UBND tỉnh Cà Mau birau ba tabiak bruk jhul pasamar pandar taka so dalam tinh. Caong khin iew dom jabat, don vi kuhria iek chuc nang, bruk ngak pabak ilimo saong kong nghe so lagaih hoang kapol nyaom urang. Tỉnh Ca Mau peih bruk jak ba padang ngak “ Baoh sang so” kham merat yaok baoh sang  hu takik abih sa urang thau ngak 5 kadja taka so; pachreih bhap bini bac megru  di dom nen tang online, pandar jamraih thong minh, bayar jien online saong AI.

So Ngak nong saong Alam moi truong Ban Dong Nai khan brei thau, bruk pandar taka so khik iek, langyah harak gal hanh chinh taneh riya ngak hu siam. Mbiah tal ii hu labaih 1,8 trieu  mblang taneh  ngak salah  co so du lieu. Tui nan,  Ban Dong Nai ngak salah harak ho so taneh riya, padang du lieu saong cih veik harak ban do taneh riya ka taong abih 95 dalam 95 xa, phuong  hu jaik 15.000 blah harak ban do.

Kong an tinh An Giang harei kabroi padang  tabiak “ Bhum soc siam mekre- Salamat palei pala” di dom xa taphia negar di tinh. Njauk ndem tal, bruk iek praong  bruk ngak di urang hu angan je, halau janeng, urang ngak bruk saong dom kapol  di bhum palei pathau khan, jak ba  bhap binin  kham merat hu mbaok tame khik brei salamat siam mekre. Tapa nan, rik tame  ngak brei pakhang bruk jum pataom taong abih bhap bini, padang hatai je di rahra labik taphia negar.

Jaik 2.000 urang lambaok ka dom bhum palei, bol pan phao karaong, jabat, don vi saong dom kapol di tinh Dak Lak mai hu mbaok Nyaom roya  Padhih the thao tinh mbang ka I, peih pakak melam 25/8. Ong Y Nhuân Byă, Phaok akaok UBND tỉnh Đắk Lắk khan lac, hadei pagam tame tinh Phu Yen, tinh Dak Lak birau hu labik cak rok  praong jang, pataom ilimo  Tay Nguyen saong bhum duyen hai Nam Trung Bo. Tinh brei patui bruk patagok padhih the thao bhap bini, iek praong bruk padhih the thao bhum palei…

Biar harei kabroi 25/8, Pasak Y te An Khê, tinh Gia Lai  taduan hu 105 urang njauk jru mek hadei mbang ahar bánh mi. Tapa duah thau camereip, dom urang ini blei ahar banh mi di tiem kuan Bin Bin, labik 1041 jalan Quang Trung, phường An Khê. Bác sĩ Trần Đức Phương, Yam ndoc Pasak Y tế An Khê khan lac, hu 21 urang brei mai sang, dom urang daok veik taong ruak.

Canada harei kabroi 25/8 brei mek jien je ngan haong kaya hu yaom labaih 20 ti USD blei tame meng yaok thun meng negar Mỹ, cagar veik jien je bo karja  Tổng thống Donald Trump kuhria ka kaya kan di Canada. Dom jalan cagar brei mboh bruk cuang kandah gah pablei salih  di Mỹ saong Canada, dua taneh ia jaik gauk jeng yau taneh ia ngak mbang praong di gauk.

Gilang pariak Khik piah An Do khan brei thau hu jaik 73 ti USD jien negar langiu dalam labaih 11 adit tapa, dalam nan ralo jien urang negar An Do daok negar langiu saong ngak bruk payua mai. Danak dak ngak hu aval jang yau nan ye An Do  brei padeih danak dak jak ba urang payua jien negar langiu di harei 31/8, samar jang sa bilan  dut haong tukvak ba tabiak.

Patui veik bruk nduc 100 met samar abih di manuac sia dunya, robot thaik manuac di Trung Quoc mek hu tanut glong samar labaih 8 giay di Nyaom roya Padhih the thao Robot thaik manuac Dunya mbang ka 2 daok peih ngak di Bắc Kinh. Tanut glong abih di dunya nduac 100 met urak in lac labaih 9 giay, di urang Jamaica Usain Bolt.