ngak saong samar salah avar abih bruk klauk jru vaccine ka uranaih umo 12 thun tal ala 18 thun piah dom kamuan samar gilac veik tame sang bac. Thủ tướng caong khin Mentri Y te roh duah saong khan tagok likau Mentri Chinh tri saong dom pakat hu thẩm quyền ka bruk klauk vaccine ka uranaih umo 5 tal ala 12 thun.

Phó Thủ tướng rajaei Lê Minh Khái bahrau tacei pato mintri jien padai buh tabiak oh mek jien labaih 4.880 tấn brah meng gilang khik piah pakat negar ka dom tỉnh Hòa Bình, Hà Tĩnh, Sóc Trăng piah dong ka bhap bini gaok kan kandah kayua peih bruk dok pa-atah di gauk piah pacang caga jit COVID-19. UBND 3 tỉnh nan peih bruk dong brei samar drah, njauk menuac urang song lagaih haong bruk pacang caga jit di tỉnh.

Ủy ban Mặt trận negar Việt Nam tỉnh Bình Thuận birau alin brei 300 paoak pandap ka dom baoh sang bhap bini hu raidiuk kan kandah di xã Thuận Hòa, huyện Hàm Thuận Bắc. Meng tuk hu jit ruak Covid-19 tamuh tabiak, Ủy ban Mặt trận negar Việt Nam tỉnh Bình Thuận pambuak saong dom gah, jak ba rilo kapaol nyaom xa hoi peih ngak rilo bruk daong ka bhap bini hu riadiuk kan kandah yau: “Darak zero đồng”; daong brei pandap mbang ka urang daok dalam labik pa-atah di gauk, labik pacang cakak; daong urang taha daok sa drei, sang kathaot…dalam tỉnh. Meng hu rilo bruk ngak lagaih, Mặt trận negar dom pakat dalam tỉnh hu rik daong piah bhap bini dalam tỉnh hu pabak prein, yam tapa kan kandah dalam raidiuk.

Di mbang ginum biai ka jalan pasiam veik kinh tế rah tabiak harei kabroi (5/12), ong Nguyễn Thành Phong, Phó akaok mban Kinh tế Trung ương brei thau, kayua kan kandah di jit prong, bruk patagok kinh tế tok tagok 2,91% dalam thun 2020 song tui kuhria tagok 2,5% di thun ni . Yau nan, COVID-19 ngak ka  kinh tế Việt Nam bị njauk khat lahik labaih 847.000 tỷ đồng dalam 2 thun tapa. Nan ye, piah patrun khat lahik, Phó akaok mban Kinh tế Trung ương ndom lac, brei hu pok jien pasiam veik abih gah ngan song 4 pren khang patagok lac buh jien tabiak, pablei tabiak negar langiu , blei pandar dalam taneh ia song chuyển đổi số.

Daok dua bilan tra meng tal Tết Thun anek sak Rimong 2022 min rilo D.N di dom labik ngak kong, KCX di Ban raya HCM daok kuhria jien ndo, ba tabiak jalan ngak daong Tết ka urang ngak hadei jit Covid-19 dui atah. Ong Huỳnh Văn Tuấn, Akok Công đoàn dom labik chế xuất saong ngak kong TP.HCM (HEPZA) brei thau, dom D.N hu phun jien tapak meng negar langiu brei kuhria dahlau tagok jien bilan meng 3 tal 29% piah khik takai urang ngak. Bruk brei thau jien thưởng Tết jeng yau dom bruk ngak anak meta piah daong ka raidiuk, mbang ngui daok dang ka thun birau meda lac bruk pabak prein khang piah urang ngak pambuak saong D.N dalam tuk jit ruak.

Dalam bảng xếp hạng tanut pren khang Châu Á bo viện roh duah Lowy brei thau dalam harei ni mboh lac, Mỹ song Trung Quốc daok hu tong yaom lac 2 taneh ia hu rilo prein pambak tal dom taneh ia dalam bhum dang di tanut 1 song 2. Patui di nan lac Japon, Ấn Độ, Nga. Dalam nan, prein khang pambak tabiak di Mỹ hu tagok jang hadei di tuk taneh ia ni hu panuac sinya pabak 90 triệu mbang vaccine pacang COVID-19 ka dom taneh ia dalam bhum. Tanut pren khang Châu Á lac piah tong yaom prein pambak tabiak tal dom taneh ia dalam bhum iek tui bruk langayah 8 nyaom kadha di 26 taneh ia song bhum taneh. Thun ni, viện roh duah Lâu-i pabak 3 tanut hu batabiak tong yaom lac bruk klauk vaccine pacang COVID-19, kham merat pambuak bruk vaccine dalam bhum song bruk rik dong ngak pahla kuhria tui akaok menuac.

Jabat an ninh y tế negar Anh (UKHSA) brei thau, taneh ia ini hu 246 urang njom ruak kayua biến thể Omicron di vi rút SARS-CoV-2. Jabat an ninh y tế negar Anh hu ba tabiak panuac kakei dahlau “meriak bhong” ka bruk biến thể nan meda plaik njiak hu haong bruk pacang ruak hadei di tuk klauk vaccine jeng yau prein pacang ruak di rup pabhap kayua anek ruak nan nyu tagok glong. Urang jakar Mỹ jeng khan lac, biến thể Omicron daok njom mbak praong tabiak jaik 15 bang di taneh ia ini.

Hu takik di abih 14 urang metai song 56 urang njauk rambuac hadei di tuk ceik pui Semeru angaok palao Gia-va di Indonesia phun pruh gilac veik. Semeru lac ceik pui glong abih di palao Gia-va glong labaih 3.600m, nyu pruh di beir harei 4-12. Thur mur di nyu tuh trun takik di abih 11 palei taom dar ngak ka yaok ribau menuac urang klaak sang danaok, rilo tal sang glaong song baoh tatua pambuak 2 labik di huyện Lumajang song ban Malang njauk palai khut./.

Urang lang: Hani Pha – Ai Nghiem – 06/12 10:19:45