Harei ini, Thu tuong Rajaei Pham Minh Chinh ba tabiak bruk ngak samar drah daong jien ka dom tinh Thai Nguyen, Cao Bằng, Lạng Sơn saong Bắc Ninh pasiam hadei ia ribuk sua. Bruk daong 140 ti dong meng kadung jien piah caga di Karja thun 2025 ka 4 tinh angaok nan piah samar daong ka bhap bini saong ramik pasiam hadei ribuk ia sua, dalam nan: Thai Nguyen 50 ti dong, Cao Bằng 30 ti dong, Lạng Sơn 30 tỷ đồng saong Bắc Ninh 30 tỷ đồng.

Page ini 8/10, di Labik inem krung sajarah dakrai Đình Lạc Giao, phường Buôn Ma Thuột, tỉnh Đắk Lắk peih ngak paling Yang Tế Thu thun Ất Tỵ - nasak Ulanaih 2025. Adat hu peih ngak dalam praong prang, pachreih hu rilo urang lambaok saong bhap bini mai pataom. Adat Te Thu lac brei thau dhar phol po langik, po taneh riya dom po yang karei di bhum taneh ini saong muk kei chraong daong brei hu hajan hangin lagaih, bhap bini kajap karo, palei negar sron mbon, ngak hamu hu padai ngak apuh hu tangei. Ini lac bruk ngak adat cambat ilamo di bhap bini Buon Ma Thuot khik ramik dalam yaok pluh thun tapa tuk harei Trung thu.

Tinh Dong Thap daok duah thau harak roh duah pandar Danak dak  peih praong Labik khik iek sinh thai Dong Thap Muoi, di xã Tân Phước 2. Danak dak khik ramik sinh hoc tui jalan khang kajap; pasiam veik alam langik tathik saong dom phun kayau athur glai di taneh dhaong ia dauk, njauk ndem tal dom cim brim, phun kayau, athur glai pak ini. Langiu di bruk khik ramik, danak dak daok pamong tal bruk peih praong taneh  pala phun kayau, rik tame padang alam moi truong  salamat, tani tanat ka dom janih cim brim daok, caik menek…

Peih ngak tabung glong pacang taong mek kaya ia suan hukum, oh khan brei thau saong oh tui hukum IUU, dalam tuk pasang iek bruk ngak di tathik, Kapol pasang duah Balai Bien phong Thanh Hải saong Hải đội 2, Mban Chi huy Bol lin bien phong tinh Lâm Đồng pakhang bruk ngak tui tacei pato di Trung uong ka bruk pacang taong chap kaya dalam ia suan hukum, oh khan brei thau saong oh tui hukum IUU.  

Page ini, ia ndik di Ban Can Tho tagok tal pakat III. Ia ndik tagok ngak dauk dom bhum taneh biar dhaong, tapen kraong saong ngak jhak tal raidiuk bhap bini, bruk nao mai saong pala drak, pablei salih di bhap bini gaok kan kandah. Ia ndik tagok glong ngak dauk labik tapen kraong, bhum taneh dhaong saong dom jalan mbak. Yau nan ye, bhap bini njuak brei kuhria caga dahlau, brei takik nao  mai dalam tuk ia ndik tagok glong.

Tapa yaok kuhria hu mboh, Trung Quoc daok blei ameh tame piah veik bilan ka 11,  dalam tuk yaom ameh dunya tagok glong. Bruk nan brei mboh glang pariak negar Trung Quoc patui daok khik hu siam bruk ramik piah, peih praong khik piah ameh saong  kuhria car pandar khik piah hu ralo. Trung Quoc lac taneh ia ngak mbang praong ka dua di dunya khik piah rilo ameh dalam tuk yaom ameh di dunya tagok gam gam dalam tukvak tapa.

Jabat chuc nang Thai Lan khan lac, bruk ia ribuk dauk dalam daok rah tabiak di 19 tinh, ngak kan kandah tal 370.000 bhap bini saong ngak 22 urang metai. Rajaei Thai Lan doak pataom tame jhul khang dom jalan daong duah urang gaok bala saong plaik njaik takik khat lahik kayua bala meng langik. Tui nan, yaok baoh sang gaok khat lahik kayua ia ribuk sua hu taduan jien daong 9.000 Baht, sumu 280 USD. Jien daong nan hu brei samar, sumu saong taong abih gah, tui njauk bruk tacei ba di Thu tuong Thái Lan Anutin Charnvirakul.

Di labik Chalan Beel gah pei Bangladesh, labik ia ribuk sua, dom sang bac angaok kapal gilai daong ka yaok ribau uranaih bhum ribuk paoh hu bac da-a yaok thun. Bruk nan kayua gah langiu karja peih ngak, dom sang bac angaok kapl gilai peih meng nang luong ia harei meng palei ini tapa palei diah, pato tui danak dak pato megru luac thun./.