Sở Y tế tỉnh Đồng Nai brei thau, taong abih 335 bhap bini Việt Nam mai meng Australia mbang camereip ngan saong virus SARS-CoV-2 

Harei ni  7/9/2020,  rayo sap ndom  Việt Nam (VOV) bak  75 thun.  Beir harei kabroi  6/9, di pasak pakat negar  (labik 58 jalan  Quán Sứ, Hà Nội), Rayo sap ndom  Vnpeih tabiak dalam prong prang BRUK pahadar 75 harei padang tabiak. Thủ tướng rajaei Nguyễn Xuân Phúc song urang pal akaok, lambaik dom mintri, dom mban, dom gah, kapul nyaom  dok dalam song langiu negar, dom urang pal akaok, urang dahlau deih pal akaok, rayo, urang jakar, urang vak , kỹ thuật viên, dom nghệ sĩ, ca sĩ, urang ngak di rayo sap ndom  VN mai hu mbaok di harei pahadar.

Tapa 75 thun dak padang, mesruh pacang song pasram megru, prong tagok , meng sa  rayo papar sap  song ba danak dak papar sap mbang camereip meng sap Yuan sap  Anh, sap Prang  tal urak ni , Rayo sap ndom  VN hu praong khang salih bahrau song ginup  4 janih harak báo chí, hu jiak  2.700 urang jakar, urang vak, biên tập viên, kỹ thuật viên, nghệ sĩ, urang ngak. Rayo hu  8 kênh papar sap, dalam nan hu  1 kênh papar  13 sap bangsa takik  song  1 kênh 13 sap negar langiu. Rayo dok hu  17 kênh papar binguk, 2 harak báo điện tử, 1 báo in. Urak ni rayo papar sap hu  6 jabat dok di  6 labik dalam negar  song 13 jabat dok di  dom taneh ia di dunya  sa sang doh tamia; 2 sang bac  cao đẳng papar sap papar binguk.

  Di harei pataom nan,  lambaok urang pal akaok  Đảng, karja  Thủ tướng Nguyễn Xuân Phúc jao angan  Anh hùng tapaon nyaom bol pan phao krong ka sang doh  rayo sap ndom VN, Huân chương Lao động hạng Nhất ka rayo sap ndom VN, Huân chương Độc lập hạng Nhất ka  Ban Thời sự (VOV1), Huân chương Lao động hạng Nhất ka  Ban Đối ngoại (VOV5).

Gam saong bruk Pahadar 75 thun Harei padang tagok,  Rayo sap ndem Việt Nam hu peih bruk Jao brei Giải thưởng Sap ndem Việt Nam mbang ka 4. Giải thưởng Sap ndem Việt Nam  thun ini hu 5 janih, lac: Rayo sap ndem Viet Nam; PAPAR SAP, Papar binguk, Harak mbao in; Harak mbao Điện tử; Danak dak roh duah ilamu khoa học, roh duah salih birau gah hành chính saong Giải thưởng BREI KA kapol Nyaom, urang lac nghệ sĩ roh duah, parang me-in , urang papar sap, urang ba panuac. Dom kadha mek hu Giải thưởng Sap ndem Viet Nam lac dom kadha harak mbao naih gheih dalam asar kadha, brei mboh bruk buh prein yawa tame ngak bruk abih hatai, kham merat, oh huac glaih  glar saong roh duah rilo kadha birau. Tổng giám đốc VOV Nguyễn Thế Kỷ  brei thau, Giải thưởng Rayo sap ndem Việt Nam  meda peih praong jang, hu jeng giải thưởng  di gah Papar sap papar binguk dalm negar.

Meng mong 12 melam 07 bilan  9 thun  2020, Mintri pajeng ba (GTVT) hu pasiam veik tong abih  tần suất peih nduac di dom radeih pajeng ba tuai damuai  (ô tô, radeih pasei, tàu bay, kapan gaiy…) nao mai ban  Đà Nẵng. Piah bruk pajeng ba yau dahlau veik song khik caga  dom jalan ngak hadei di ni : Tuk pasiam veik bruk pajeng ba brei ngak siam dom jalan pacang caga jit, oh caik  njom mbak jit tabiak bhap bini dalam dom bruk pajeng ba tuai nao mai ban Đà Nẵng: cuk patiah pacang mbaok, khan ka y tế, hu panuac kakei tuai hu pandar điện thoại thông minh pagam Bluezone khan lac jip tuk taom gaok urang njom Covid-19 piah duah thau, pasang iek samar urang mbuan njom mbak  .

Biar harei kabroi 6/9, Sở Y tế tỉnh Đồng Nai brei thau, taong abih 335 bhap bini Việt Nam mai meng Australia brei daok karei pataom di Sang bac cao đẳng Cảnh sát bhap bini II, xã An Phước, huyện Long Thành tapa dut iek mboh âm tính mbang camereip ngan saong virus SARS-CoV-2. Yau nan, ini lac mbang ka 5, tỉnh Đồng Nai taduan raok bhap bini Việt Nam mai meng negar langiu saong ba tame daok karei, pacang caga jit Covid-19.

Mesup ni 7/9, di  Hà Nội, Tòa án bhap bini ban  Hà Nội peih mbang langyah  sơ thẩm vụ án “pametai menuac” song “pacang cagar veik urang ngak bruk” rah tabiak di palei Hoành (xã Đồng Tâm, huyện Mỹ Đức, Hà Nội). Ni lac vụ án hu bhap bini biak caik hatai sangka, tui iek kayua nyu suan biak praong, biak khang ba tal trak damak , ngak brei 3 urang jakar, urang lin công an metai. Hu abih tih 33 luật sư hu mbaok khikcaga quyền song kein lagaih tui hukum   di bị cáo dalam mbang ni. Dalam  29 bị cáo hu  25 bị cáo njauk  Viện Kiểm sát bhap bini ban  Hà Nội truy tố ka duas “pametai menuac”. Dom bị cáo ni hu pandar  bom xăng, suik phao, to bầu... tong tame gah  chức năng, tuh xăng am pametai 3 urang jakar, urang lin công an. Dom urang dok veik  njauk  ka duas “cagar veik urang dok ngak bruk karja”.

Harak mbao, Rayo papar sap, papar binguk Australia harei ini brei thau, rajaei negar ini BAHRAU mbaoh tangin tame harak brei ngak tabiak 84 triệu liều vaccine saong dua kong ty ngak vaccine di negar Anh saong Australia. Meyah bruk ngak iek rah tabiak dalam mbuan lagaih, vaccine di kong ty AstraZeneca brei ngak tabiak 3,8 triệu mbang dalam 2 bilan akaok thun 2021. Tui  gah Y tế  dunya, urak ini hu 165 vaccine Covid-19 ngak iek daok roh duah. Dalam nan, 32 vaccine daok ngak iek di manuac, hu 8 vaccine daok ngak iek di manuac tukvak ka 3.

Labaih 200 urang ngak di  Liên Hợp Quốc daok di  Xyri njauk njom  Covid-19 tuk dom urang nan hu mbaok tame dom bruk piah pacang veik bruk njom mbak di jit prong pak negar Trung Đông ni. Dom urang njom  Covid-19 di  Xyri tagok jang  10 mbang dalam  2 bilan tapap  kayua jit ruak dak khang jang.

Kuhria tal biar harei sup kabroi, dom jabat chức năng Nhật Bản brei panduan ba chip labaih 810.000 bhap bini daok di dom labik dalam  4 tỉnh Tây Nam kayua ribuk Haishen hangin khang saong hajan praong daok tuh tame; Tui nan, brei panduan ba samar labaih 5 triệu 5 rituh ribau urang di 10 tỉnh, iew dom urang karei brei caik hatai sangka di tanut glaong saong samar nao labik karei tuk taduan hu panuac ieu.  C.ty jalan radaih pui Kyushu brei padeih taong abih jalan cao tốc saong peih veik di harei 6 bilan 9, dalam tuk Tổng Kong ty jalan radaih pui gah Pei negar Nhật Bản brei padeih abih dom dịch vụ radaih cao tốc di dom mblang radaih apui Hiroshima saong Hakata di harei 7/9. Tui NHK, ribuk Haishen ngak ka jaik 550 mbang kapal haok padeih par./.

Urang lang: Hani Pha – Ái Nghiêm – 07/09 10:43:35