Labaih 170 gah ngak mbang pablei salih mai meng 25 negar saong bhum taneh bahrau hu mbaok di Nyaom biai pambuak majam pabak kaya pablei tabiak blei tame, pablei salih ndien tu tinh Tay Ninh. Akaok UB Bhap bini tinh Tay Ninh Lê Văn Hẳn ndom lac, pablei salih pakat dunya daok salih samar, majam pabak daok pasiam veik, pablei tabiak darak pasar. Tay Ninh ba tabiak jalan kuhria jhul tagok 4 kapul pambuak dalam nan hu: gah ngak mbang pablei salih haong gah ngak mbang pablei salih; ngak tabiak haong darak pasar; kaya ndap nda haong majam pabak saong logistic; gam haong nan pambuak Tay Ninh haong darak pasar dalam negar saong dunya.

Tame thun bac 2026 -2027, gah Pato megru tinh Dak Lak pakhang bruk pasang iek kaya mbang hacih sa-at di dom sang bac hu tahaneh mbang, labik ndih daok, caong khin khik iek catang dom bruk meng labik ngak tabiak kaya mbang tal bruk ba ka anek mbang huak. Dak Lak urak ini hu 625 sang bac hadei ramik pagam ngan haong 700.000 anek saih dom pakat, dalam nan hu rilo sang bac tahaneh mbang, hu labik daok veik. Tinh pachreih dom sang bac khan brei cambaic laic kaya mbang, hu meng halei mai saong dom khaw tin karei piah amaik ame anek saih hu thau, tui iek var  mbang huak di sang bac.

UB Bhap bini tinh Ca Mau bahrau kuhria taong abih bruk daong padang 1.069 baoh sang ka dom urang gaok kan kandah ka sang daok, gam haong nan peih danak dak pakacah Jum prein padang jalan betong dalam palei pala. Taong abih jien buh tabiak ngak danak dak lac labaih 80 ty dong. Dalam nan, jien daong meng Trung uong labaih 21 ty dong; 59 ty dong hu meng Kadung jien “Ka urang kathaot” di tinh saong jien rik daong dalam rahra.

Piah paglong bruk ngak kaya nong jeng yau peih praong darak pasar pablei kaya nong tinh Vĩnh Long daok jhul pakhang bruk brei ma taka so bhum pala, khik iek labik papaok. Tui nan, urang brei ngak tui jalan pala lagaih, khik iek kajap jru khik caga phun pala, paglong asar kaya nong. Njauk ndem tal khik iek daong ngak catang chap mek veik dom angka so oh hu njauk lagaih pacang caga blaik saleik, khik angan je kaya nong siam.

Di Thien vien Trúc Lâm Phương Nam, Ban raya Can Tho bahrau peih ngak Raya Buffet kaya mbang taba hu angan “Pambuak anit ranam”. Danak dak piah rik daong jien ka urang kathaot, pambuak bhap bini saong pambak tabiak ilamo kaya mbang hacih hijao, daong ngak siam bruk sangka urang kathaot, hu raidiuk kan kandah. Dalam danak dak, Gah padang hu alin brei 20 paok jien pachreih bac ka dom adei baoh sang kan kandah, yaok paok hu yaom 500 ribau dong; alin brei 20 paok kaya ka baoh sang kan kandah dalam bhum.

Ngoại trưởng Hàn Quốc Cho Hyun mbiah tal Nepal, taom gaok dom urang ngak praong di Hàn Quốc brei mai Nepal piah daong bruk duah jeng yau dom urang gauk gar di 9 bhap bin Hàn Quốc di binek ia thuy dien. Tui yaok kuhria mboh, takik abih 1.344 urang metai di Nepal. Labaih 4.887 urang daok lahik, dalam nan hu 583 bhap bini urang negar langiu.

Gah bao hiem di Nepal brei thau, mbang ia sua theik di negar ini di adit dahlau meda ba tal dom bruk khat lahik bao hiem thuong mai truh tapa 20 ty Rupee Nepal, sumu 132 trieu USD, dalam dom danak dak thuy ndien hu rilo abih dom caong khin bayar jien. Hu 11 danak dak ia thuy ndien di Nepal daok dalam labik gaok kan kandah. Bala ngak khat lahik kuhria 2,6 ty dolla ka Nepal.

Jit ruak pandiak tabiak darah di Bangladesh tagok samar, hu jaik 43.000 urang tame sang iek ruak saong 117 mbang urang metai dalam thun. Bruk ralo urang ruak pandiak tabiak darah daok ngak ka dom sang iek ruak ngak bruk tapa prein. Thu tuong Bangladesh Tarique Rahman brei ramik hacih, iew bhap bini thaik klak ia kandong saong dom labik caih menek di jamoh./.