KCN Biên Hòa 1 praong labaih 300ha daok hu Đồng Nai brei salih jeng khu đô thị - pablei salih - dịch vụ

Sở Jalan mbak pajeng ba tỉnh Đồng Nai birau pok panuac tagok UB bhap bini tỉnh likau Thủ tướng Rajaei brei jalan roh duah buh jien tame ngak danak dak dui atah jaln pasei metro Bến Thành - Suối Tiên tal Khu công nghiệp Biên Hòa 1. Tui nan, KCN Biên Hòa 1 praong labaih 300ha daok hu Đồng Nai brei salih jeng khu đô thị - pablei salih - dịch vụ, parabha jeng dua labik, dalam nan hu padang pasak hành chính, chính trị saong danak dak labk đô thị pablei salih dịch vụ di tỉnh. Kayua yau nan ye, meyah dui atah jalan metro nduac tui jalan roya 1 saong pasak  mblang radaih pui di Đồng Nai di KCN Biên Hòa 1, meng nan pambuak pasak Ban Biên Hòa, meda hu mbuan lagaih  pambuak jalan mbak di tỉnh Đồng Nai saong njuak haong quy hoạch.

Meng hu rilo sarak daong di Đảng, Karja brei ka bhap bini bangsa takik, tal urak ini, dom puk, palei biak kan kandah di tỉnh An Giang hu buh jien padang ngak dom hạ tầng piah kham merat ngak hu dom bruk ka palei pala bahrau; dom jalan mbak jeng hu padang ngak, ba mbuan lagaih ka bhap bini nao mai, pajeng ba kaya nong, dom kraong, ribaong thủy lợi pabak hu ia pruh ka phun pala; 98% dom sang bhap bini hu pandar ia hacih, taong abih dom sang bhap bini jeng hu điện. Dalam tỉnh hu 60 dalam 116 xã hu pok brei angan lac xã palei pala bahrau. Jien mek tame kuhria tui akaok menuac thun 2021 di tỉnh hu 45 triệu đồng sa urang sa thun.

Hội đồng Bhap bini ban Cần Thơ brei tapa sarak miễn saong trun jien bac thun bac ini ka taong abih anek saih ban Cần Thơ. Ini lac mbang akaok meti ban brei  miễn abih jien bac ka anek saih dom pakat meng mầm non  tal THPT. Dalam thun bac 2022– 2023, ban hu labaih 142.629 uranaih, anek saih. Bruk ban brei patabiak sarak daong jien bac thun bac 2022 -2023 nan biak njauk, daong ka rilo anek saih sang kan kathaot trun meneing kan kandah.

Piah patagok bruk klauk vaccine COVID-19 ka uranaih umo meng 5 tala mala 18 thun, gah Y tế TPHCM daok peih bruk brei radaih nao mai  klauk jru di dom sang bac oh ramik labik klauk cố định. Langiu di nan, Sở y tế ban raya jeng hu panuac ieu Pasak Cấp cứu 115 caga pambuak bruk haong dom sang iek ruak chuyên khoa Nhi piah pabak parilo radaih nao mai klauk jru tuk hu panuac ieu. TP.HCM daok lac labik hu bruk klauk jru ka uranaih mala 18 thun hu takik.

Tui kuhria mboh dahlau di Đài Khí tượng Thủy văn Bhum Nam Bộ, urak ini, ia hlau gah angaok kraong Bé tuh tame binek thủy điện Cần Đơn saong Srok Phu Miêng di Bình Phước biak praong, yau nan ye đơn vị peih dua binek padang ia nan brei peih tathuak ia tapa labik ia sre. Piah pacang caga dauk ia, Mban Tacei ba Pacang caga bala meng langik tasik saong Duah daong urang gaok bala tỉnh Bình Phước iew dom tỉnh peih bruk brei manuac mai pasang iek labik daok bhap bini di tapen kraong, craoh, labik dhong biar, labik mbuan glut jaleih, dauk ia piah khik hu bruk salamat; brei manuac khik iek di labik ia sre, jalan dauk ia, tui nan kakei bhap bini juai nao tapa dom labik ia dauk, ia nduac khang.

Mỹ daok pambuak bruk khang kajap haong dom đồng minh saong gah pambuak bruk piah langyah bruk đe dọa meng Triều Tiên, dalam nan hu gam bruk jhul patagok bruk oh hu hạt nhân di mangaok bán đảo Triều Tiên saong daok peih ngak panuac sanya khang ka bruk pacang caga ka Nhật Bản haong Hàn Quốc. Dahlau di nan, Mỹ brei mboh bruk pachreih tui panuac ba tabiak di Hàn Quốc ka bruk daong kinh tế ka Triều Tiên.

Nhật Bản brei padeih bruk chap dut iek COVID-19 ngan haong tuai hu klauk jru blaoh tame negar meng harei 7/9. Ini lac bruk ba sarak pasang iek bhum taphai negar di Nhật Bản jaik jang haong sarak di dom bruk kinh tế  praong karei. Rajaei Nhật Bản jeng daok  pasang iek brei parabha veik COVID-19 dreih yau ruak cúm tui bilan meyah trak kayua virut ini.

Sa bruk cuh phao rah tabiak tuk biar harei 24/8 tui mon pak nan anak sa labik sang ka urang praong thun di ban ine Washington – Mỹ, ngak brei takik di nyu 2 urang metai saong 3 urang karei njauk rambus. Cảnh sát brei thau, sa sruh radaih ô tô thể thao đa dụng (SUV) sambo màu jhuk padeih veik anak labik sang saong 2 urang yam tabiak meng radaih pan phao cuh, bloh tame radaih peih nduac. Cảnh sát urak ini daok duah thau kayua halei ba tal bruk cuh phao nan, min jeng hu panuac khan lac, labik ini lac sa labik pandiak gah ma túy./.

Urang lang: Bhumi & M. Phuong – 25/08