Di var ginum biai Rajaei bilan 9 online haong 63 tỉnh, ban di page ini 7/10, Thu tuong Phạm Minh Chính  caong khin dom bhum palei kham merat jang, bruk ngak catang, lagaih jang piah kham merat peih ngak hu siam dom bruk ba tabiak. Dalam nan, bruk kham merat praong abih lac brei tani tanat kinh te vĩ mô, pasang iek bruk lạm phat, jhul pakhang bruk cakrok patagok, khik brei sumu bruk ngak mbang praong gah kinh te, pasang iek bruk car pandar jien ralo, jien sre karja, jien sre Rajei, sre negar langiu, paglong radiuk saong jalan sahaneng di bhap bini, khik siam bruk caga salamat taneh ia.

Kiên Giang pamong tal bruk daong dom doanh nghiep mbiah saong sit, dom HTX yam tapa kan kandah, ba tame pandar dom jalan salih so. Tỉnh daok kham jhul pakhang bruk pandar so di 3 bruk praong karja so, kinh te so saong XH so. Bruk taong yaom Bộ chỉ số duh ka rahra saong doanh nghiep tỉnh Kiên Giang mbiah tal ini hu tagok 19 pakat dut saong thun 2023, dang di 26 angaok 63  tinh, ban. Ong Võ Minh Trung – Yam ndoc sở Thong tin saong Truyen thong khan lac, Kiên Giang tuk halei jeng lac bruk salih pandar so lac sajalan ngak brei cakrok patagok birau, jhul pasamar, ngak brei katut pabak tukvak CNH, HĐH taneh ia saong tỉnh.

Tỉnh Bến Tre daok pasamar ramik caga dom bruk piah peih ngak adat pablei tabiak negar langiu la-u xiem that akok meti tapa Trung Quốc. Bến Tre urak ini kuhria abih tih hu taneh pala li-u labaih 16.000 ha. Mbiah tal ini, bhum palei hu 133 ma so bhum taneh pala la-u ngan haong jaik 8.400 ha taneh pala hu ginup bruk ba tabiak, di 12.800 baoh sang pala. Njauk ndem tal tỉnh hu 13 bhum taneh pala lagaih pablei tapa darak Trung Quốc.

Dom harei ini, urang nao tasik di Cà Mau chreih chrai tuk njuak rilo anek drum tasik. Tui urang nao tasik di labik ini, drum tasik  bhian hu rilo meng tuk puac bilan 9 mbiah tal bilan 11 yaok thun, abih di nyu lac tuk tasik oh hu riyak. Tuk nan, urang nao tasik pandar geiy, gilai li-i saong halam njol  piah mek anek drum di tapen tasik. Ngan haong yaom drum thu labaih 40.000 đồng sa kilo, kaoh abih jien  blei menyek saong dom jien karei karei, yaok harei sa baoh sang jien mek tame labaih meng 1,2 -1,5 trieu dong yaok harei.

Dalam 2 harei ia dom kraong ribong dalam ban Cần Thơ tagok tui ia ndik akaok bilan 9 saka ia bulan gam haong ia sua di gah angaok kraong tuh mai yau nan ye ia ndik tagok glong tanut pakat III.  Page ini, rilo jalan di Ban Cần Thơ iew dom sở, gah, quan, huyen tui iek tani tanat hajan, ia ndik, khan brei thau saong panduan ba rahra daok di tapen kraong ribaong mbuan glut jaleih taneh nao labik hu salamat. Brei manuac urang, mac jamraih daong bala, jak ba rahra di bhum palei caga piah daong tuk hu bala rah tabiak.

Dalam harei 5/10 meng blaoh hu abih tih 973 urang di cư di 77 gilai tapa tasik Manche. Dom urang nan tagok glong jang dahlau diah. Karja Prang khan lac, 4 urang metai, dalam nan hu 1 uranaih likei umo 2 thun njauk urang “ juah gaok metai”. Gah khik iek Ar tasik Prang hu daong sa sruh gilac pajeng jaik 90 urang di cư khut jamraih. Akok Mentri  Nội vụ Prang khan brei thau angaok mạng xa hoi X: “ Rajaei Prang brei pakhang bruk mesruh pacang veik dom bang đảng pablei salih manuac daok ngak kaya meda meng dom bruk ba urang nao tapa tasik ngak metai manuac”.

Hu takik abih di nyu 5 urang metai saong labaih labaih 100.000 urang daok gar tavak kayua ribuk ia sya di gah Brak negar Bangladesh dalam dom harei tapa. Ia ribuk sua ngak duah biak ralo labik saong njauk panduan ba yaok ribau baoh sang, rilo baoh tatua, jalan mbak ba tal karja palei kan tame hu dom labik gaok kan kandah. Bol lin Bangladesh brei  gilai  saong kapal haok  piah daong ka urang, pabak brei pandap mbang samar chip saong panduan ba dom urang daok gar tavak. Mbang ribuk ia sua di bilan 8 meng blaoh di bhum Đông taneh ia  ngak brei labaih 70 urang metai, kuhria khat lahik 1,2 tỷ dola My.

Tui harak pathau khan di Hiệp hội Ung thư Mỹ, yaok 50 urang kumei Mỹ ye hu sa urang mbuan ruak ung thư tasau  tuk umo 50 thun. Njauk kakei dahlau urak ini rilo urang kumei umo ranaih dut mboh ruak. Urang ruak ung thư tasau lac bruk ba tal metai kayua ung thư dang ka 2 dalam urang kumei Mỹ tagok 1% yaok thun, meda lac daok tagok veik di dom urang kumei umo ala 50 thun saong urang kumei Mỹ mai meng taneh ia Châu Á. Sa bruk roh duah hu ba tabiak di bilan 1 hu mboh ruak ung thư  tasau di urang kumei umo meng 20 tal 49 thun tagok dalam 20 thun ini mai./.