Dang akaok var ngak bruk haong dom mentri, dom gah, bhum palei saong gah ngak mbang pablei salih gah taneh riya sang danaok ka dom jalan langyah “patagok samar ka sang daok rahra” ngan haong 17 labik di dom tinh, ban hu hatai caong sang daok rahra glaong, Thu tuong Phạm Minh Chính ndom rilo ka bruk brei kein lagaih abih ka urang blei sang daok rahra hu samu gauk, khik kajap bruk tantu, cambaih laih. Meyah urang blei sang daok rahra “meblah gauk, nduac mesraiy jien” ka meng hu sang daok rahra, ye mbuan ba tal kanjah jhak, oh tantu ka sarak. Brei padang “Kadung jien sang daok rahra piah patagok samar sang daok rahra.

Peih bruk jak ba pakacah “ Dalam negar daong ngak brei abih baoh sang oh daok taik tahak thun 2025”, dalam tinh Dong Thap padang hu 62 Kapol padang sang daong ka danak dak “ Abih baoh sang taik tahak” hu mbaok 934 urang; dom urang nan hu daong 6.670 harei ngak bruk kuhria jeng jien labaih 2 ti dong. Kuhria tal harei ini,  Đồng Tháp ngak hu salah blaoh 2.767 baoh sang oh daok taik tahak, sang tayak njauk tui bruk ba tabiak, sumu 100% bruk ba tabiak di danak dak. 

Harei ini 50 ayut meyau lac urang ngak cong, urang ngak bruk gaok kan kandah hu mbaok tame adat Lakhah ka rilo yut yau thun 2025 di Ban raya Ho cHi Minh. Dalam nan, hu dom yut yau hu cang 16 thun. Dom yut yau hu mbaok tame ngak bruk di labik ngak kong, labik pablei salih, sang bac di Ban raya Ho Chi Minh, Binh Duong, Ba Ria – Vung Tau dahlau diah. Kuhria meng thun 2007 tal ini, tapa 15 mbang padang ngak ngak, danak dak hu daong ka labaih 1.200 yut yau dam dara ngak kong, urang ngak bruk kan kandah.

          Hoi dong bhap bini tinh An Giang ba tabiak bruk brei buh jien tame danak dak Jalan radaih ndien do thi ka 1 di Phu Quoc kuhria abih tih hu jiak 9 ti dong. Danak dak Radaih dien do thi ka 1 di Phu Quoc lac sa binah jalan pasei do thi Phu Quoc, tal tuk ngak blaoh hu ba tame pandar duh ka bhap bini hu siam, prein pajeng ba rilo, tani tanat, salamat, siam lagaih ka moi truong, pabak bruk nao mai di bhap bini tal dom dom labik jiak jalan radaih dien saong daok dalam danak dak.

Meng harei 15/12/2025, Kadung jien patakik khat lahik kayua gaok bala di jalan mbak hu padang peih ngak. Tui nan kuhria tui bruk gaok kan kandah, tanut jien buh tabiak ka urang gaok kan kandah kayua gaok bala jalan mbak ngak tabiak ngan haong bruk gaok kan kandah hu labaih 31% tal ala 81%; baoh sang hu urang metai daok gaok kan kandah ka jien padai brei daong oh tapa 20 trieu dong; daong tal 100 trieu dong ka urang gaok bala trak.

Rajaei My kareih pabah mbang tapa adit ka 4, meyah bruk nan daok dui atah ye dalam dom harei anak tal, yaok pluh trieu urang kathaot di taneh ia ini meda oh daok pabak kaya mbang tui Danak dak Daong kaya siam pabak prein yawa. Rilo tieu bang khan brei thau di bilan 11 anak tal, dom paok jien daong kaya mbang meda daong padeih atau suai, meyah kurang jien  bo Tong thong oh langyah brei dahlau harei 27/10.

Dalam bruk padang peih dom sarak ka tukvak bahrau, Rajaei bahrau di Japon ba tangin tame ngak bruk patagok prein dauk khan pakat negar. Tui gah maong pasang, bruk patagok jabat dauk khan lac sa jalan nao hu makna di Thu tuong Takaichi Sanae piah ngak jalan kuhria ka an ninh dalam bruk bahrau, gam haong nan, brei kein lagaih ka bruk patagok prein mesuh, prein gham saong pacang caga di Kapul lin pacang khik Japon.

Sa bala angaok jalan mbak biak trak rah tabiak di bang Andhra Pradesh negar Ấn Độ, ngak takik abih 32 urang radaih bus metai saong njauk rambuac. Tuk rah tabiak bala, jaik abih dom tuai damuai daok ndih bingi. Urang ngak praong di bang Andhra Pradesh khan lac, jak ba abih gah daong ka baoh sang urang. Urak ini, karja An Do daok cang khan brei thau ka urang metai./.