Tết Nguyên đán thun 2021, công chức, viên chức hu padeih 7 harei gam

Thủ tướng Rajaei birau hu Công điện 1711/CĐ-TTg ka bruk khik kajap siam mekre salamat bruk nao mai angaok jalan mbak pagam saong bruk pacang caga jit Covid -19 dalam tuk Tết Dương lịch, Tết Nguyên đán thun anek sak Kubao saong dom rija roya akaok thun 2021. Tui nan, Công điện di Thủ tướng kakei lac, dom jabat chức năng brei ngak siam dom bruk, dom jalan ngak yau: Jhul pakhang bruk pathau khan, brei thau adat hukum ka salamat jalan mbak, tacei pato ilamu nao angaok jalan mbak hu salamat saong bruk pacang caga jit Covid-19 tuk nao angaok jalan mbak ka bhap bini; Patgaok bruk pasang iek, duah thau, langyah catang dom bruk ngak suan Hukum Salamat jalan mbak, jalan radaih, jalan radaih pui, jalan ia; Paglaong pasiam bruk pajeng ba tuai, pabak ka bruk nao mai di bhap bini dalam tuk Tết Dương lịch, Tết thun anek sak Kubao saong dom rija roya akaok thun 2021; hu jalan pacang caga sumu, siam lagaih tuk hu urang njom virus COVID-19 di dom labik peih radaih saong di radaih công cộng…

Tui pathau khan di mintri Lao động-Thương binh song Xã hội, urang jakar, công chức, viên chức song urang ngak bruk di dom jabat karja, kapul nyaom chính trị-xã hội hu padeih Tết Nguyên đán 7 harei, dalam nan hu 2 harei padeih pabak kayua harei 2 bingun song harei 3 bingun tết njauk di harei car song harei adit lac harei padeih yaok adit. Yau nan, Tết Nguyên đán thun 2021, công chức, viên chức hu padeih 7 harei gam, meng harei but, 10/2/2021 tal abih harei angar 16/2/2021 (nan lac meng harei 29 bilan mat thun sak takuh tal harei 5 bingun bilan sa thun sak kubau ). Daok dom doanh nghiệp iek tui bruk ngak mbang pablei salih bo pilih ruah harei padeih ka nyu lagaih.

Akok UB bhap bini tỉnh Thanh Hóa hu mbaoh tangin brei tapa yaom jien 14 tỉ đồng piah pasiam veik daning pacang medil saman dom patao Hồ jaleih kayua hajan ribuk. Medil saman patao Hồ daok ieu lac thành Tây Đô daok di xã Vĩnh Long saong Vĩnh Tiến, huyện Vĩnh Lộc, tỉnh Thanh Hóa, lac sa dalam dom danak dak kiến trúc padang ngak meng patau siam gheih abih di Việt Nam saong dunya. Danak dak hu Hồ Quý Ly brei padang ngak di thun 1397, bhian hu maong lac ban ine, pasak ilamu chính trị xã hội di taneh ia Đại Ngu saman dom patao Hồ. Tapa labaih 600 thun ngan saong rilo tuk trun tagok di sajarah, jaik abih sang patao khut tayah, min paga pacang jeng daok yau tamo. Harei 27/6/2011, medil saman patao Hồ hu Gah Ilamu - Khoa học saong Pato megru Liêp Hiệp Quốc (UNESCO) pok brei angan lac drap ar ilamu dunya.

21 blah thaot gheih di abih hu pok brei Giải thưởng bruk pakacah thaot binguk hu angan “hadah hadai sa bhum palei tapen negar”. Bruk pakacah kayua Ban Tuyên giáo Trung ương dang ngak, pambuak song mintri ilamu - Thể thao song Du lịch, Tổng cục Chính trị bol bala bhap bini Việt Nam, Hội nghệ sỹ thaot binguk Việt Nam song dom jabat pagam tal peih ngak. Dalam 5 bilan, Ban peih bruk pakacah taduan hu jiak 7 ribau blah thaot di dom urang daok dalam negar. Dom blah thaot nan hu rilo asar kadha, brei mboh bruk siam mekre di taneh ia, palei negar, anek menuac Việt Nam di dom bhum palei tapen negar di taneh ia, brei mboh rai duik mbang ngui, bac daa, pasram megru, khik caga chủ quyền palei negar di dom tapon nyaom bol pang phao krong, dom urang lin biên phòng…. 

Pachreih tui bruk padang ngak Mblang kapal haok Long Thành, mbiah tal ini, jaik 1.000 baoh sang di xã Bình Sơn, huyện Long Thành, tỉnh Đồng Nai hu taduan jien bayar taneh, caik taneh ka Karja peih ngak danak dak. Bruk caong khin praong abih di bhap bini urak ini lac samar hu tame daok labik birau piah hu tani tanat raidiuk, kuhria mbang ngui harei hadei, oh daok bruk diukrai cang maong oh thau yau halei. Tui bruk ba tabiak, dalam bilan 12 ini, gah chức năng brei peih ngak dom mbang suak thăm parabha taneh ka bhap bini di labik tái định cư. Hadei di tuk taduan hu tane, bhap bini meda padang ngak sang daok.

Gah Y tế dunya (WHO) hu ba tabiak sa bruk pakat dunya “sinya klaak pakao” dui atah sa thun ka harei dunya oh hu pakao hala 2021. Jit ruak COVID-19 ngak ka yaok triệu urang jhuk pakao ndom lac urang khn klaak pakao. Bruk ni hu dong takik di abih 100 triệu urang tuk dom urang nan kham klaak pakao tapa dom urang klaak pakao.

Giải thưởng gru pato di dunya thun 2020 lac sa giải thưởng praong piah pok meyaom dom gru pato naih gheih di dunya hu alin brei ka gru negar Ấn Độ Ranjitsinh Disale kayua bruk kham merat daong uranaih kumei di sa palei atah bayah. Gru Disale lac urang ka 6 taduan hu giải thưởng hu angan je ini, hu Gah Pato megru, Khoa học saong Ilamu di Liên hợp quốc (UNESCO) alin brei. Brei panuac hadei di tuk giải thưởng hu khan brei thau, gru Disale ndom lac jit ruak praong Covid-19 brei mboh makna praong di bruk pato pakai ngan saong bhap bini.

Gah Cảnh sát hình sự dunya (Interpol) bahrau tabiak panuac khan pakat dunya ka bruk ngak ja, klaik mek song yaih khan suan hukum vaccine Covid-19 hu pablei online angaok mạng. Jabat ni brei thau, tapa duah thau 3.000 blah web jru tavao inline mboh hu labaih 1.700 hu phần mềm kanyah jhak, pachot atau thư rác. Tui Interpol, kol tội phạm jeng meda ngak saong pablei dom bộ dut iek Covid-19 “suan hukum song ja” tuk bruk dut iek caong hu âm tính dalam harak hồ sơ du lịch dunya song dom hãng kapan haoh, jabat khik ramik tame tabiak dak harei dak glong./.

Urang lang: Ái Nghiêm – Hani Pha – 12/12