Brei panuac peih pakak Nyaom biai oh bhian mbang ka Sa di page ini (3/8) di Sang Quoc hoi, Akok Quoc hoi Trần Thanh Mẫn caong khin, dom jabat di Quoc hoi, yaok urang Quoc hoi patui bruk salih birau catang sahaneng padang ngak hukum; sarak, hukum hu ba tabiak lagaih haong raidiuk; nao dahlau peih jalan ka bruk patagok; mek bhap bini saong doanh nghiep ngak pasak, maong tame bruk pandar ngak tui hukum karja thau lac bruk padang ngak hukum njauk lagaih. Akok Quoc hoi kakei lac, brei paglong bruk ngak di yaok jabat saong urang dang akaok bruk padang ngak , ba tabiak  sarak hukum, njauk ndem tal bruk tavak sarak, jabat ngak bruk.

UB bhap bini tinh Vĩnh Long tacei ba dom so, dom gah saong bhum palei pasang iek, paglong kaya kan di Danak dak Yaok sa xa sa pandap (OCOP), paglong angan je kaya OCOP. Dalam 6 bilan akaok thun, Vĩnh Long tadaun hu 10 kaya birau hu tanut chuan OCOP. Mbiah tal ini, dalam tinh hu 1.147 kaya OCOP di 646 po ngak tabiak, rik tame paglong kaya nong, paglong jien mek tame ka bhap bini saong jhul pakhang bruk dak padang palei pala birau.

Daok sa bilan tra lac tame thun bac birau 2026-2027, min bruk kurang gru pato, sang bac, ndap nda pato saong bac, tapuk siphau …daok rah tabiak di ralo tinh ban Bhum taneran kraong Cuu Long.  Thun bac ini , dalam tinh Ca Mau daok kuhria labaih 1.300 gru pato, di dom pakat bac. Daok di tinh Dong Thap, piah kuhria caga  thun bac birau, Kong ty  co phan Tapuk saong ndap nda sang bac Tien Giang tabiak labaih 4 trieu baoh tapuk. Yau nan min,  kayua khin blei hu tapuk biak ralo yau nan ye kurang.

Kapol nyaom halan hatian “ Tangin pan tangin kajap” pambuak  Hội Chữ thập đỏ tỉnh Lâm Đồng saong UBND xã Tà Đùng peih ngak Danak dak “ Bruk ngak daong bhap bini”, rik tame paglong raidiuk ka bhap bini bhum urang bangsa takik. Kuhria tui jien labaih 1,2 ti dong, danak dak iek ruak, brei jru ka 740 urang umo taha, baoh sang dalam sarak karja, baoh sang kathaot saong jaik kathaot, bhap bini bangsa takik. Tui nan alin 370 paok pandap ka dom baoh sang raidiuk kan kandah. Langiu di nan danak dak daok hu jao brei danak dak  duh ka bhap bini di labik ini.

Bhum Meraong negar daok tame  bilan tabung glong hajan. Tui yaok kuhria rilo thun taa, ini lac tuk langik hu hajan, hangin gaving, jakala klak saong hangin khang hajna praong, ba tal khut khat drap ar, bala gaok manuac. Tui jabat gah langik tathik, kayua El Nino, bilan hajan thun ini di Meraong negar abih samar. Yau nan min, bruk hu hajan praong di bilan 8, 9, mikva brei caik hatai. 

Dom mbang taneh megei tayun khang labaih 7 do richte di harei 28/7 di tinh Kumamoto Nhật Bản daok rah tabiak. Jabat Khik iek langik tathik Nhat Ban iew bhap bini brei kuhria caga. Kuhria tal ini, urang metai tagok tal 38 urang, labaih 4.200 baoh sang khut tayak. Bhap bini di Kumamoto daok gaok langik pandiak tagok tal 40 do C.

Dom urang metai dalam mbang sraw kadau nao klak bhum palei di Ceuta, bhum taneh di Tây Ban Nha di Bắc Phi, tagok tal 90 urang. Bala rah tabiak tuk yaok rituh urang di cu caluai ia meng Maroc tapa Ceuta  ralo abih  di bhum taneh ini. Dalam sa adit urang tuh mai labaih 1.500 urang, ralo jang prein ngak bruk di karja, Rajaei Tay Ban Nha brei peih ngak dom jalan khik brei salamat saong daong duah urang gaok bala.

Takik abih 18 urang Palestin metai dalam mbang patuh phao khang di harei 2/8 di bol lin Israel tame dải Gaza. Dom mbang patuh phao rah tabiak, yaom lac padeih cuh Gaza daok dalam tukvak hu ngak tui. Meng bilan 10 thun 2023, urang metai di dải Gaza tagok tal labaih 74.000 urang metai, jaik 175.000 urang njauk rambuac saong labaih 10.000 urang lahik.