Thu tuong Rajaei hu harak caong khin Akaok UB Bhap bini Ban raya HCM, Dong, Tay Ninh, Dong Thap, Lam Dong jhul samar bruk bayar jien, daong, ramik labik daok, panduan dom danak dak ha tang ky thuat ngan haong dom danak dak daok tavak ka mbaok taneh: vanh ndai 4 Ban raya HCM, Ban raya HCM – Chơn Thành, Ban raya HCM – Mộc Bài, Gia Nghĩa – Chơn Thành, Ban raya HCM – Trung Lương – Mỹ Thuận. Ngan haong danak dak vanh ndai 4 Ban raya HCM, caong khin Ban raya HCM, Dong Nai, Tay Ninh samar chip salah blaoh dom harak gal piah peih ngak taong abih 5 danak dak dalam quy 4.

Page ini, Quoc hoi ginum biai ka danak dak Hukum pasiam veik, pabak veik dom paka di Hukum Tần số vô tuyến dien, Hukum Viễn thông, Hukum pablei salih dien tu saong Hukum jao brei kong nghe, dom urang Quoc hoi sahaneng lac, pasiam Hukum njuak brei ngak salih lagaih; cakak trun bruk ngak mbang pablei salih gam bruk khik iek salih he thong quy chuan ky thuat padang tui co so du lieu, nen tang so. Meng biar harei ini, tal harei 18/8/2026, Quoc hoi padeih, dahlau tame ngak bruk mbang ka 2 di harei 19/8.

Tinh Ca Mau bahrau peih Danak dak Sang mac ndien angin Khánh Bình Tây di xa Khánh Hưng. Danak dak hu taong abih phun jien peih ngak labaih 2.500 ty dong. Danak dak hu ramik caga di tasik saong taneh riya hu praong labaih 600ha, bruk thiet ke hu 50 MW. Urang dang akaok UB Bhap bini tinh Ca Mau caong khin gah ngak mbang pablei salih brei caik dahlau bruk palih ruah, pandar urang ngak di bhum, daong brei bruk ngak saong paglaong raidiuk rahra di bhum ngak danak dak.

Anak bruk El Nino ngak pandiak bhang, kurang ia saong njom ia mbak dalam blan thun ini, UBND tinh Vĩnh Long caong khin gah ngak nong kuhria jalan caga dalam tinh, kuhria bruk kan kandah tui pakat, labik mbuan gaok kan kandah saong jalan langyah. Dalam nan, njauk brei caik hatai dom bhum pala phun mbang baoh saong dom labik  mbuan gaok kan kandah dalam bruk ngak mbang, raiduk bhap bini. Bhap bini hu pato kuac danao, ribaong saong pandap padang ia taba dahlau pandiak bhang, njom ia mbak rah tabiak.

Ban raya Dong Nai bahrau peih bruk rivang, ba palao saong lam dan 28 atau talang bol lin halan tian klak rup drei tapa dom jaman mesuh metak, hu kapul chuc nang roh duah, pataom di labik dom xa Minh Đức, Lộc Tấn saong phuong Lộc Ninh. 29 atau talang bol lin hu pataom dalam mbang ini jeng oh ka ngak tantu angan je. Kapol chuc nang hu taduan 19 mau sinh pham hu ginup kein lagaih duh bruk pasang iek ADN, brei caong takre ngak tantu angan je, palei pala saong urang gauk gan di dom bol lin.

Bruk oh lakhah dak harei dak ralo di Trung Quoc. 6 bilan akaok thun, urang tut ngan lakhah trun jaik 7,5% dut saong tukvak ini thun dahlau, dalam tuk nan klak gauk tagok jaik 4%. Tui urang ilimo  gah kinh te Trung Quoc  Nhậm Trạch Bình, bruk klak gauk urak ini di Trung Quoc brei mboh 4 bruk salih karei ralo: oh tok diuk tok pasang dak harei dak ralo; klak gauk dak harei dak ralo; lakhah umo thun praong mboh ralo; urang oh ka lakhah tagok gam gam.

Dom urang metai dalam mbang megei tayun taneh khang 7,4 di bhum Pei Colombia hu tagok labaih 200 urang, dalam tuk nan labaih 3.800 urang daok lahik oh ka duah mboh. Kapul daong duah daok roh duah, patui veik duah dom urang meda daok diuk di dom mbuk jaleih. Dalam tuk nan, dom jabat Lien hop quoc brei mboh srap gap jak ba gah prein daong, pambuak khang haong karja Colombia dalam bruk daong duah.

Labaih meteh dom bhap bini negar chau Au daok dang anak pandiak labaih 30 do C, tuk langik pandiak birau di ralo labik di chau luc. Tay Au saong Nam Au jiak gaok pandiak trak abih.  Di Pháp, labaih 20% prein khang ngak tabiak dien hat nhan kaik klaoh. Bruk ini pambuak tal pandiak bhang di ralo labik saong bruk sứa ngak jadal mac njuk ia ngak la-ar mac ging phản ứng.