Ginum biai tui kapol  nyaom bruk padang ban Quang Ninh, ban Bac Ninh, dalam page ini, dom urang Quoc hoi  caong khin ban Quang Ninh, ban Bac Ninh, hadei padang pataom tame prein khang tame ngak brei patagok ban raya patagok bruk ngak mbang kinh te; samar dak ramik, padang karja medil do thi njol njiac, ngak bruk lagaih, siam, patagok  taong abih gah ilimo, xa hoi, paglong raidiuk di bhap bini, piah bhap bini hu taduan bruk cak rok patagok  tui njauk tacei ba, tamat saong quy hoach di pakat tham quyen.  

Tui hukum ba tabiak, Akok UBND pakat xã hu pakat, brei veik ma taka so pala saong ma so labik paok, tui nan pasang iek hadei, khik iek, padeih, mek veik atau pasiam ma so. Dom bruk oh tut angan pablei tabiak negar langiu, tukvak langyah trun meng 14 daok 13 harei ngak bruk. Langiu bruk ngak brei katut tukvak langyah, Sarak 36 di Rajaei  jeng ba tabiak ma so hu brei taneh pala, oh lac taneh praong sit. Harak ho so jeng trun 50%, tok daok ngak harak pabak ma so, klak harak langyah tui bruk ba tabiak dahlau diah.

Meng harei 1/8, yaok urang jakar, kong chuc, vien chuc ngak bruk di pasak ngak harak gal di karja pakat xa saong pakat tỉnh di Tay Ninh hu daong 3 trieu dong sa bilan. Langiu di nan, urang ngak bruk tui harak brei khik caga saong ngak bruk bhian di pasak  hanh chinh karja pakat tinh saong pakat xã  hu daong 100.000 dong sa urang sa bilan. Sarak caong khin rik daong pabak prein khang kapol nyaom langyah harak gal paglong bruk ngak, asar siam duh ka bhap bini saong doanh nghiep.

Tỉnh Vĩnh Long ngak salah bruk dak ramik puk palei, khu pho, meng 2.460 palei, puk, khu pho, hadei dak ramik tui bruk ba tabiak daok 1.496, trun 964 don vi; khik tamo 8 jabat karei oh ramik pagam tame. Tui nan, tinh Vĩnh Long jeng pataom tame brei hu labik, langyah  tui bruk ba tabiak, tui sarak daong urang ngak oh chuyen pakat xa. Ngan haong kapol urang ngak bruk puk palei, khu pho, tinh kuhria mboh trun meng 6.237 daok 2.914 urang hadei pagam ramik.

Subuh page harei ini, di baoh sang 245 jalan  Nguyễn Văn Đậu, phường Bình Lợi Trung (quận Bình Thạnh dahlau diah), TPHCM apui khuah mbang. Kapol padam khuah saong daong urang gaok bala, daong di Labik 16 ba 4 radaih padam apui gam 27 urang jakar, urang lin mai padam apui saong duah urang daok gal tavak. Tuk apui khuah hu 3 urang dalam sang, 1 urang tabiak gah langiu; 2 urang daok gal lac dua anek ame. Tuk gah daong ba dua urang tabiak gah langiu saong pajeng tame Sang iek ruak Nhan dan Gia Dinh min oh tapa truh.

Lien minh chau Au (EU) khan brei thau bruk yam tapa kan kandah praong abih ka bruk salamat tapen negar tuk Hiep uoc Di cu saong Tị nạn birau hu ba tame pandar. Panuac nan ba tabiak hadei  Akok Metri Noi vu 27 taneh ia EU ginum biai online piah langyah  bruk hadei di cu  oh ka bhian mboh di Ceuta, bhum taneh khik iek ta-eng di Tay Ban Nha. EU peih ngak daong jien padai samar, gam ba mai veik bol lin ka Ceuta piah pakhang bruk khik iek labik tapen negar saong daong dom urang di cu oh njauk brei daong daok veik.

Kuhria meng bilan 7 mbiah tal ini, ia sua saong glut jaleih taneh  kayua hajan ngin ba tal labaih 100 urang metai di negar An Do, dalam yaok ribau urang brei klak sang danaok nao. Yaom lac bilan hajan  yaok thun ba ia pabak ka bruk pala drak, dom urang ilimo mboh lac langik salih karei oh lagaih rah tabiak kan thau caga dahau saong mbuan gaok bala di bhum Nam A.

Di ban Medellin, di bhum Colombia daok rah tabiak “ Roya dom janih bingu”. Bingun roya, dom baoh sang urang ngak nong chreih chrai cagar dom mejam bingu biak mekre di drei ka Roya, sa adat khik ilimo meng kan mai, daoh tamia bhap bini di bhum. Dalam tukvak peih ngak roya, tuai damuai meda vaih tame rivang dom bein  meng kan piah duah thau bruk pala bingu, paik bingu saong pang dom urang gheih pala bingu dak dalikan. Bruk ngak ilimo bhap bini ini hu meng thun 1975 piah pok meyaom bruk ngak di dom urang pala bingu./.