Mentri Lao dong - Thuong binh saong Xa hoi brei thau: Ngak tui dom harak pato tacei ba, dom bhum palei hu pathau khan saong ba tabiak panuac ndom ka hatai caong daong brah bingun Tet Nguyen dan Ula Naih saong jaik tame pala drak akaok thun 2025. Dalam di bruk nan, Mentri Lao dong - Thuong binh saong Xa hoi hu pambuak haong Mentri Jien padai pasang iek, maong tapa piah ba tagok Thu tuong Rajaei ba tabiak 5 sarak daong abih tih jaik 6.900 tan brah daong ka labaih 104.000 baoh sang haong labaih 458.000 urang oh hu hagait mbang dalam bingun Tet Ula Naih saong jaik tame pala drak akaok thun 2025. Dom bhum palei hu peih bruk pabak brah tal tangin rahra, khik kajap piah oh hu thei oh hu hagait mbang dalam bingun Tet.

Tui Bao hiem Xa hoi Viet Nam, urak ini manuac blei bao hiem y te (BHYT) hu labaih 95,5 trieu urang, sumu 94,2% taong abih bhap bini dalam nagar. Kham marat tal abih thun ini, khin hu labaih 95% bhap bini hu blei BHYT, pamong tal bruk abih bhap bini hu blei BHYT. Dalam thun 2024, bruk ngak tui sarak BHYT hu siam lagaih, gam pasang iek kajap, pandar tani tanat phun jien Bao hiem y te dalam bruk dom halau prein oh hu ralo, gam kuhria njauk, ginup, sumu ka dom bruk iek ruak, jru ruak, khik caga prein yewa ka mikva.

Tui So Ilamo - Pahat padhih saong Yulit tinh Tien Giang, dalam bingun Tet Nguyen dan thun ini, tinh Tien Giang raok labaih 100 ribau mbang tuai, tagok labaih 59% dut saong tukvak ini thun dahlau. Dalam nan, hu jaik 13.000 mbang tuai damuai di dunya, tagok 35% dut saong tukvak ini thun dahlau. Dom labik dui pachreih rilo tuai damuai mai jirah rivang dalam bingun Tet Nguyen dan di tinh Tien Giang lac: labik Ula Đồng Tâm (huyen Châu Thành), dom labik jirah rivang sinh thai di kaoh pulao Tân Phong (huyen Cai Lậy), Palei meng kal Đông Hòa Hiệp (huyen Cái Bè), kaoh pulao Thới Sơn (ban Mỹ Tho), tasik Tân Thành, Labik jirah rivang Làng Yến saong dom inem mek sajarah - ilamo.

Harei raya baha Ong mbang ka 10 thun ini hu peih ngak meng harei 5 tal harei 10/2 anak tal sanya pagol ba mai bui sambai, ndung bak makna ilimo meng kan ka ban Bien Hoa, tinh Dong Nai. Harei raya hu dom adat raok yang, kakuh da-a saong padaok rup  Bhat, kakuh pahadar dom po ong muk kei akok meti peih taneh padang raidiuk mbang ngui saong patagok bhum taneh Biên Hòa - Đồng Nai. Thun ni, Mban Peih ngak bruk hu dom salih lagaih tui raidiuk, tuk dom danak dak padang ngak tapen kraong Dong Nai pacang kan ngak adat raok Yang di kraong. Salih ka bruk nan, harei raya pataom tame ngak adat nao tabak yaih khan di ngaok jalan atah meng 8 km ngan haong jien buh tame ngak tani tanat saong ralo kadha tamia adaoh biak gheih mekre.

Thun 2025, tinh Dak Lak kham merat raok labaih 1,8 trieu mbang tuai damuai haong abih tih jien mek tame meng jirah rivang hu 1.600 ty ndong. Piah ngak hu bruk kuhria ini, taphia sarak kein lagaih di tinh, kuhria hu dom sarak kein lagaih brei ka rahra tinh Dak Lak nao jirah rivang dalam tinh; Gam haong nan tinh jeng hu dom sarak kein lagaih ka tuai damuai mai meng 16 tinh, ban saong Kapul dom labik ngak kong Ban raya Ho Chi Minh dalam bhum pambuak tal Dak Lak jirah rivang. Gah Jirah rivang tinh Dak Lak jeng daok padang rilo danak dak piah dui pachreih tuai damuai jirah rivang.

Harei ni, Akaok mentri Rajaei taka so di New Zealand Judith Collins hu khan tapa bruk pato pandar tri tue nhan tao tame bruk ngak di karja piah paglaong ka ngak bruk saong pasiam ka gah yitvu. Dalam bruk pato ni hu khan cambaic laic dom hukum di bruk khik iek, pabak hu tani tanat, blei dom kong nghe pandar tri tue nhan tao, dom ky nang saong prein caong khin, khao tin suan saong khao tin oh hu biak, jie hatai saong bruk ngak di drei. Dalam nan, New Zealand sanya bruk khik iek siam gheih dom kong nghe pandar tri tue nhan tao tuk nagar ni jhul catang bruk pandar dom kong nghe pandar tri tue nhan tao tame dalam bruk ngak.

Tui kuhria mboh meng gah phim online, abih tih jien mek tame meng bilik pablei harak ve dalam mbang padeih padei Tet Ula Naih thun ini di Trung Quoc hu tapa tanut 6,2 ty nhan dan te (samu labaih 863 trieu USD). Bingun Tet Nguyen dan, darak pasar phim Trung Quoc hu mek tame labaih 5,74 ty nhan dan te, glaong abih dut haong tukvak ini dom thun dahlau mai di bilik harak ve dalam negar ini. Rahra Trung Quoc daok mbang Tet Nguyen dan dui atah 8 harei lac sa tukvak piah mek tame hu rilo jien ka gah phim negar ini.

Tong thong Indonesia Prabowo Subianto hu khan bruk padak padang sa daning tasik praong atah 700 km meng Banten tal Pur Java. Daning tasik ndih dalam harak dom Danak dak bruk ngak pusak nagar di Indonesia khan ngak hu cambaih laih tani tanat nang luong saong kaya mbang, piah khik dom mblang hamu padai di gah barak tapen tasik di kaoh pulao Java. Bruk padak padang daning tasik praong ni lac suai meng 10 tal 20 thun, piah khik hu yaok trieu mblang hamu padai oh njauk ia dauk kayua ia tasik ndik tagok glaong./.