Patui veik Danak dak Mbang Nyaom biai oh bhian mbang ka sa, Quoc hoi mbang ka XVI, page ini, Quoc hoi nyaom biai di kapul bruk pagam 4 danak dak jalan pakat negar. Rajaei ba tabiak angan ieu Danak dak hadei pagam lac: “Danak dak jalan ngak pakat negar patagok ilamo-rahra, bhum palei, bangsa saong bhum ceik tukvak 2026-2035”. Dahlau nan, di Mbang Nyaom biai ka 5 di Uy mban Thuong vu Quoc hoi, dom lambaok vakil ndom lac pagam 4 danak dak jalan ngak pakat negar min oh klaih klaoh kein lagaih di urang mbang tui sarak.

Meng thun bac ini, anek saih di Ban raya HCM, hu pabak tapuk bac megru oh mek jien tui jalan nyim saong bayar. Tui nan di labik bac megru patui veik pasang iek hatai caong nyim tapuk bac megru saong pasang duah dom tapuk bac megru urak ini meda hu pandar veik, gam haong nan kuhria pathau khan ka hatai caong pabak tapuk bac megru, pamaong tal bruk salah blaoh bruk oh mek jien tapuk bac megru ka taong abih anek saih. Ban raya HCM pakauk mek dom jien karei tui adat pambuak tal bruk pandar tapuk bac megru.

Hadei 8 mbang livestream palei kaya di Raya Durian Dak Lak thun 2026, urang pala durian hu pablei labaih 28 tan, hu jaik 6.000 harak pablei kaya, taong abih jien mek tame jaik 3 ty dong. Dalam nan, dom mbang livestream pablei durian di xa Krông Năng mek hu siam lagaih glaong abih, tuk mbaoh tangin hu 5.000 harak kakei blei, pablei labaih 24 tan durian, jien mek tame labaih 2,4 ty dong. Raya Durian peih praong kein lagaih ba durian Dak Lak tal urang blei pandar dalam negar saong dak harei dak ngak jeng kapul pablei salih online meng labik.

Kuhria meng ini tal puac thun mblang kapal ahaok par Long Thành brei peih meng 3-4 mbang palih ruah urang ngak bruk piah duah labaih 200 urang tame ngak bruk. Tukvak 1 Mblang kapal ahaok par Long Thành brei pandar dalam puac thun ini. Piah khik kajap urang ngak bruk pandar danak dak, urak ini Mban pasang iek Danak dak Mblang kapal ahaok par Long Thành daok palih ruah 11 labik bruk ngak. Dom labik bruk ngak jeng hu caong khin tamat THPT, ilamo meng meteh pakat tal dai hoc ba tagok; sap Anh ilamo biar abih meng TOEIC 300 atau samu di nan ba tagok. Taong abih dom labik bruk ngak jeng hu jien mek tame oh ala 13 trieu dong/urang/bilan.

HĐ Bhap bini tinh Ca Mau tapa sarak mbaoh tangin jalan ngak buh jien tame Danak dak jalan tapen tasik tapa tinh Bac Lieu (dahlau diah) saong jalan dhar pambuak jalan Maraong Kraong Hậu, taong abih tanut buh jien tame labaih 3.766 ty dong. Jalan tapen tasik ini atah labaih 55km, labik akaok pambuak haong jalan tapen tasik phuong Hiệp Thành, labik puac abih pambuak hoang jalan ba tal tatua Gành Hào. Jalan ngak di danak dak hatai caong pajeng ba dak harei dak tagok glaong, patrun gaok bala jalan mbak; jhul khang patagok kinh te – xa hoi; tagok prein pacang caga, khik iek – daong bala ka labik tapen tasik.

Tong Yam ndok Kapul Y te Dunya (WHO) Tedros kakei caga jit ruak Ebola di CHDC Congo jeng mbuan njauk bruk pambak di tanut “glaong”, di dalam negar saong tapa tapen negar. Jaik 5 ribau urang daok njauk ruak saong labaih 2.300 urang metai dalam 3 bilan tapa. Bruk oh salamat an ninh, rahra brei panduan saong bruk nao mai di tanut glaong hu maong yau lac dom asal kadha jhul jit ruak pambak praong.

Hajan angin bilan daok ngak dauk ia sua trak di rilo labik di An Do saong Philippines, ngak ka yaok ribau urang njauk panduan nao labik karei. Min gah likuk di dom baoh sang dauk dalam ia, rahra daok brei gaok haong dom bruk kanjah jhak suai atah jang. Nan lac lahik bilan, lahik jien mek tame saong bruk daok dang mbang ngui. Di bang Odisha di An Do, ia sua dui atah labaih 15 harei, labaih 100 ribau urangnjauk pambuak tal. Daok di bang Assam, ia sua dauk sang danaok saong ngak tayah taneh pala drak saong bilan pala drak.

Traong ndaiy thu meng lavik lac sa dalam dom kaya nong hu kein lagaih pablei tabiak di Tho Nhi Ky, rilo meng lac ba tame darak pasar chau Au piah ngak ia sot saong duh ka rilo kaya mbang. Di bilan bhang, urang ngak bruk katut panak tukvak meng rilo labik di negar Tho Nhi Ky pataom tame ka dom mblang taneh pala traong ndaiy. Bruk hu ngak meng tuk paik baoh, hadei nan traong ndaiy hu cakak dua, prai sara saong bambu tapak di ala pandiak. Hadei tuk bambu, traong ndaiy patui veik hu ba tame sang jamraik piah ngak kaya dahlau tuk pablei tapa chau Au. Bruk ngak ini hu jeng sa banah hu makna dalam bruk ngak nong bilang pandiak di bhum Pur Meraong Tho Nhi Ky.