Melam harei 17/8, di Ha Noi, Quan uy Trung uong, Mentri  Quoc phong  peih bruk Taom mbaom pahadar 82 thun Harei padang Kong an bhap bini (19/8/1945 – 19/8/2026) saong 81 thun Harei padang gah Ngoại giao (28/8/1945 – 28/8/2026). Tong Bi thu, Po negar  Tô Lâm, Bi thu Quan uy Trung uong taom mbaok. Ndem meyai di var taom mbaok, Phó Thủ tướng, Akok mentri Quốc phòng, Đại tướng Phan Văn Giang lac dalam dom thun tapa, Mentri Quoc phong, Mentri Kong an, Mentti Ngoai giao ngak siam bruk ngak di drei, abih di nyu nan lac pambuak dom bruk roh duah, taong yaom khan  brei Dang, Karja ba tabiak ralo sarak, sarak praong suai lavik, njauk ndem tal  bruk ngak di gah bol lin Khik caga taneh ia dalam jaman birau; Bruk An ninh taneh ia…ba taneh patagok khang kajap dalam jaman birau uak drei patagok.

Bol lin duah, pataom atau talang liet si di Bộ Tư lệnh TP.HCM patui bruk pambak praong duah di lubang ka sa – Khu A dalam Bein bingu Le Thi Rieng. Dalam harei 17/8, bol lin ngak bruk kuac labaih 200 met khoi taneh piah duah dom labik meda hu atau talang liet si daok ndih pak nan. Tapa duah pataom, bollin  duah hu, pataom labaih 7 atau talang liet si saong 3 goi kaya kan di Khu A. Kuhria tal harei 17/8, duah pataom hu 358 atau talang liet si, dalam nan, hu dom atau talang hu kaya kan nao gam.

Ban raya Dong Nai birau mek mau ADN di 12/12 kubo liet si hu labaih 7.400 kubo, nga bruk labai 4 bilan, rik daong duah hu angan ka dom liet sĩ. Tapa pasang iek, labaih 4.580 kubo mek mau ADN. Urak ini, don vi daok ngak salah  taong abih  harak gal piah jao ka dom jabat khik iek, dut iek AND, piah duah thau angan je saong duah angan ka dom anh hung liet si.

Kong an TPHCM ba tabiak kaoh tui hukum 3 bruk, 11 urang pambuak tal bruk pablei salih janih dalam rup pabhap manuac suan hukum. Dom urang pandar mang xa hoi tame dom kapol nyaom, nyaom urang alin, brei thận atau tapa krein pambuak manuac sia piah duah urang khin pablei. Tuk pambuak hu manuac, dom urang yaih khan duah manuac pablei thận hu prein yawa khang kajap lagaih ba tabiak yaom jien meng 1,4ty tal 1,5 ty ka sa mbang pagam thận.

Meng akaok thun tal ini, tinh Tay Ninh hu 9 mbang urang metai kayua ruak meruai. UBND tinh taong yaom ka ruak meruai tamuh tabiak, njom mbak saong ngak metai ralo urang. Dalam tuk nan, bruk pacang, caga ruak di dom bhum palei daok suai, bruk khik  iek taphon asaw meyao oh lagaih. Anak bruk nan, tinh Tay Ninh caong khin dom xã, phuong brei psang iek yaok baoh sang hu raong athur, yaok kuhria hu hadom drei athau meyao saong klauk jru caga ruak; brei klauk jru pabak, salah dahlau di harei 31/8.

Takik abih 54 urang  metai saong yaok ribau urang karei panduan ba nao labik karei, hadei taneh tayun megei khang 7,7 do richte di Đông Nusa Tenggara di Indonesia. Dalam tuk peih bruk pahadar Harei Doc lap mbang ka 81 thun di Jakarta, Tổng thống Indonesia da-a bhap bini brei caik 1 minit hadar dom anh hung var klak rup saong likau chrong daong ka dom urang gaok bala. Tui nan, ong kakei lac, bebat doc lap juai tok thau mbang uan tabuan saoh bo daok thau lac tal dom urang daok bala kayua langik tathik.

Ia di 45 kraong di Trung Quoc daok tagok glong. Jabat kuhria mboh dahlau, meng harei ini Thái Hồ - nan lac 1 dalam 5 binek ia taba praong abih di Trung Quoc- padang ia ribuk praong dalam bhum. Ia glong tagok tanut kakei dahlau di kraong gah ala Hắc Long Giang. Dom kraong ia mbiah saong sit dalam dom bhum hu hajan praong meda rah tabiak ia ribuk sua.

Chau Au daok yam tapa langik pandiak ka lime dalam thun ini. Dom mbang langik pandiak dak harei dak ngak khat lahik trak ka gah ngak mbang dalam bhum. Jien mek tame di dom doanh nghiep jitvu caphe, mbang menyum gaok kan kandah, bhap bini takik cai pandar. Tui dom gah bao hiem, langik pandiak ba tal khat lahik, gaok langik pandiak bhang, apui khuah glai saong kurang ia. Bruk nan kan ngak bruk bao hiem jang dut saong dom bala karei./.