Ndom ka dom bruk ngak hu makna thun 2026 – 2027, Thu tuong Rajaei bahrau hu pato tacei pandar Mentri Pato Megru hu jalan langyah tantu cambaih laih piah pasiam bruk patagok tanut dalam pato, bac megru saong pakacah, taong yaom, khik kajap taong yaom njauk prein bac di urang bac megru… Mentri Pato Megru peih ngak siam lagaih sa majam tapuk bac megru pho thong abih dalam negar, khik kajap pabak ginup tapuk bac megru dahlau harei 15-8; patakik kateik geik pakacah; pasiam bruk di drei, ngak njauk adat di sang bac; mpatagok bruk pacang caga bleik saleik dalam mbang pakacah, rilo meng lac dalam mbang pakacah tamat THPT.

285 Kapol nyaom ta-eng, khik ralo lac 7 uranaih di TPHCM brei salih jeng labik pato megru mam non atau yah klak tui hukum birau. Tui muk Lương Thị Hồng Điệp, Akok jabat Mầm non, Sở Pato megru TP.HCM dom kapol uranaih ini hui karja palei khik iek, oh hu ba tame du lieu di gah pato megru, ngak kan kandah tal bruk khik iek  saong mbuan ba tal uranaih gaok kan kandah. Yau nan ye, dom bhum palei brei pasang iek, tacei pato, urang khik ngak bruk veik brei ngak harak gal peih bruk khik iek pato uranaih tui njauk hukum.   

Mbang Pasang iek danak dak buh jien tame padang ban Dong Nai pandar gah dang ngak samar chip pabak urang ngak, kaya ndap nda hadei tuk ngak suan tukvak ngak padang dua jalan pambuak bhum, mblang kapal ahaok par Long Thành saong jalan peih samar Bien Hoa-Vung Tau saong jalan Vanh ndai3-Ban raya HCM. Gam haong nan pandar gah dang ngak pabak urang ngak, samar chip salah blaoh danak dak di bilan 9/2026.

Bilan hè thun 2026, dom labik yulit sinh thai Ban Cần Thơ pachreih tuai damuai mai rivang ma-in rilo jang tukvak ini thun dahlau, brei mboh bruk sirah rivang ini mbuan duah hu jien tame, prein khang di bhum palei. Dalam 7 bilan akaok thun ini, ban raya kuhria raok 9 trieu mbang tuai damuai, kuhria jien tame meng bruk dulit labaih 8.000 ti dong. Dahlau di nan, So Ilimo, Padhi the thao saong Yulit Ban Can Tho pasang iek  saong paglong dom labik sirah rivang ma-in; langyah catang bruk pablei kateik jien tuai damuai. 

Mbang akaok meti, tinh Ca Mau brei peih harei Ilamo drap ar saong raya Khinh khi cau hu ngak pakat tinh, rah tabiak meng harei 28/8 tal 1/9/2026. Ini lac bruk ngak ilamo, jirah rivang, jhul tagok bruk pablei salih saong buh jien tame biak praong di tinh Ca Mau dalam thun 2026. Bruk naih gheih lac raya khinh khi cau hu brei par 34 khin khi cau rilo sambo bar saong danak dak palao gom bangu di malam. Taphia nan, Harei Ilamo drap ar brei pataom rilo janih drap ar ilamo oh mboh di meta naih gheih di dom bhum dalam negar.

Brah Campuchia dak harei dak mboh rilo di dom taneh ia angak dunya duah jien tame parilo, ngak tabiak rilo padai brah saong biak bingi palei tabiak negar langiu. Akok Liên đoàn Brah Campuchia mboh lac, urak ini, Campuchia ngak tabiak jiak hoang bruk kham pablei hu 1 trieu tan brah dalam thun ini, tapa nan rik tame ka bruk ngak mbang cak rok patagok di taneh ia. Padai brah  lac janih kaya mbang di Campuchia, meblah tal 70% taneh pala drak.

Thai Lan saong Myanmar hu Ndom meyai brei mboh sanya paglaong bruk pambuak taong abih, hu makna lac khik kajap an ninh labik tapen negar atah 2.400km saong jhul tagok cakrok kinh te. Thai Lan brei mboh veik bruk daong prein ka bruk pambuak di Myanmar haong ASEAN, maong ini lac bruk rik daong hu makna ka bruk gul pataom di kapul. Thai Lan jeng brei mboh srap gap daong dom bruk kham merat ndom meyai saong jalan langyah salamat kayua Myanmar srap gap jhul tagok, piah pamaong tal tani tanat suai atah dalam bhum.

Tòa án bang  New Mexico di  Mỹ ndem puac Meta, kong ty praong di Facebook saong Instagram, brei bayar jien 567 trieu USD saong brei ngak tui rilo jalan khik iek uranaih hadei brei panuac tamat ka nen tang ini ngak jhak tal prein yawa uranaih. Dahlau di nan, bilan 3, urang jakar pasang iek ba tabiak panuac lac Meta ngak suan hukum khik iek urang pandar di bnag ini tuk ndem oh njauk ka bruk pacang khik brei siam ka uranaih, tui nan kong ty bayar veik jien 375 USD./.