Bruk ia dauk lac bruk kan kandah praong pacang bruk patagok di ban Vĩnh Long

Rajaei Viet Nam saong Gilang pariak dunya birau mbaok tangin tame harak daong jaik 127 trieu USD piah daong paglong bruk pandar cơ sở hạ tầng, pakhang bruk pambuak saong patrun bruk khat lahik kayua ribuk ia sua di bhum kreh đô thị di ban Vĩnh Long, tỉnh Vĩnh Long. Tuk vak tapa, bruk ia dauk saong alam moi truong oh hacih lac dom bruk kan kandah praong pacang bruk patagok di ban Vĩnh Long. Kayua yau nan ye, danak dak ini caong khin daong langyah dom kan kandah ka jalan mbak hạ tầng tapa bruk padang ngak dom hệ thốnh pacang ia dauk, tathuak ia, pataom hareik saong tathuak ia nerak saong padang ngak dom jalan praong.

Dalam mbang tamuh khang jit Covid- 19 mbang ka 4, An Giang hu tal 65 ribau urang ngak mai palei, oh hu bruk ngak. Kayua yau nan ye, meng di tuk mai veik rai duik siam mekre bahrau , tỉnh hu peih dom tal pato bruk ngak katut harei, piah urang ngak samar duah hu bruk ngak tani tanat rai duik. Anak meta, urang bac hu pataom tame bac dom bruk dok caong hu menuac ngak, yau: ngak điện sang, điện lạnh pandar dalam sang, điện radaih ô tô... Dom urang bac hu dong jien mbang, daok, nao mai song pok jien bac tagok tal 2,5 triệu đồng. Hadei di tuk bac tamat, urang bac hu brei chứng chỉ bac tamat khóa bac.

Dalam tuk dom urang njaom COVID-19, trak saong metai dalam ban raya HCM dak harei dak trun daok takik, dom bruk pasiam veik bruk ngak mbang kinh tế daok hu peih ngak veik, Sở Y tế ban raya brei dui katut panak tukvak brei daok karei F0 di sang, meng 14 harei trun daok 10 harei. Bruk brei daok karei ini jeng hu salih karei ka umo thun, F0 dalam umo thun meng 3 tal 64 hu brei daok karei di sang, oh lac meng 1 tal 50 thun yau dahlau daih. Gam haong jru pacang virus molnupiravir, Sở Y tế hu pabak jru favipiravir tame angan brei saoh ka F0 di sang. Bilan 12/2021, Mintri Y tế jeng brei adat ka TP HCM ngak iek bruk trun takik veik bruk brei daok karei pataom sa labik praong daok 7 harei ngan saong dom F0 oh triệu chứng, hu klauk ginup 2 mbang vaccine saong tapa dut iek mboh lac âm tính di harei ka 7.

Bruk bui sambai akaok thun di Cà Mau lac urak ni oh dok bhum meriak. Urang njom bahrau dom harei jiak di ni trun biak rilo. Dalam adit dahlau, yaok harei tỉnh hu labaih 1.000 urang njom bahrau ye dom harei jiak di ni, dom urang njom bahrau trun rilo. Kuhria meng bilan 7-2021 mbiah tal ni, Cà Mau hu labaih 41.400 urang njom Covid-19; jiak 30.000 urang abih ruak. Urang meng 12 thun tagok hu klauk 2 mbang vắc xin di tỉnh ni hu jiak 99%.

Hadei di tuk ba tabiak brei kaoh tui hukum bruk pambuak tal “Tịnh Thất Bồng Lai”, Jabat Cảnh sát pasang iek di Công an huyện Đức Hoà, tỉnh Long An brei ba tabiak langyah 4 urang, nan lac: Lê Tùng Vân (umo 90 thun), Lê Thanh Hoàn Nguyên (32 thun), Lê Thanh Nhất Nguyên (29 thun), Lê Thanh Trùng Dương (27 thun) daok sa palei haong gauk lac palei Lập Thành, xã Hoà Khánh Tây, huyện Đức Hoà, tỉnh Long An ka bruk “Pagam pambak tame quyền tự do dân chủ, lih tame kein laba di Karja, kapol nyaom, menuac urang” saong chap khik 3 urang, ta-eng Lê Tùng Vân njauk pakauk oh brei tabiak truh labik daok. Urak ini, jabat chức năng daok duah thau ngak brei cambaic laic, pabak hồ sơ, chứng cứ piah brei mboh bruk ngak suan di dom urang nan piah langyah tui njauk hukum karja.

Dalam blah thư payua tal Trung Quốc, Ủy ban Olympic song mintri ilamu - Thể thao Triều Tiên brei thau, negar ni oh hu mbaok tame Thế vận hội bilan brak Bắc Kinh dalam bilan anak tal kayua “dom bruk ngak di kol khamang” song jit prong COVID-19. Min, meda dong abih drei piah Trung Quốc peih sa Olympic prong prang song biak siam. Bilan 9 thun bloh, Ủy ban Olympic dunya (IOC) oh brei Triều Tiên hu mbaok tame dom bruk Olympic dalam thun 2022, mek makna lac kayua Bình Nhưỡng " eng drei" oh hu mbaok tame Thế vận hội bilan pandiak Tokyo.

Bruk patuh phao sraw kadau daok rah tabiak di mbalng bein praong di Almaty, ban praong abih di Ca-dắc-xtan ngak brei labaih1.000 urang njauk rambuac saong labaih 400 urang tame sang iek ruak. Anak bruk nan, dom kapul di gah khik iek hòa bình di Gah Hiệp ước An ninh Kapol nyaom kayua Nga ba akaok hu ba nao tal Ca-dắc-xtan meng jalan kapal haok piah daong karja Ca-dắc-xtan pacang dom bruk sraw kadau nan. Trung Quốc brei thau, daok tui iek catang bruk rah tabiak di taneh ia ini kaya huac bruk sraw kadau nann ngak jhak tal dom sarak di Bắc Kinh pak negar Trung Á.

Cảnh sát bang Massachusetts (Mỹ) hu pandar saw haruat virus piah pasang iek sang bac dahlau di tuk dom sang bac peih pabah mbang veik ka anek saih. Jabat Cảnh sát trưởng hạt Bristol hu payua 2 drei saw hu pato pasram bruk ni tal sang bac Đại học dunya Floria (FIU) piah duah virus angaok menuac song angaok dom mbaok taom gaok. Bruk ngak di urang khik saw lac khik caga saw phản ứng biak cambaih laih song “hauk di virus” song thau mbaok urang njom. Jalan ngak ni hu pandar di rilo labik di dom mblang kapan haoh di dunya.Dom urang njom COVID-19 hu hauk biak karei bo saw hu pato pasram meda duah mboh. Dalam nan hu urang njom virus oh mboh hagait jeng mbau hauk ni./.

Urang lang: Hani Pha – Bhumi – 08/01