Di mbang nyaom Rajaei bilan 2, online haong dom bhum palei, Thu tuong Rajaei Phạm Minh Chính caong khin dom urang lambaok vakil ba tabiak bruk ngak, jalan ngak bruk praong di bilan 3, quý I saong tukvak anak tal, njauk ndem tal dom bruk, jalan ngak piah patagok 10% tagok saong dom bruk, kadha, bruk ba tabiak: jhul pakhang bruk brei phun jien karja, jak ba urang dalam bhap bini; jalan jhul pakhang patagok dom gah  ilamo, xa hoi, moi truong, quoc phong, an ninh, pambuak bruk gah langiu.

Mentri Kong an daok mek panuac ka du thao Thong tu cambaic laic ka bruk taom gaok, taduan pandap saong pambuak haong urang daok guk. Sarak nan ba tabiak urang daok guk  meda  pambuak haong urang dalam sang drei tapa thaik bingu saong sap meyai (video call) sa mbang dalam sa bilan, yaok mbang meyai ndem 10 minit. Bruk pambuak nan hu ba tabiak oh abih jien. Bruk pambuak iew phone kayua Urang dang akaok sang guk saong hu urang khik iek dalam luac tukvak ndem meyai.  

Dalam tuk grauk labik dalam negar peih bruk ba nao saong taduan bol lin, Dang bo, karja saong bhap bini Can Tho harei ini peih bruk ba nao saong taduan bol lin di 13 labik dalam ban, kuhria abih 5.131 dam dara naih gheih. Adat ba nao saong taduan bol lin  oh lac hu taong abih bruk ba tabiak bo daok brei mboh bruk ngak di abaih pakat chinh tri dalam bruk an ninh quoc phong, bol lin bhum palei; tui nan brei mboh bruk anit ranam taneh ia, ba drei tame ngak bruk di dam dara ban raya dalam bruk dak padang  saong khik caga Taneh ia.  

So Pato megru ba tabiak Mbang pakacah tame tal bac 10 di TPHCM peih ngak di harei 1 saong harei 2 bilan 6, aval dahlau labaih 2 adit dut saong thun dahlau. Bruk pakacah aval piah bruk bac blaoh danak dak bac saong kuhria caga hu siam ka bruk jak ba uranaih tame tal bac 1 saong palih ruah dom tal bac akaok pakat thun bac 2026 -2027. Mbang pakacah  tame tal bac 10 di TPHCM thun ini hu 3 mon pakacah nan lac: Toán, Ngu van, Ngoai ngu, anek saih pakacah tame sang bac chuyen brei ngak kadha di mon chuyen veik.

UBND tinh Dong Thap birau ramik pasiam jalan buh jien tame ngak Danak dak Jalan patagok bhum Dong Thap Muoi ( vaktu ka 1). Danak dak ini pambuak jalan Thân Cửu Nghĩa (di jalan peih drak samar Trung Lương - Ban raya Ho Chi Minh) pasak Tân Phước. Gam haong jalan tinh 865, 867,  danak dak pambuak bhum Dong Thap Muoi, ba mbuan lagaih  piah buh jien tame ngak brei patago khu cong nghiep, cum cong nghiep, rik tame kadung jien karja saong ngak brei patagok kinh te - xa hoi di tinh.

Dalam tuk bhap bini umo dak harei dak taha saong kurang urang ngak bruk, Rajaei Han Quoc brei cadu dom hukum ka bruk urang tame negar piah pachreih urang negar langiu. Urak ini, di Han Quoc hu labaih 2,7 trieu urang negar langiu diukrai, bac megru saong ngak bruk, dalam nan hu labaik 350.000 urang tame negar suan hukum. Dom jalan cadu nan caong khin  meda rik tame langyah dom bruk kurang urang ngak bruk saong urang negar langiu ngak suan hukum.

Dom bruk Mỹ saong Israel taong tame Iran, ba tal rilo taneh ia Trung Dong brei kareik pabah mbang atau takik brei ahaok par, ba tal labaih 12.300 mbang ahaok par tal Trung Dong padeih. Ong Shan Saeed, urang gah kinh te di kapol kong nghe taneh riya dunya  Juwai IQI, kuhria  abih tih  jien buh tame tukvak katut  tapa 1 ti USD meyah padeih dom mbang par dui atah. Bruk salih dom mbang par dui atah meng 2-3 mon, ba tal jien buh tame rilo.

Sri Lanka khan brei thau ka sa bruk karam gilai Iran kram di tathik ini. Gah bol lin daong duah hu rup atau saong daong ka 32 urang njauk rambuac. Urak ini, daok jaik 150 urang lahik, dalam nan bruk oh thau. Tui urang jakar Sri Lanka, mbiah tal ini oh hu gilai atau ahaok halei ngak bruk di labik rah tabiak tuk gilai karam./.