Di var pahadar Thu tuong brei luac 80 thun tapa, VOV dak harei dak brei mboh bruk ngak di drei, labik dang di yaok gah dalam raidiuk xa hoi; pabak khaw tin dak harei dak hu ginup rilo gah rilo bruk di Bhap bini; rik tame ka bruk mesruh metak paieh paha bangsa, dak padang saong khik caga Taneh ia di Dang, Karja saong Bhap bini drei. Thu tuong taong yaom glong bruk ngak, jalan sahaneng, bruk brei tame daong jeng yau dom bruk ngak hu makna praong di dom rai urang jakar dalam bruk ngak cach mang hadah hadai, praong glong di Dang, Karja saong bhap bini drei.

Pasang iek bruk peih ngak danak dak Mblang kapal ahaok dunya Long Thành, Pho Thu tuong Trần Hồng Hà caong khin tinh Dong Nai pasang iek, kuhria ginup taneh piah padang veik labik daok ka bhap bini njauk mek taneh ngak mblang kapal ahaok Long Thanh piah pok tagok pakat angaok pasiam veik sa mbang tra, ngak njauk tui tukvak dom bruk ky thuat di mblang kapal haok hu Thu tuong jao brei. Tui bruk ba tabiak, puac bilan 9 ini, dom don vi brei peih iek veik jalan ahaok par tagok para trun ka 1, ramik caga mblang kapar ahaok par meng harei 19 bilan 12.

Kapol ndoan ngak mbang pablei salih Trung Quoc gam ngak bruk, rah rivang bhum pala, labik papaok ndap nda saong duah thau ka bruk pambuak haong gah pala pablei durian di tinh Dak Lak. Dom gah hu ndom meyai ka jalan pambuak bruk piah peih praong bruk pablei tabiak, pablei hu dalam rilo darak pasar taphia darak pasar Trung Quoc. Ong Lê Quốc Anh, Akaok Kapul Durian Dak Lak ndom lac: Bruk ini hu caong takre peih tabiak rilo kein lagaih pambuak bruk suai atah, daong ba baoh durian Dak Lak patagok karo kajap saong brei mboh labik dang dalam darak pasar dunya. Dak Lak urak ini hu jaik 40.000 hecta durian, baoh paik hu di thun 2025 kuhria hu jaik 400.000 tan.

Akok UB bhap bini tinh Ca Mau hu tacei ba dom so, dom gah, karja bhum palei samar peih ngak dom jalan daong ka bhap bini, HTX saong urang blei, khik piah saong blei veik padai hu lagaih, pambuak darak pasar dalam negar saong duah darak pasar negar langiu pablei kaya nong tabiak, palaik njiak bruk pablei tuh thaik, yaom lap. Tui nan, tacei ba urang nong salih padai pajaih asar siam, ngak tui tanut VietGAP, hacih sa-at piah pabak ka darak pasar dunya.

Tui Cuc Kraong ribaong, Mentri Ngak nong saong Alam langik, ia sua bilan 9 jaik yau oh hu ngak kanjah jhak tal bilan He thu saong Thu dong di Bhum Taneran kraong Cuu Long. Min, hajan praong gam haong ia sua di akaok halau saong ia ndik ngak mbuan ba tal ia dauk di dom labik taneh dhaong biar di bhum kreh saong bhum tapen tasik. Dom bhum palei daok dalam bhum kreh saong bhum tapen tasik, abih di nyu nan lac dom labik bhum dhaong biar brei ka hu dom jalan pacang caga ngan haong bruk ia dauk rah tabiak.

Thu tuong Nhat Ban Ishiba Shigeru hu khan cambaic laic brei padeih bruk. Ong Ishiba kakei lac dom bruk ngak hu tuk tagok ngak bruk yau: ginum biai haong My, ngak siam bruk pambuak Han Quoc, jhul pakhang bruk ngak Nhat Ban - Japon jeng taneh ia khang kadang pacang caga bala meng langik tasik, paglong jien mek tame ka urang ngak…Tui pasang iek, dalam tuk “ hadei Ishiba”, Dang Dan chu Nhat Ban dang anak bruk birau, tuk gah lien minh daok laman jang gah karei.

Tong thong My Donald Trump hu mbaoh tangin ka sa sac lenh hanh phap oh mek jien kak je ngan haong dom ndap nda blei tame meng dom gah ngak mbang pambuak bruk blei salih hu mbaoh tangin haong My. Dom paok jien patrun dalam nan hu dom ndap nda “oh meda hu pala, pandar atau ngak tabiak ndap nda di My” atau hu ngak tabiak hu ginup piah pabak hatai caong dalam negar.

Jabat Y te saong Sinh hoc Lien bang Nga khan lac vaccine pacang caga ruak ung thu hu tapa dut iek blaoh saong cang brei harak adat ba tame pandar. Janih vaccine ini hu brei mboh siam ka prein yawa, meda pandar hu rilo mbang saong hu jak jeng siam mekre. Tapa dut iek mboh vaccine ngak labik laka u sit tame, ngak suai pambak tabiak meng 60 - 80% te bao ung thu, tui nan daong ka urang ruak meda diuk hu. Tui kuhria dahlau, Vaccine hu ba tabiak camereip jru ruak ung thu dai truc trang./.