Patui veik danak dak Nyaom biai oh bhian mbang ka sa, Quoc hoi mbang ka 16, page ini dom lambaok vakil nyaom biai di bilik biai ka danak dak Hukum patagok ban medin; danak dak Sarak di Quoc hoi ka bruk pacang caga kol bleik saong ngak suan hukum, bruk di Jabat kiem sat rahra, di Toa an rahra saong bruk ngak hukum. Biar harei, dom lambaok vakil brei nyaom biai di Kapul ka panuac ndom ka hiep dinh pambuak tal Danak dak Sang mac ndien hat nhan Ninh Thuan. Brei panuac ka danak dak Hukum Patagok ban medin, di gah Quoc hoi, dom lambaok vakil ndom lac, Hukum hu pandar brei daong hu makna salah blaoh dalam gavang hukum ka patagok ban medin; brei gah hukum piah daong peih paha prein daong, daong ngak lagaih jalan patagok glaong dalam tukvak anak tal.

Mban Peih bruk Thanh uy TPHCM caong khin Dang uy dom xa, phuong, dac khu  peih nyaom biai BCH Dang bo peih pambak praong piah ginum biai, pasang iek saong taong yaom taong abih gah, bruk ngak di bhum palei hadei ngak bruk tui karja dua pakat. Karja dom bhum palei brei pagam meyah mboh njauk ngak atau oh pagam tame. Njauk caik hatai dom bhum palei ba tabiak jalan pagam, ramik don vi hanh chinh, brei duah thau hatai Bhap bini di Danak dak dak ramik.

Ndang uy UB Bhap bini tinh Gia Lai bahrau hu harak payua Mbang thuong vu Tinh uy ka jalan daong tapuk bac megru ka labaih 182.000 anek saih dalam kapul sarak, ngan haong yaom kaom tapuk brei nyim hu kuhria labaih 42 ty dong, meng kadung jien bhum palei thun 2026. Tui panuac ba tabiak, anek saih brei hu nyim tapuk bac megru hu ginup tui danak dak daok tui bac. Tapuk kayua Karja blei, caga ka gilang tapuk di dom labik bac megru; anek saih nyim dalam thun bac saong bayar tapuk piah patui veik hu pandar ka dom thun bac hadei.

Dalam harei 10/8, bol lin duah pataom atau talang liet si di Bein bingu Lê Thị Riêng, TP.HCM duah hu veik 11 atau talang liet si, dalam nan hu  atau talang daok khik kaya kan. Kuhria mbiah tal ini, dom bol lin duah mboh, pataom 256 atau talang liet si, dalam nan hu 151 kaya kan. Bruk duah hu dom atau talang liet si gam rilo kaya tui caong khin  brei pabak khaw tin angan je, gauk gar, tapa nan rik daong tame ba dom atau talang liet si mai haong baoh sang bhum palei. 

Kapul K72 daok samar chip pandar pabak khau tin ka kubo rilo urang hu labaih 100 bol lin di mbot Mỹ klak di labik Minh Hưng, Ban raya Dong Nai. Dahlau nan, labik hu pataom jak jeng 26 atau talang gam haong rilo kaya hu yaom glaong meng dom khau tin hu makna meng rahra. Dalam jaman mesuh metak, mbot Mỹ lac sa labik pataom di bol lin rah tui Jalan raya 13. Labik ini hu bol lin My saong karja Viet Nam Cong Hoa padang piah khik pabah bambang gah Pei Barak nao tal Sai Gon.

Hu takik  abih 111 urang metai hadei megei taneh khang 7,4 do richte rah tabiak di bhum gah Pei neger Colombia di page harei 10/8, ngak khat lahik trak saong ba tal rilo urang gar tavak dom sang glong rilo tal. Tong thong Colombia Abelardo De La Espriella, urang birau tagok dahlau di ini dom harei, khan brei thau bruk jhul pasamar jak ba dom bruk daong saong ramik pasiam. Rajaei Colombia daok pataom tame labik Chocó, jaik labik megei saong gaok khat lahik biak trak.

Bahrau ini, An Do hu alin 5 drei bayer, dalam nan hu sa drei bayer patih biak kan si mboh ka Jabat Lien Huo Quoc di Geneva, tapa nan pambuak gilac bruk peih ngak meng kal di jaman ngak bruk di Thu tuong Indira Gandhi atah di ini 4 pluh thun. Bayer lac janih ciim negar di An Do, brei mboh ka bruk ghei ghang siam mekre saong ndung bak prein diuk. Bruk alin kapul bayer gam piah yaih khan drap ar di langik tasik saong ilamo di An Do, gam brei mboh bruk sanya di negar ini ngan haong bruk khik ramik bruk meda gah sinh hoc saong pacang khik alam langik.

Sa sruh gilai pajeng 230 urang di cu suan hukum tapa eo tathik Manche meng Pháp saong tal Anh, glong ralo abih urang di cư mai negar Anh di sa sruh gilai. Adit dahlau, 173 urang gaok urang pablei manuac ba tagok kapal gilai piah nao tapa tathik, min gilai nan gilac mai Pháp hadei apui khuah mbang. Meng thun 2018 mbiah tal ini, labaih 205.000 urang di cư tapa eo tathik  Manche meng gilai mai negar Anh./.